Bienzedi 2:2 - MUKANDA WA MYIDI MUKULU

² Bu mpindiewu tshiona tshikole kufuma mu diulu, bu tshipepele tshikole tshituuta. Kumvui-katshi mu nzubu mujima uvuabu basombe.

Mukanda wa Nzambi Dihungila Dikulukulu ne Dihungila Dihia-dihia 2003

² Tshiona tshiakafuma lubilu mulu bu tshihehele tshikole tshihita, tshiakûsha mu nsubu muonso muakadibo bashikame tente.

Bienzedi 2:2 교차 참조

1 Bakalenga 19:11

Maweja-Nangila kuambila Eliya ne: — Patuka mu lubuebue, wimane pa mukuna kumpala kuanyi. Ndi musue kupita. Diakamue, tshipepela tshinene kutuuta bikole. Kupandatshi mikuna ne mbuebue kumpala kua Maweja-Nangila. Kadi, Maweja-Nangila kavua mu tshipepela atshi to. Tshipepela tshimane kujika, buloba kuzakala. Kadi, Maweja-Nangila kavua mu buloba buvua buzakala abu to.

Misambu 18:10

Maweja-Nangila kunzulula diulu, kupueka pa mavuba mafiike,

Musambu wa Solomo 4:16

Mpepele ya ku mutu ne ya kuinshi, tabalayi, luayi lukasa, tangalajayi dipembu dionsu didi mu lupangu luanyi. Miaba yonsu inunke mupuya muimpe! Munanga wanyi, luaku, buela mu lupangu luanyi, udie bimuma bisheme bidi momu.

Yeshaya 65:24

Kabayi banji kumbikila, meme nembitabe. Kabayi banji kujikija dindomba, meme nkadi mumane kumvua.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Luke 2:13

Diakamue mutumibue wa Mvidi Mukulu awu kumuelabu munkatshi kudi batumibue bakuabu ba mu diulu. Bavua batumbisha Mvidi Mukulu, bamba ne:

Yowanane 3:8

Lupepele ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.

Bienzedi 2:3

Kumonabu ndimi imueneka bu ya kapia, yabulukangana iya kuikila ku lumue ku lumue pa mitu yabu.

Bienzedi 2:6

Bantu kunguila pavuabu bumvua tshiona atshi. Bavua bakema bikole, bualu muntu yonsu uvua umvua balongi ba Yezu bakula muakulu wa kuabu kudiye ufuma.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

1 Petro 1:12

Mvidi Mukulu uvua mutanduile bambi abu ne: mukenji unudi ne bua kumanyisha bantu, kanuena nuulongesha bualu buenu to, kadi bua bantu bakuabu. Ke mudi bakobodi ba Lumu lua Disanka banumanyishelu mpindiewu ku bukole bua Mueyelu wa Tshijila udi Mvidi Mukulu mulume. Batumibue ba Mvidi Mukulu mene badi bajinga kumanya mukenji awu.