Bienzedi 21:3 - MUKANDA WA MYIDI MUKULU

³ Bafika pabuipi ne Shipre, muaba uvua tshidila tshimueneka ku diboku dietu dia bakaji, tuetu kupita kuinshi kuatshi, kuya ku Siriya. Tuetu kutuluka mu majuwa mu Tire, bualu ke muaba uvua majuwa ne bua kushiya bujitu.

Mukanda wa Nzambi Dihungila Dikulukulu ne Dihungila Dihia-dihia 2003

³ Hatuakatangila Kupulio, tuakamushîa ku tshianza tshia luboko; tuakasabuka ku Sulia, nakahueka ku Tulo bua bena buatu bakasua kuhatulaku bintu.

Bienzedi 21:3 교차 참조

2 Samuele 8:6

Davide kuteka balombodi ba bukalenga buende mu Siriya. Bena Siriya kushala ku bumfumu bua Davide. Kubalambuishaye bitadi. Ke mushindu uvua Maweja-Nangila mupeshe Davide bukole bua kutshimuna mvita yonsu nanku.

Misambu 45:12

Mukalenga udi ukujinga bua mpala webe. Yeye ke mfumu webe mpindiewu, umutumikile!

Misambu 87:4

“Ku bonsu badi bammanye: ndi ntela bena Ejipitu, bena Babilone, bena Peleshete, bena Tire ne bena Kushe, badi babalelele mu matunga aa.

Yeshaya 7:2

Bantu kumanyisha Akaze, mukalenga waku ndelanganyi ya Davide, ne bena lubanza luende ne: bena Arame mbase mitanda yabu mu buloba bua bena Efrayime. Bualu abu kutonda Akaze ne bantu bende. Kutuadijabu kunyungakana, bu mitshi ya muitu idi lupepele lunyungisha.

Matayi 11:21

— Wewe, Korazine, udi muena diakabi! Wewe, Betsayida, udi muena diakabi! Bualu bishima bidibu benzele muenu, bu biobi bienzekela mu Tire, ne mu Sidone, bena bimenga ebi kuonsu eku bakavua bavuale bilamba bikayapale, badilabe butu, bua kuleja ne: tudi basue kudilengeja.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Luke 10:13

Wewe Korazine, udi muena diakabi! Wewe Betsayida, udi muena diakabi! Bualu malu a dikema adibu banuenzela nuenu, bu bobu bawenzele bena Tire ne bena Sidone, bena bimenga ebi bavua mua kusomba panshi musangu umue, kuvuala bilamba bikayapale, kudilaba butu mu mutu, bua kuleja ne: tudi basue kudilengeja.

Luke 2:2

Ke musangu wa kumpala uvuabu babadike bantu nanku. Bivua bienzeka diba divua Kiriniyuse mutangidi wa buloba bua Siriya.

Bienzedi 11:19

Bamane kushipa Stefane, kutuadijabu kukengesha bena ditaba. Ke bena ditaba kutangalaka. Bamue ba kudibu kuya too ne ku Fenisiya, ne ku Shipre, ne ku Antiyokiya. Kadi bavua balongesha amu bena Yuda nkayabu malu a Mvidi Mukulu.

Bienzedi 12:20

Erode uvua mufikile bena Tire ne bena Sidone munda bikole. Nanku bena bimenga ebi kudisangisha bua kuya kumyuangana nende. Kulombabu Blastuse, mulombodi wa bena mudimu ba mu nzubu wa mukalenga, bua abakuile. Pashishe kumanyishabu Erode muvuabu bajinga kumyuangana nende. Bualu matunga abu avua apeta biakudia mu ditunga dia mukalenga Erode.

Bienzedi 13:4

Nanku Mueyelu wa Tshijila kutuma Barnabase ne Shawule ku mudimu. Kufikabu mu Selekiya. Muaba awu kubuelabu mu majuwa, batangile ku tshidila tshia Shipre.

Bienzedi 15:23

Kubapabu mukanda. Bavua bafundamu ne: “Tuetu bapostolu ne bakulu, bana benu, tudi tunuela muoyi, nuenu bena ditaba badi kabayi bena Yuda, badi basa mu Antiyokiya, mu Siriya, ne mu Silisiya.

Bienzedi 15:39

Polu ne Barnabase kutandangana bikole, kushiyangana. Barnabase kuangata Marke, kubuela nende mu majuwa, kuya ku Shipre.

Bienzedi 15:41

Polu kupita mu Siriya ne mu Silisiya, wenda ukolesha bantu ku muoyi mu Bisumbu bionsu bia bena ditaba.

Bienzedi 18:18

Polu kushala kabidi matuku makumbane mu Korente. Pashishe kulayanganaye ne bena ditaba. Yeye, Priskila ne Akuila, kubuela mu majuwa, kuya ku Siriya. Bangabanga ne kubuela mu majuwa mu Kenkreya, Polu uvua mukunguishe mu mutu, bualu uvua muenze dilaya.

Bienzedi 21:16

Bena ditaba ba mu Kezareya kutushindikija. Kutufdabu kua Mnasone, bua tuetu kulala kuende. Uvua muntu wa mu Shipre, umue wa ku bena ditaba ba kumpala.

Bienzedi 21:2

Tuetu kusanganamu majuwa aya ku Fenisiya. Ke tuetu kubuelamu, kuya.

Bienzedi 21:7

Tuetu kumuka mu Tire, kuya mu Ptolemayise. Ke mutuvua bajikije luendu luetu lua pa mayi nanku. Mu Ptolemayise tuetu kuya kukumbula bena ditaba, kushala nabu dituku dijima.

Bienzedi 27:4

Bamane kumuka, tuetu kulonda mielelu ya tshidila tshia Shipre, bualu lupepele lukole luvua lufuma kutuvua tuya.

Bienzedi 4:36

Ke muvua muena Levi mukuabu, mulelela mu tshidila tshia Shipre, dina diende Yozefe, uvua bapostolu binyike ne: Bamabase (mmomumue ne: musambianganyi),

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.