Bienzedi 2:14 - MUKANDA WA MYIDI MUKULU

¹⁴ Ke Petro kujuka kulu, pamue ne bapostolu bakuabu dikumi ne umue, kuambilaye bantu ne diyi dikole ne: — Nuenu bena Yuda, nuenu bonsu kabidi badi basomba mu Yerushalayime, ntelejayi bimpe, bua nnumvuije bidi bienzeka ebi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi Petelo wakimana ne bapostolo dikumi ne umue, wakabandisha dî diandi, wakabambila ne, Nuenu Bena Yudaya ne buonso buenu badi bashikama mu Yelushalema, numanye bienu bualu ebu, nunvue mei anyi.

Bienzedi 2:14 교차 참조

Nsumuinu 8:32

“Kadi mpindiewu, bana banyi, ntelejayi. Panuikala nulonda mibelu yanyi, nenupete diakalenga.

Yeshaya 40:9

Nuenu bena Yerushalayime, bandayi pa mukuna mutumbuke. Nuenu bena Siyone, koleshayi diyi muenu muonsu. Mbanuambile lumu lua disanka, kanutshinyi mua kuluambila banga bantu. Ambilayi bena mu bimenga bia Yuda ne: “Monayi Mvidi Mukulu wenu.

Yeshaya 51:1

Maweja-Nangila udi wamba ne: “Nuenu badi bakeba lupandu, nuenu badi balukeba kundi, ntelejayi. Tangilayi mudibu banusonge ne dibue dia mu lubuebue lukole. Vulukayi mudibu banupatule muaba udibu bapandila mabue mimpe.

Yeshaya 51:4

Maweja-Nangila udi wamba ne: “Nuenu bantu banyi, ntelejayi bimpe. Nuenu bena ditunga dianyi, teyayi matshi enu kundi. Meme ke udi umanyisha bantu meyi. Meyi ne mikandu bindi ngela, nebitokeshile bantu ba pa buloba njila.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Yeshaya 52:8

Teleja bantu bebe, bauvua muteke ku butentekedi. Bonsu badi bela mbila pamue, basanka, bualu mbadimuene ne mesu abu, mudi Maweja-Nangila upingana mu Siyone.

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Matayi 2:1

Kulelabu Yezu mu musoku wa Betleyeme, mu ditunga dia Yudeya. Tshikondu atshi Erode ke uvua mukalenga wa ditunga. Bamane kulela Yezu, bena meji, bavua balonge malu a mitotu bikole, kufikabu mu tshimenga tshia Yerushalayime, batumine luseke ludi diba dipatukila.

Bienzedi 1:26

Kutshinkabu bua kupeta muntu umue ku babidi aba. Kupetabu Matiyase. Kumusakidilabu ku bapostolu dikumi ne umue.

Bienzedi 13:16

Polu kujuka, kupuwisha bantu ne tshianza, wamba ne: — Nuenu bena Izrayele, nuenu kabidi bena bisamba bikuabu badi batendelela Mvidi Mukulu, ntelejayi:

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

Bienzedi 5:35

Ke kuambilaye bena Tshipangu ne: — Nuenu bena Izrayele, nuamanya tshinudi nukeba kuenzela bantu aba.

Bienzedi 7:2

Ke Stefane kuandamuna ne: — Batatu, bana betu, ntelejayi. Mvidi Mukulu wa butumbi kumuenekela nkambua wetu Abrahame, patshivuaye mu Mezopotamiya, kayi muanji kuya mu Arane.

Dielulula 27:9

Pashishe Moshe, pamue ne batuangaji ba bena Levi, kuya kudi bantu, kubambila ne: — Nuenu bena Izrayele, lekelayi mutoyi, telejayi. Biangatshile lelu, nuashadi tshisamba tshia Maweja-Nangila Mvidi Mukulu wenu.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.