Bienzedi 20:2 - MUKANDA WA MYIDI MUKULU

² Kupitshilaye munkatshi mua ditunga adi, wenda ukolesha bena ditaba ku muoyi ne malongesha mavule. Pashishe kuyaye mu ditunga dia bena Ngreke.

Mukanda wa Nzambi Dihungila Dikulukulu ne Dihungila Dihia-dihia 2003

² Hakahitshileye mu nseke ai, hakakolesheye mitshima yabo ne mei a bungi, wakalua mu Gelika.

Bienzedi 20:2 교차 참조

Zekâya 9:13

Yuda neangambuluishe bu buta bua mvita, Efrayime neikale bu mukete. Siyone, nentume bantu bebe, bua kuluishabu bena Ngreke. Nebangambuluishe bua kuluangana mvita, bu mudi muele wa myita wambuluisha muluanganyi wa bukitu.”

Luke 3:18

Yowanane uvua ubela bantu kabidi mibelu mikuabu ya bungi. Ke muvuaye ubamanyisha Lumu lua Disanka nanku.

Bienzedi 14:22

Bavua bakolesha balongi ku muoyi, bua bananukile mu ditaba, babambila ne: — Tudinebua kumvua makenga mavule, bua tuetu kubuela mu Bukalenga bua Mvidi Mukulu.

Bienzedi 15:41

Polu kupita mu Siriya ne mu Silisiya, wenda ukolesha bantu ku muoyi mu Bisumbu bionsu bia bena ditaba.

Bienzedi 16:12

Tumuka amu, tuetu kufika mu Filipe, tshimenga tshia tshitupa tshia kumpala tshia buloba bua Masedoniya, tshivua kabidi ku bumfumu bua bena Rome. Tuetu kushala mu tshimenga atshi amue matuku.

Bienzedi 17:1

Polu ne Silase kupitshila mu Amfipolise, ne mu Apoloniya, kufika mu Tesalonike. Mu tshimenga atshi muvua nzubu wa kutendelela wa bena Yuda.

Bienzedi 17:10

Bufuku buila, bena ditaba kutuma Polu ne Silase mu Bereya. Bafika muaba awu, kuyabu mu nzubu wa kutendelela wa bena Yuda.

Bienzedi 2:40

Petro uvua ubasaka, ubakolesha ku muoyi, ubambila miaku mikuabu ya bungi ne: — Umbukayi kudi bena buenzayi ba lelu aba. Nanku nenupete lupandu!

Bienzedi 20:1

Mitoyi mimane kujika, Polu kusangisha bena ditaba, kubakolesha ku muoyi, kulayangana nabu. Pashishe kuyaye mu Masedoniya.

Bienzedi 20:11

Pashishe kubandaye tshiakabidi kulu, kudiabu Didia dia Mfumu. Yeye mumane kulongesha kabidi tshitupa tshile too ne ku dinda, ke kushisha kuyaye.

Bienzedi 20:3

Kushalayemu ngondu isatu. Pakavuaye mumane kudilongolola bua kubuela mu majuwa, kuya mu Siriya, kumvuaye lumu ne: bena Yuda mbamuelele tshifufu tshibi. Ke yeye kupangadika bua kulonda njila wa ku makasa, kupitshila mu Masedoniya.

1 Korente 4:19

Kadi pasua Mfumu, nemfike kuenu aku lukasa. Diba adi tshiakumanya amu miaku ya badi badiela mulu abu, kadi nenjingulule kabidi bidibu mua kuenza.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

1 Tesalonike 2:11

Nudi bamanye mutuvua benzele yonsu wa kunudi, amu mudi tatu wenzela bana bende.

1 Tesalonike 2:3

Katuvua banuitabijije bua kunubueja mu ntupakanyi. Katuvua bakebe bivua bitulengelela tuetu. Katuvua badinge muntu nansha umue.

1 Tesalonike 4:1

Bana hetu, tuvua banulongeshe binudi ne bua kuenza, bua nusankishe Mvidi Mukulu. Bushuwa nukadi nuenza nanku. Kadi mpindiewu tudi Umulomba, tunusengelela mu dina dia Mfumu Yezu ne: nuenze nupitshishe.