Bienzedi 2:1 - MUKANDA WA MYIDI MUKULU

¹ Dituku dia Pentekostese bena ditaba bonsu bavua basangile muaba umue.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakalua dituta dia Pentekoste, buonso buabo bakadi hohamue mu muaba umue.

Bienzedi 2:1 교차 참조

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

2 Kulondolola 5:13

Bonsu, bedi ba mpungi ne bimbi bakuabu, kuimbabu pamue, bua kusamuna ne kutumbisha Maweja-Nangila. Bavua bimba misambu, bela mpungi, ludibu ne biombelu, bamba ne: “Tumbishayi, Maweja-Nangila, bualu mmulenga. Dinanga diende ndia kashidi”. Diba adi, divuba kuwula mu nzubu wa Mvidi Mukulu tente.

Misambu 133:1

Musambu wa bena ngendu udi mu mukanda wa misambu ya Davide. Eyi, bidi bilenga, bidi disanka bua kusomba pamue bu bena muntu!

Ekesode 23:16

“Tshibilu tshibidi tshikala tshia kunowa bintu bia kumpala bia mu madimi enu. “Tshibilu tshisatu nuikala nutshienza ku ndekelu kua tshidimu, pajika dinowa dia bintu bia mu madimi enu.

Ekesode 34:22

“Nuenze tshibilu tshia kunowa bintu bia mu madimi, panudi nunowa biakudia bia tshianyi bia mu madimi enu. Nuenze kabidi tshibilu ku ndekelu wa tshidimu, panudi nunowa biakudia bikuabu bia mu madimi enu.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Sefanya 3:9

“Pashishe nenkudimune bantu; nengumushe mikiya idi ku mishiku yabu. Nebantendelele meme Maweja-Nangila, nebankukuile ne muoyi umue.

Bienzedi 1:5

Yowanane uvua utua bantu mu mayi. Kadi matuku makese aa, nebanutue nuenu munda mua Mueyelu wa Tshijila.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 20:16

Bualu Polu uvua musue kupita Efeze, kayi utulamu. Kavua musue kujingakana mu buloba bua Aziya. Uvua uya lukasa, bua kufika mu Yerushalayime dituku dia Pentekostese, bu biobi mua kuenzeka.

Bienzedi 4:24

Bena ditaba bumvua nanku, kutendelelabu Mvidi Mukulu ne muoyi umue, bamba ne: — Mukalenga, wewe ke udi mufuke diulu, buloba, mayi manene, ne bionsu bidimu.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

Bienzedi 4:32

Bena ditaba bonsu bavua ne muoyi umue, kabidi ne lungenyi lumue. Muntu nansha umue kavua wamba ne: bintu ebi mbianyi meme. Kadi bonsu bavua basangisha bionsu kaba kamue.

Bienzedi 5:12

Bapostolu bavua benza bishima bia bungi ne malu a dikema munkatshi mua bantu. Bena ditaba bavua basangile pamue mu lutanda lua Shelomu.

Rome 15:6

bua bonsu pamue, kabidi ne diyi dimue, nutumbishe Mvidi Mukulu, Tatu wa Mfumu wetu Yezu Kristu.

1 Korente 16:8

Kadi ndi muele meji a kushala munu mu Efeze too ne ku dituku dia Pentekostese.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Filipe 2:2

Nanku ndi nnulomba bua nukumbaje disanka dianyi: umvuanganayi, nanganganayi, nuikale ne muoyi umue, kabidi ne lungenyi lumue.