Bienzedi 2:11 - MUKANDA WA MYIDI MUKULU

¹¹ Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne Bena Kulete ne Bena Alaba, tudi tunvua bantu aba bamba mianda minene ya Nzambi mu miaku yetu.

Bienzedi 2:11 교차 참조

1 Bakalenga 10:15

Tusakidile milambu ivuabu bapeta ku bintu bia ku matunga makuabu bivua bangenda mushinga babueje mu ditunga, ku bungenda mushinga bukuabu, ne ku bitadi bivuabu balambula kudi bakalenga ba bisamba bikuabu, nansha bivuabu bapeta kudi balongolodi ba maloba a mu ditunga.

2 Kulondolola 17:11

Bena Peleshete mene bavua batuadila Yosafate milambu ne bintu bia tshiamu tshitoke tshia mushinga mukole, bia kumuambuluisha nabi. Bena Arabe bavua bamutuadila mikoku ya bimpanga binunu muanda mutekete ne nkama muanda Mutekete, ne mbuji ya mpumbu amu bungi bua momumue.

2 Kulondolola 26:7

Mvidi Mukulu uvua muambuluishe Uziya, bua atshimune bena Peleshete, bena Arabe bavua basombe ku Ngure-Baale, ne bena Meyuni.

Yobe 9:10

Malu adiye muenze mmanene, muntu kena mua kuajingulula. Kena nansha mua kubala bishima biende bungi buabi.

Misambu 107:15

Basakidile Maweja-Nangila bua malu ende mimpe, ne bua malu ende a kukema adiye muenzele bantu.

Misambu 107:21

Basakidile Maweja-Nangila bua malu ende mimpe, ne bua malu ende a kukema adiye muenzele bantu!

Misambu 107:8

Basakidile Maweja-Nangila bua malu ende mimpe, bua malu ende a kukema adiye muenzele bantu.

Misambu 111:4

Ndi musue bua bantu bavuluke malu ende a kukema. Maweja-Nangila udi ne dinanga, udi ufuila bantu luse,

Misambu 136:4

Yeye nkayende mmuenze malu manene a dikema, bualu dinanga diende ndia kashidi.

Misambu 26:7

Ndi nkuimbila, nkuela tuasakidila, mmanyisha bantu bia dikema biebe.

Misambu 40:5

Muntu udi utekemena kudi Maweja-Nangila, kayi ubuelakana ne benji ba bibi, nansha ne bena dishima, mmuena diakalenga.

Misambu 71:17

Mvidi Mukulu wanyi, udi mundongeshe biangatshile ku buana buanyi. Too ne lelu, ntshidi amu mmanyisha malu a dikema audi muenze.

Misambu 77:11

Ndi ngamba ne: “Bualu budi buntonda budi bua Mvidi Mukulu wa bukole buonsu, kena kabidi netu bualu.”

Misambu 78:4

Katuena basue kuasokoka bana betu, kadi netuambile ndelanganyi yetu, mudibu mua kutumbisha Maweja-Nangila, bukole buende ne malu a kukema adiye muenze.

Misambu 89:5

Nenjadike umue wa ku ndelanganyi yebe mu bukalenga tshiendelele. Nenteke bantu ba ku ndelanganyi yebe mu bumfumu buebe, mu bikondu bionsu.”

Misambu 96:3

Nuambile bantu bonsu butumbi buende, numanyishe bukua bisamba malu a kukema adiye muenze.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Yeshaya 13:20

Ditunga dia Babilone nedishale munda mutupu kashidi kashidi. Nansha bena ngendu, kabena basamu mitanda yabu to. Nansha badishi ba bimuna, kabena bimanamu to.

Yeshaya 21:13

Badi bamanyisha malu adi atangila ditunga dia bena Arabe. Nuenu misumba ya bantu ba mu Dedane, bufuku nuye kulala mu tshisuku.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 28:29

Lungenyi lua kuenza nanku ludi lufuma kabidi kudi Maweja-Nangila muena bukole buonsu. Mvidi Mukulu udi uleja bantu nanku, mudi meji ende a kukema, mudiye mumanye malu onsu.

