Bienzedi 2:4 - MUKANDA WA MYIDI MUKULU

⁴ Bonsu kuwula ne Mueyelu wa Tshijila. Kutuadijabu kuakula miakulu mikuabu, bilondeshile muvua Mueyelu wa Tshijila ubakuisha.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Buonso buabo bakadi bûle tente ne Nyuma Muimpe, bakabanga kuakula miaku mikuabo bu muakabaha Nyuma dî dia kuambabo.

Bienzedi 2:4 교차 참조

2 Samuele 23:2

Mueyelu wa Mvidi Mukulu udi ungakuisha, uteka diyi diende pa ludimi luanyi.

Yeshaya 28:11

Kadi panudi kanuyi basue kunteleja, Maweja-Nangila mpindiewu neanutumine benyi, bua banumanyishe malu, mu muakulu wabu, unudi kanuyi mua kumvua.

Yeshaya 59:21

Maweja-Nangila kuamba kabidi ne: “Monayi ndondu undi ntua nenu: Mueyelu wanyi neunutulukile. Ndi nnulongesha malu anyi bituadije ku mpindiewu ne kashidi. Tshiena ngumusha dilongesha edi kunudi, nansha kudi bana benu, nansha kudi biikulu benu. Meme Maweja-Nangila ndi njadika nanku awu.”

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Yezekiyele 3:11

Pashishe, uye kudi bantu ba mu tshisamba tshienu, badibu bakuate munemu mu bupika. Ubambile ne: “Telejayi bidi Maweja-Nangila Mvidi Mukulu wamba.” Ubambile nanku, nansha bakuteleje, nansha babenge kukuteleja.

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Matayi 10:19

Pikalabu baye nenu kumpala kua balumbuluishi, kanupampakanyi bua tshinudi ne bua kuamba, ne bua mushindu unudi ne bua kuakula. Nenupete tshia kuamba anu diba adi.

Marke 16:17

Umvua yi bishima bidibu mua kumanyina bantu badi bitaba mbiebi: nebipate mikishi mibi mu dina dianyi, nebakule miakulu mipiamipia,

Luke 1:15

Bualu neikale muntu munene kumpala kua Maweja-Nangila. Kakunua nwinyo, nansha maluvu makole makuabu. Yeye mutshikale munda mua mamuende, neikale muwule tente ne Mueyelu wa Tshijila.

Luke 1:41

Elisabete umvua muoyi uvua Mariya mumuele, diakamue muana kunyungakana bikole munda muende. Ke Elisabete kuwula tente ne Mueyelu wa Tshijila.

Luke 1:67

Zekarya, tatuende wa muana, kuwula ne Mueyelu wa Tshijila. Kutuadijaye kumanyisha bantu malu a Mvidi Mukulu, wamba ne:

Luke 12:12

Bualu diba adi Mueyelu wa Tshijila neanumanyishe tshinudi ne bua kuamba.”

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Luke 4:1

Yezu uvua utumina ku musulu wa Yardene muwule ne Mueyelu wa Tshijila. Ke Mueyelu kumufikisha mu tshipela.

Yowanane 14:26

Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 20:22

Mumane kuamba nanku, kubelaye mupuya, ubambila ne: — Angatayi Mueyelu wa Tshijila!

Bienzedi 1:5

Yowanane uvua utua bantu mu mayi. Kadi matuku makese aa, nebanutue nuenu munda mua Mueyelu wa Tshijila.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 10:46

Bualu bavua bumvua bantu abu bakula miakulu ivuabu kabayi bamanye, batumbisha bunene bua Mvidi Mukulu. Ke Petro kuamba ne:

Bienzedi 10:47

— Bu mudi bantu abu bamane kupeta Mueyelu wa Tshijila mumue netu, udi mua kukandika bua babatue mu mayi nnganyi?

Bienzedi 11:15

Ntuadija kulongesha, Mueyelu wa Tshijila kupuekela bantu abu, anu muvuawu mutupuekele petu mu ntuadijilu amu.

