Bienzedi 2:10 - MUKANDA WA MYIDI MUKULU

¹⁰ ba mu Frijiya, ba mu Pamfiliya, ba mu Ejipitu, ne ba mu buloba bua Sirene budi mu ditunga dia Libiya. Bakuabu mene badi bafume ku Rome.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ ne mu Fugia ne mu Pampulia, ne mu Ejipitu ne mu nseke ya Libue ne Kulene, ne ba ku Lomo badi basomba kunoko, ne Bena Yuda ne ba bende bakitabusha bualu bua Bena Yuda,

Bienzedi 2:10 교차 참조

Genese 12:10

Tshiyole tshia nzala kupatuka mu ditunga dia Kenaane. Ke muvua Abrame uya mu ditunga dia Ejipitu, bua kuanji kusombamu.

Estere 8:17

Ku ditunga dionsu, mu tshimenga tshionsu, ne konsu kuvua mukanda ewu ufika, bena Yuda bavue amu ne disanka. Bavua benzeja didia dinene dia tshibilu. Bantu ba bisamba bikuabu bavua babuela mu tshisumbu tshia bena Yuda, bua bowa buvuabu babakuatshisha kudi bena Yuda.

Yirmeya 46:9

Nyama ya tubalu, tuyayi. Matempu a mvita, nyemayi lubilu! Nuenu bena Kushe, bilobu bia mvita. Nuenu bena Pute, bambudi ba ngabu mikese. Nuenu bena Lude, bedi ba mikete, nyemayi tumone! Pitayi kumpala tumone!”

Yezekiyele 30:5

Bena mvita ba bena Kushe, ba bena Pute, bena Lude, bena Arabe, bena Libiya too ne ba mu bantu banyi nebafue mu mvita.

Danyele 11:43

Neanyenge bintu bia mushinga mukole bia mu Ejipitu: mpawungi, tshiamu tshitoke tshia mushinga mukole, ne bintu bia mushinga mukole. Bena Libiya ne bena Etiyopiya nebamuitabe.

Osheya 11:1

Maweja-Nangila udi wamba ne: “Patshivua bena Izrayele bana batekete, meme mvua mubanange. Mvua mbabikila ne: mbana banyi. Meme kubapatula mu Ejipitu.

Zekâya 8:20

Maweja-Nangila wa bukole buonsu udi wamba ne: “Bantu ba mu bisamba bikuabu, ne ba mu bimenga bivule, nebafike mu Yerushalayime tshiakabidi.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Matayi 2:15

Yozefe kushala mu Ejipitu too ne pakafua Erode. Bionsu ebi bivua bienzeka bua kukumbaja bivua Maweja-Nangila muakule mukana mua muambi ne: “Mvua mubikile muananyi wa balume bua kumukaye mu Ejipitu.”

Matayi 23:15

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nutambakana pa buloba bujima, ne pa mayi manene, bua kupeta muntu udi mua kukudimuna mutshima wende. Kadi panudi bamane kumupeta, nudi numupisha tshibawu tshia kapia ka tshinyangu, tshipite tshienu misangu ibidi.

Matayi 27:32

Pavuabu bumuka mu tshimenga, kusangilabu ne muntu wa mu musoku wa Sirene. Dina diende nSimone. Basolayi kumukolela bua ambule mutshi mutshiamakane wa Yezu.

Marke 15:21

Muntu mukuabu uvua upita mu njila, utumina ku budimi, diende Simone muena mu Sirene, uvua tatuende wa Aleksandre ne Rufuse. Basolayi kumuenzeja bua kuambulaye mutshi mutshiamakane wa Yezu.

Bienzedi 11:20

Kadi bamue bena ditaba bavua mu tshidila tshia Shipre, ne ba mu tshimenga tshia Sirene, bavua bafike kabidi mu Antiyokiya. Kutuadijabu kulongesha bantu ba bisamba bikuabu, babamanyisha Lumu lua Disanka lua Mfumu Yezu.

