Bienzedi 19:9 - MUKANDA WA MYIDI MUKULU

⁹ Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi bakakolesha bakuabo mitshima yabo, hakahidiabo, bamba mei mabi bua Nshila wa Nzambi ku mesu kua bantu, wakumuka kudibo, wakumusha bayidi munkatshi muabo, wakadi uyisha ku dituku ku difuku mu ekola wa Tulano.

Bienzedi 19:9 교차 참조

2 Bakalenga 17:14

Kadi bantu abu, kabena bitabe bivuabu babambila abi to. Bavua batomboka, anu bu muvuabu benza kudi bankambua babu, bavua babenga mua kuitaba Maweja-Nangila Mvidi Mukulu wabu.

2 Kulondolola 30:8

Kanuenji buenzayi bua bankambua benu to. Itabayi Maweja-Nangila, pinganayi muaba wende wa tshijila uvuaye mujidile bua kashidi. Nushale bantu ba Maweja-Nangila Mvidi Mukulu wenu. Nanku bu muvuaye munufikile munda bikole, tshiji tshiende netshituye.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Misambu 95:8

“Kanubengi mua kumvua, bu muakenza bankambua benu ku Meriba, diba dia bualu buvua buenzeka ku Masa mu tshipela.

Nsumuinu 8:34

Bantu badi banteleja, badi bimana dituku dionsu ku tshiibi tshianyi, batshishila ku nzubu kuanyi, mbena diakalenga.

Yeshaya 8:14

Meme ndi muaba udi bantu mua kunyemena. Kadi ndi kabidi dibue, dia kukuma dikasa kudishinda. Ndi dibue didi dishinda makalenga onsu abidi, bua bena Izrayele ne bua bena Yuda. Ndi buteyi budi bukuata bena mu Yerushalayime.

Yirmeya 19:15

— Maweja-Nangila Mvidi Mukulu wa Izrayele udi wamba ne: “Nentume makenga onsu amvua muambe ku tshimenga etshi ne mu misoku idi pabuipi natshi. Bualu badi basamu mbantombokele. Kabena bateleja diyi dianyi.”

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Matayi 16:4

Bena lelu, nansha bobu bantu babi, badi kabayi bitaba Mvidi Mukulu, badi amu balomba tshishima. Kadi kabakubaleja tshishima tshikuabu to, amu tshia Yona. Yezu kubashiya nanku, kuya.

Matayi 26:55

Diba mene adi Yezu kukonka bantu ne: — Nuvua ne bua kufika ne miele ne mitshi bua kunkuata meme anyi? Ndi muivi anyi? Mvua ndongesha matuku onsu mu nzubu wa Mvidi Mukulu, kadi kanuena bankuate to.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Bienzedi 11:26

Umusangana kupinganaye nende ku Antiyokiya. Kushalabu koku tshidimu tshijima bonsu babidi mu Tshisumbu tshia bena ditaba atshi. Bavua balongesha bantu bavule malu a ditaba. Mu Antiyokiya ke muaba uvua bena ditaba badianze kupetela dina dia bena Kristu.

Bienzedi 14:4

Ke bena mu tshimenga kuabulukangana: bamue banyisha bena Yuda, bakuabu bitaba bapostolu.

Bienzedi 17:4

Bamue bena Yuda kuitaba bivua Polu ne Silase bambe, kudisangisha nabu. Ke muvua kabidi bena Ngreke ba bungi, bavua bamane kubuela mu tshisumbu tshia bena ditaba ba bena Yuda, ne bakaji bavule bamanyike, benze.

Bienzedi 19:23

Ke tshikondu tshivua tshimvundu tshinene tshijuka mu Efeze bualu bua njila wa muoyi wa Mfumu.

Bienzedi 19:30

Polu uvua musue kumueneka kudi bantu. Kadi bena ditaba kumukandika.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

Bienzedi 22:4

Mvua mukengeshe, mushipeshe bavua balonda njila wa Mfumu Yezu. Mvua mukuate balume ne bakaji, mubeleshe mu nkanu.

Bienzedi 24:21

Tshilumbu tshindi mua kuikala natshi, tshidi amu tshia miaku imvua muambe ne diyi dikole ne: “mBamfunde lelu ku tshilumbu kumpala kuenu, bualu ndi ngitaba ne: bafue nebabiike.”

Bienzedi 28:22

Nanku tudi basue kudiumvuila meji audi wela. Bualu tudi bamanye ne: tshisumbu tshiudi mubuele atshi, miaba yonsu bantu badi batshibenga.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Bienzedi 9:2

umulomba mikanda bua kuyaye kudileja nayi mu nzubu ya kutendelela ya bena Yuda ya mu tshimenga tshia Damase. Ne mikanda ayi, yeye musangane bantu, balume nansha bakaji, badi balonda Njila wa Mfumu, uvua mua kubakuata, kuya nabu ku Yerushalayime.

Rome 11:7

Nanku tudi mua kuamba bishi? Bena Izrayele ki mbapete bivuabu bakebe nansha. Amu bavua Mvidi Mukulu musungule, ke bavua babipete. Bakuabu bavua bapapishe muoyi wabu, bua kabumvu.

Rome 9:18

Nanku muntu udi Mvidi Mukulu musue kutuila luse, udi umufuila. Muoyi wa muntu udiye musue kupapisha, udi uupapisha.

1 Korente 16:9

Bualu tudi tshikondu tshimpe tshia meme kuenza mudimu munene, nansha bantu bavule banduisha.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

Ebrewu 3:13

Kadi nukoleshangane ku muoyi dituku dionsu. Bidi Mikanda ya tshijila yamba bitshidi bilelela buetu tuetu “lelu.” Nenku muntu wa kunudi, kapapiji muoyi wende, kanyishi bua mibi imudinge.

2 Petro 2:12

Kadi bantu aba badi benza malu, bu badi kabayi bela meji. Badi bu nyama ya lonji idi kayiyi yela meji, idibu balela amu bua bantu bamone mua kuyikuata, kuyishipa. Badi bapenda tshidibu kabayi bamanye. Nebabashipe mudibu bashipa nyama ya lonji ayi.

2 Petro 2:2

Bantu ba bungi nebabalonde mu njila wa malu mabi. Bualu bua bidi balongeshi ba dishima aba benza, bantu nebajane njila wa bulelela.

Yuda 1:10

Kadi bantu aba badi bapenda bidibu kabayi bamanye. Bu nyama ya muitu, mbamanye amu majinga a mubidi wabu. Ke tshidi ne bua kubafikisha ku kabutu.