Bienzedi 2:9 - MUKANDA WA MYIDI MUKULU

⁹ Munkatshi muetu emu se mudi bena Parte, bena Madayi, bena Elame, bantu ba mu Mezopotamiya, ba mu Yudeya, ba mu Kapadokiya, ba mu Pontuse, ba mu buloba bua Aziya,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bena Pâtia ne Bena Madai ne Bena Elama, ne badi bashikame mu Mesopotamia, ne mu Yudaya ne mu Kapadokia, ne mu Ponto ne mu Asia,

Bienzedi 2:9 교차 참조

Genese 10:22

Bana ba balume ba Sheme badi: Elame, Ashure, Arpakshade, Lude ne Arame.

Genese 14:1

Mu tshikondu atshi, bakalenga banayi, Amrafele, mukalenga wabena Babilone, Ariyoke, mukalenga wa bena Elazare, Kedorlayomere, mukalenga wa bena Elame, ne Tidale, mukalenga wa bena Ngoyime,

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

2 Bakalenga 17:6

Osheya mumane kulala mu bukalenga bidimu tshitema, mukalenga wa bena Ashure kukuata tshimenga tshia Samariya. Kuyabu ne bena Izrayele mu bupika mu Ashure, kubapesha buloba bua Ala, ne bua Ngozane, muaba udi musulu wa Abore, kabidi ne bimenga bia Madayi bua kusombamu.

1 Kulondolola 19:6

Mukalenga Anune ne bena Amone kumona ne: Davide ukadi muluishi wetu. Nanku kuangatabu ku mudimu bena mvita ba bena Arame ba mu buloba bua Mezopotamiya wa kulu, ba bena Maaka ne bena Soba, bikale ne matempu ne babandi ba pa nyama ya tubalu. Kufutabu bantu aba tshiamu tshitoke tshia mushinga mukole, tshia bujitu bua kilo binunu makumi asatu.

Ezela 6:2

Mu Ekbatane, tshimenga tshivuabu bakolesha ne bimana mu buloba bua Madayi, ke muvuabu basangana muvungu wa mabeji. Bavua bafundamu nenku: “Mulubu.

Yeshaya 11:11

Dituku adi Maweja-Nangila neenze tshiakabidi muende muonsu, bua kupikula bantu bende. Neapingaje kuabu bavua bashale ne muoyi mu ditunga dia Ashure ne dia Ejipitu, mu ditunga dia Patrose ne dia Kushe, mu Elame ne mu Babilone, mu Amate wa bena Arame, ne mu matunga a ku muelelu wa mayi manene.

Yeshaya 21:2

— Maweja-Nangila kundeja mu tshilota, bualu bua dikema, buenza bowa. Uvua wamba ne: “Bakengeshanganyi badi amu bakengeshangana, babutudianganyi badi amu babutulangana. Bena Elame, bangayi mvita! Bena Madayi, luishayi tshimenga! Tshiena musue bua bena Babilone batuishe kabidi bantu mikemu.”

Danyele 5:28

PERESE, mmomumue ne: bakuabanyi. Mbuena kuamba ne: mbatapulule bukalenga buebe, bua kubupesha bena Madayi ne bena Persa.

Danyele 8:2

Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.

Danyele 8:20

Uvua mumone tshimpanga tshia nsengu ibidi. Tshidi tshileja makalenga abidi: bua bena Madayi, ne bua bena Persa.

Bienzedi 16:6

Mueyelu wa Tshijila uvua mukandike Polu, ne bavuaye nabu, bua kabalongeshi muaku mu buloba bua Aziya. Ke bobu kupitshila mu buloba bua Frijiya ne bua Ngalate.

Bienzedi 18:2

Kusanganaye mu Korente muena Yuda, dina diende Akuila, wa mu buloba bua Pontuse. Utshivua ufumina ku Italiya ne mukajende Priskila. Bualu mukalenga wa bakalenga Klode uvua mutume diyi, bua bena Yuda bonsu bumuke mu Rome. Ke Polu kuya kumonangana ne Akuila ne mukajende.

Bienzedi 19:10

Kuenzaye nanku bidimu bibidi. Nenku bena Yuda ne bena Ngreke bonsu bavua mu buloba bua Aziya abu kumvuabu muaku wa Mfumu.