Bienzedi 13:1

Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Bienzedi 13:13

Polu ne binende kubuela mu majuwa mu Pafose, kuya mu Perje wa mu Pamfiliya. Yowanane Marke kubashiya muaba awu, kupingana ku Yerushalayime.

Bienzedi 13:43

Ditendelela dimane kujika, bena Yuda bavule, ne bantu ba bisamba bikuabu bavua bamane kubuela mu Tshisumbu tshia bena ditaba ba bena Yuda, kulondabu Polu ne Barnabase. Bobu abu bavua bayukila nabu, babakolesha ku muoyi, bua bashindame mu ditaba divuabu bapete kudi Mvidi Mukulu.

Bienzedi 14:24

Pashishe bapostolu kupitshila mu ditunga dia Pisidiya, bua kufika mu ditunga dia Pamfiliya.

Bienzedi 15:38

Kadi Polu kavua musue kuya nende to. Bualu Yowanane Marke uvua mubashiye mu Pamfiliya, mubenge kuenza nabu mudimu.

Bienzedi 16:6

Mueyelu wa Tshijila uvua mukandike Polu, ne bavuaye nabu, bua kabalongeshi muaku mu buloba bua Aziya. Ke bobu kupitshila mu buloba bua Frijiya ne bua Ngalate.

Bienzedi 17:21

(Bualu bena Atene bonsu, ne bantu ba bisamba bikuabu bavua basomba mu tshimenga atshi, bavua basombela amu bua kuamba, nansha bua kuteleja malu mapiamapia!)

Bienzedi 18:2

Kusanganaye mu Korente muena Yuda, dina diende Akuila, wa mu buloba bua Pontuse. Utshivua ufumina ku Italiya ne mukajende Priskila. Bualu mukalenga wa bakalenga Klode uvua mutume diyi, bua bena Yuda bonsu bumuke mu Rome. Ke Polu kuya kumonangana ne Akuila ne mukajende.

Bienzedi 18:23

Usombamu amue matuku, kumukaye tshiakabidi. Kupitshilaye mu buloba bua Ngalate ne bua Frijiya, wenda ukolesha balongi bonsu mu ditaba.

Bienzedi 2:11

Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

Bienzedi 23:11

Butuku, Mfumu kumuenekela Polu, umuambila ne: — Kolesha muoyi. Mu Yerushalayime emu, udi muleje bantu muudi ungitaba. Ke muwaya kuenza kabidi ne mu Rome!

Bienzedi 27:5

Tuetu kusabuka mayi manene pabuipi ne Silisiya ne Pamfiliya, kufika mu Mira mu buloba bua Lisiya.

Bienzedi 28:15

Bena ditaba ba mu Rome bavua bamane kumvua lumu lua difika dietu. Kuvuabu too ne ku Tshisalu tshia Apiyuse, ne ku Nzubu isatu ya Tshiala benyi, bua kutuakidila. Amu Polu ubamona, kukolaye muoyi, wela Mvidi Mukulu tuasakidila.

Bienzedi 6:5

Bantu bonsu kuanyisha bivua bapostolu bambe. Kusungulabu Stefane, muntu wa ditaba divule, muwule kabidi ne Mueyelu wa Tshijila, pamue ne Filipe, Prokore, Nikanore, Timona, Parmenase, ne Nikola, muena Antiyokiya, uvua mubuele mu tshisumbu tshia bena Yuda kukavua matuku.

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Rome 1:15

Ke pandi njinga kunutuadila nuenu kabidi badi basomba mu Rome Lumu lua Disanka.

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

2 Timote 1:17

Diba diakafikaye mu Rome, uvua munkebe diakamue, too ne patuakumonangana.

Didimanyisha 11:8

Bitalu biabu nebishale panshi mu musesu wa mu tshimenga tshinene, muaba uvuabu bapopele Mfumu wabu pa mutshi mutshiamakane. Tshimenga etshi badi batshifuanyikija dina ne: Sodome, nansha ne: Ejipitu.