Bienzedi 11:24

Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

Bienzedi 13:52

Kadi bena ditaba ba mu Antiyokiya bavua ne disanka, buwule ne Mueyelu wa Tshijila.

Bienzedi 13:9

Ke Shawule, udibu binyika kabidi ne: Polu, muwule ne Mueyelu wa Tshijila, kumujooja,

Bienzedi 15:8

Mvidi Mukulu udi mumanye mioyi ya bantu, mmuleje mudiye muanyishe bantu ba bisamba bikuabu, bualu mmubapeshe Mueyelu wa Tshijila mumue netu.

Bienzedi 19:6

Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe.

Bienzedi 2:11

Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

Bienzedi 2:3

Kumonabu ndimi imueneka bu ya kapia, yabulukangana iya kuikila ku lumue ku lumue pa mitu yabu.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

Bienzedi 4:8

Ke Petro, muwule ne Mueyelu wa Tshijila, kubambila ne: — Nuenu bamfumu ba ditunga ne bakulu,

Bienzedi 6:3

Nenku bana betu, sungulayi munkatshi muenu bantu ba lumu luimpe muanda mutekete, badi buwule ne Mueyelu wa Tshijila, kabidi ne meji. Netubateke ku mudimu ewu.

Bienzedi 6:5

Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Bienzedi 6:8

Mvidi Mukulu uvua muele Stefane lupemba. Kupetaye bukole bua kuenza bishima ne malu a dikema munkatshi mua bantu.

Bienzedi 7:55

Kadi Stefane, muwule ne Mueyelu wa Tshijila, kutangila mulu, kumona butumbi bua Mvidi Mukulu, ne Yezu muimane ku dia bukole dia Mvidi Mukulu.

Bienzedi 8:17

Nenku Petro ne Yowanane kubatenteka bianza. Kupetabu Mueyelu wa Tshijila.

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

1 Korente 13:1

Nansha meme muakule miakulu ya bantu, ne ya batumibue ba Mvidi Mukulu, kadi tshiyi ne dinanga, miaku yanyi idi amu bu ludibu ludi luenza mutoyi, ludila, nansha bu ngonga udi udila.

1 Korente 13:8

Dinanga kashidi kadiena dijimina. Dituku dikuabu bambi kabakuakula kabidi to. Bantu kabakuakula kabidi miakulu idi bantu kabayi bamanye. Kumanya malu masokome a Mvidi Mukulu nekujike.

1 Korente 14:18

Ndi ngela Mvidi Mukulu tuasakidila, bualu ndi ngakula miakulu idi bantu kabayi bamanye, munupite nuenu bonsu.

1 Korente 14:5

Ndi musue bua nuakule bonsu miakulu idi bantu kabayi bamanye. Kadi ndi mpita kujinga bua nuikale ne dipa dia kumanyisha bantu malu adi Mvidi Mukulu munuambile. Bualu udi ne dipa edi, udi utamba kuambuluisha bantu bipite muntu udi wakula miakulu idi bantu kabayi bamanye. Muntu udi wakula nanku udi mua kuambuluisha Tshisumbu tshijima tshia bena ditaba, amu padi muntu mua kumvuija bidiye wamba.

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.

2 Petro 1:21

Bualu bivua bambi batumanyishe kabivua bifuma ku disua nkayadi dia muntu. Kadi bambi bavua bakula mu dina dia Mvidi Mukulu, bualu Mueyelu wa Tshijila uvua ubaludika.

1 Samuele 1:14

Nanku kukonkaye Ane ne: — Maluvu neakutenduke diba kaayi? Patuka uye kulala muaba mukuabu bua maluvu akutenduke.

1 Samuele 10:10

Nanku Shawule ne muena mudimu wende, bafike ku Ngibeya, kusambakenabu ne tshisumbu tshia bambi. Mueyelu wa Mvidi Mukulu kutulukila Shawule, kudisangishaye ne bambi abu. Kutuadijaye kuja maja, wela mbila.