Bienzedi 19:27

Ebi bidi bifuana kunyanga mudimu wetu, bifuana kabidi kumuenesha nzubu wa nwidie mukaji munene Artemise bu tshintu tshia tshianana. Nanku nwidie mukaji ewu, udi bantu bonsu ba mu Aziya ne ba mu buloba bujima bakukuila, kakuikala kabidi ne lumu to!

Bienzedi 19:31

Bamue balombodi ba mbulamatadi ba mu Aziya, bavua balunda bende, kumutuminabu bantu, bamuambila bua kayi muaba wa manaya awu.

Bienzedi 2:8

Kadi mutudi tubumvua bakula muakulu wa kuetu kutudi bafume mmunyi?

Bienzedi 20:16

Bualu Polu uvua musue kupita Efeze, kayi utulamu. Kavua musue kujingakana mu buloba bua Aziya. Uvua uya lukasa, bua kufika mu Yerushalayime dituku dia Pentekostese, bu biobi mua kuenzeka.

Bienzedi 20:18

Bakulu bamane kufika, Polu kubambila ne: — Nudi bamanye mumvua musombe matuku onsu atuvua nenu, biangatshile ku dituku dia kumpala dimvua mufike mu buloba bua Aziya.

Bienzedi 20:4

Bavua bamushindikija kudi Sopatere, muana wa Piruse, wa mu tshimenga tshia Bereya, kabidi ne kudi Aristarke ne Sekunduse ba mu Tesalonike, Ngayuse wa mu Derbe, Tishike ne Trofime ba mu Aziya, kabidi ne kudi Timote.

Bienzedi 21:27

Lumingu lua kudikobolola lukavua pa kujika. Ke bena Yuda ba mu Aziya kumona Polu mu nzubu wa Mvidi Mukulu. Kusonsolabu bantu bonsu, kukuatabu Polu,

Bienzedi 24:18

Ke tshimvua ngenza mene, diba divuabu basangane mu nzubu wa Mvidi Mukulu, ngambuluisha bantu mu mulambu wa kudikobolola. Tshivua ne bantu ba bungi to. Tshivua mujule mutoyi nansha.

Bienzedi 27:2

Nanku tuetu kubuela mu majuwa a ku Adramite. Majuwa aa avua aya ku bisabu bia mu buloba bua Aziya. Tuvua ne Aristarke, muena Masedoniya, wa mu tshimenga tshia Tesalonike.

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Bienzedi 7:2

Ke Stefane kuandamuna ne: — Batatu, bana betu, ntelejayi. Mvidi Mukulu wa butumbi kumuenekela nkambua wetu Abrahame, patshivuaye mu Mezopotamiya, kayi muanji kuya mu Arane.

Rome 16:5

Elayi kabidi bena ditaba badi basangile kumbelu kuabu muoyi. Elayi Epayinete, mulunda wanyi musuibue, muoyi. Yeye ke muntu wa kumpala wa mu buloba bua Aziya uvua muitabe Kristu.

1 Korente 16:19

Bisumbu bia bena ditaba bidi mu Aziya bidi binuela muoyi. Akuila ne Priskila pamue ne Tshisumbu tshia bena ditaba tshidi tshidisangisha ku nzubu kuabu badi banuela mioyi mivule munda mua Mfumu udi utusanga.

2 Korente 1:8

Bana hetu, tudi basue bua numanye ne: makenga makole avua matukuate mu buloba bua Aziya. Avua matunemene bujitu. Bujitu abu buvua butupite bukole. Katutshivua batekemene kabidi ne: netushale ne muoyi.

Dielulula 23:4

Bena Amone ne bena Mowabe kabena mua kubuela muaba udi bantu ba Maweja-Nangila basangile, nansha ndelanganyi yabu ya musangu wa dikumi.

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,

Balombodi 3:8

Maweja-Nangila kufikila bena Izrayele munda. Kubafilaye mu bianza bia Kushane-Rishatayime, mukalenga wa Mezopotamiya. Bena Izrayele kushala ku bumfumu buende bidimu muanda mukulu.