Bienzedi 20:6 - MUKANDA WA MYIDI MUKULU

⁶ Kunyima kua tshibilu tshia Mampa kaayi mela buanga, tuetu kumuka ne majuwa mu Filipe, kuenda matuku atanu, kusangana bena ditaba netu aba mu Trowase. Tuetu kushalamu lumingu lujima.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakashika matuku a bidia bidi kabi biela luevene, tuakumuka mu Filipoi, tuakabuela mu buatu; hakahita matuku atanu, tuakafika ku Toa kuakadibo; tuakalalaku matuku muanda mutekete.

Bienzedi 20:6 교차 참조

Bienzedi 12:3

Bu muvuaye mumone ne: bimvua ngenza ebi bidi bisankisha bena Yuda, kukuatshishaye kabidi ne Petro. (Bivua mu tshikondu tshia tshibilu tshia Mampa kaayi mela buanga.)

Bienzedi 16:12

Tumuka amu, tuetu kufika mu Filipe, tshimenga tshia tshitupa tshia kumpala tshia buloba bua Masedoniya, tshivua kabidi ku bumfumu bua bena Rome. Tuetu kushala mu tshimenga atshi amue matuku.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

2 Timote 4:13

Diba diwafika, untuadile tshinkutu tshimvua mushiye mu Trowase kua Karpuse. Untuadile kabidi ne mikanda, nangananga ya biseba bivunga.

Ekesode 34:18

“Mu ngondu wa Abibe unuvua bapatuke mu Ejipitu, nuikale nuenza tshibilu tshia dipatuka dienu. Matuku malondangane muanda mutekete, nudie mampa kaayi mela buanga, bu mumvua mumane kunuambila.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

Bienzedi 28:14

Mu tshimenga etshi tuetu kusangana bena tshisumbu tshietu. Bavua balomba bua tushale nabu lumingu lujima. Ke mutuakafika ku Rome nanku.

Bienzedi 21:8

Butshia tuetu kutungunuka ne luendu, kuyila njila wa ku makasa, kufika mu Kezareya. Tuetu kuya kua Filipe, mulongeshi wa Lumu lua Disanka, kulala kuende. Filipe uvua wa ku bantu muanda mutekete, bavuabu basunguile ku Yerushalayime, bua kuambuluisha bapostolu.

Bienzedi 21:4

Tuetu kusanganamu bena ditaba, kushala nabu lumingu lujima. Mueyelu wa Tshijila kubasonsola, bua bambile Polu ne: kuyi mu Yerushalayime to.

Bienzedi 16:8

Nanku kupitabu mu Miziya, kuya ku tshisabu tshia Trowase.

Bienzedi 16:10

Polu mumane kumona malu aa, tuetu kudilongolola diakamue bua kuya mu Masedoniya. Bualu tuvua bashindike ne: Mvidi Mukulu udi mutubikile bua kulongesha bena mu ditunga adi Lumu lua Disanka.

Bienzedi 20:5

Bonsu abu kudianjila, bua kutuindila mu Trowase.

Bienzedi 20:16

Bualu Polu uvua musue kupita Efeze, kayi utulamu. Kavua musue kujingakana mu buloba bua Aziya. Uvua uya lukasa, bua kufika mu Yerushalayime dituku dia Pentekostese, bu biobi mua kuenzeka.