Yirmeya 25:24

— ke bakalenga ba bena Arabe, ne bisamba bishilangane bidi bisombe mu tshipela;

Yirmeya 3:2

Tangila ku mikuna. Udi mua kumona muaba nansha umue udibu kabayi balale nebe anyi? Udi musombe ku mpenga kua njila muindile babayebe, mudi bena Arabe bindile bantu mu tshipela, bua kuiba bintu biabu. Udi unyanga ditunga ne tshiendenda, kabidi ne buenzavi buebe.

Bienzedi 2:10

ba mu Frijiya, ba mu Pamfiliya, ba mu Ejipitu, ne ba mu buloba bua Sirene budi mu ditunga dia Libiya. Bakuabu mene badi bafume ku Rome.

Bienzedi 2:12

Bantu bonsu aba bavua bakema, balubakana, bakonkangana ne: — Bionsu bidi bienzeka ebi bidi bileja tshinyi?

Bienzedi 27:12

Luseke lukuabu katuvua ne mushindu wa kupitshisha bimpe tshikondu tshia mashika mu tshisabu atshi to. Ke pavua bantu ba bungi bavua mu majuwa bajinga kumuka, bua kufika mu tshisabu tshia Fenikse, bu biobi mua kuenzeka. Tshisabu atshi tshivua mu tshidila tshia Kreta, luseke ludi diba dibuelela luatshi. Tshivua muaba muimpe wa tuetu kupitshisha muvu wa mashika.

Bienzedi 27:13

Kapepe kavua kafuma kuinshi kua ditunga. Bantu kuela meji ne: tudi mua kukumbaja mutudi tujinga. Nanku kupatulabu longu mu mayi. Bavua bendesha majuwa, balamata menemene ku muelelu wa tshidila tshia Kreta.

Bienzedi 27:7

Matuku mavule majuwa avua enda amu bitekete. Tuvua batate bikole bua kufika pabuipi ne tshimenga tshia Knidose. Bu muvua lupepele lutupumbisha mua tuetu kutungunuka luseke alu, tuetu kubenda, batangile ku tshidila tshia Kreta, kupitshila ku lusongu lua buloba bua Salmona.

1 Korente 12:10

Mukuabu udi upeta kudi Mueyelu dipa dia kuenza malu a dikema, mukuabu dipa dia kumanyisha bantu malu avua Mvidi Mukulu mumuambile. Munga udi upeta dipa dia kusunguluja bidi bifuma kudi Mueyelu wa Mvidi Mukulu, ne bidi kabiyi bifuma kudiwu. Umue udi upeta dipa dia kuakula miakulu idi bantu kabayi bamanye, munga dipa dia kumvuija bidibu bamba mu miakulu ayi.

1 Korente 12:28

Nanku mu Tshisumbu tshia bena ditaba, Mvidi Mukulu mmuteke bonsu pa muaba wabu: bangabanga bapostolu, pashishe bambi, balonda kudi balongeshi; kunyima kudi benji ba malu a dikema, kudi badi ne bukole bua kuondapa babedi, nansha badi bambuluisha bakuabu, nansha badi balombola bantu nabu, ne badi bakula miakulu idi bantu kabayi bamanye.

Ngalate 1:17

Tshivua nansha muye ku Yerushalayime, bua kumonangana ne bakavua bapete mudimu wa bupostolu kumpala kuanyi. Kadi diakamue mvua muye ku Arabiya. Pashishe meme kupingana ku Damase.

Ngalate 4:25

Agare udi uleja mukuna wa Sinayi udi tshipeta tshia Arabiya, uleja kabidi lelu tshimenga tshia Yerushalayime, tshidi mu bupika pamue ne bonsu badi basombamu.

Tite 1:12

Muena Kreta menemene, umue wa ku bambi babu, uvua wamba ne: “Bena Kreta badi amu bena dishima, nyama ya lonji, bena lulengu, basombela anu bua kudia.”

Tite 1:5

Mvua mukushiye mu tshidila tshia Kreta, bua wewe kulongolola bimvua meme tshiyi mujikije. Nanku mu tshimenga tshionsu uteke bakulu ku mutu kua Tshisumbu tshia bena ditaba. Uvuluke meyi ne mikandu bimvua mukushile.

Ebrewu 2:4

Mvidi Mukulu uvua kabidi mujadike bulelela bua bivuabu bambe ku bishima ne ku malu a kukema a mishindu yonsu. Uvua muabanye kabidi mapa a kudi Mueyelu wa Tshijila muvuaye musue.