Bienzedi 2:13 - MUKANDA WA MYIDI MUKULU

¹³ Kadi bantu bakuabu bavua baseka bena ditaba, bamba ne: — mBakuatshike maluvu menemene!

Mukanda wa Nzambi Dihungila Dikulukulu ne Dihungila Dihia-dihia 2003

¹³ Kadi bakuabo bakaseka, bakamba ne, Badi bakuatshike maluvu mahia-mahia.

Bienzedi 2:13 교차 참조

Yobe 32:19

Bia nanku bidi amu bitutuka munda muanyi, bu maluvu adibu bela mu milondu ya biseba mipiamipia, akeba kuyipanda.

Musambu wa Solomo 7:9

Ke meme kuamba ne: “Ndi mbanda kulu, ntungule ngaji!” Mabele ebe adi bu bisumbu bia tumuma tua mvinyo. Mupuya webe udi ne dipembu dimpe bu dia bimuma bisheme.

Yeshaya 25:6

Maweja-Nangila muena bukole buonsu, nealongoluele bantu bonsu didia dinene, pa mukuna wa Siyone. Bantu nebadie minyinyi ya mafuta, banue maluvu masheme, — minyinyi mimpe mitekete, maluvu a mvinyo mimpe menemene, mamane kulala bidimu. —

Zekâya 10:7

Bena Efrayime nebikale bakole, bu bena mvita ba bukitu. Nebasanke bu bantu bamane kunua maluvu. Pamona bana babu bidi bienzeke ebi, nebasanke. Nebumvue musangelu munda muabu, bua bidi Maweja-Nangila muenze.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Bienzedi 2:15

Bantu aba ki mbakuatshike maluvu, munudi nuela meji amu to. Tutshidi amu pa diba dia tshitema wa dinda.

1 Korente 14:23

Padi Tshisumbu tshijima tshia bena ditaba mu ditendelela, bonsu bakula miakulu idi bantu kabayi bumvua, bantu ba patupu, nansha badi kabayi bena ditaba, babuela muaba awu, kabena mua kunuamba ne: nudi bapale anyi?

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

1 Samuele 1:14

Nanku kukonkaye Ane ne: — Maluvu neakutenduke diba kaayi? Patuka uye kulala muaba mukuabu bua maluvu akutenduke.