Bienzedi 19:8 - MUKANDA WA MYIDI MUKULU

⁸ Polu kuya mu nzubu wa kutendelela. Ngondu isatu uvua uyukila ne dikima ne bena Yuda. Uvua ubalongesha malu adi atangila Bukalenga bua Mvidi Mukulu, ukeba kuitabijija.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Paulo wakabuela mu nsunagoga, wakadi ujukuila bantu dî ngondo isatu, wakulangana nʼabo bua kubitabushisha malu a bukelenge bua Nzambi.

Bienzedi 19:8 교차 참조

Bienzedi 1:3

Kunyima kua lufu luende, uvua mumuenekele bapostolu misangu ne misangu, bua kubajadikila ne: ndi ne muoyi. Uvua mudileje kudibu matuku makumi anayi, ubambila malu a pa Bukalenga bua Mvidi Mukulu.

Bienzedi 13:14

Polu ne binende kutungunuka ne luendu, kumuka mu Perje, kufika mu Antiyokiya wa mu Pisidiya. Dituku dia Dikisha, kubuelabu mu nzubu wa kutendelela wa bena Yuda, kusombabu.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 14:1

Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Bienzedi 17:17

Mu nzubu wabu wa kutendelela uvua uyukila ne bena Yuda, kabidi ne bantu ba bisamba bikuabu bavua bamane kubuela mu tshisumbu tshia bena ditaba ba bena Yuda. Kabidi dituku dionsu, muaba uvua bantu bonsu basangile, uvua uyukila ne bantu bakuabu bavua bafika muaba awu.

Bienzedi 18:19

Kufikabu mu Efeze. Polu kubuela mu nzubu wa kutendelela, kuyukidilangana ne bena Yuda. Bena Yuda kulomba Polu, bua ashale nabu matuku makuabu. Kadi Polu kavua musue to. Uvua ulayangana nabu, wamba ne: — Nempingane kuenu kunu, pikala Mvidi Mukulu musue. Kushiyaye Priskila ne Akuila muaba awu. Kumukaye mu Efeze ne majuwa.

Bienzedi 18:26

Kulongeshaye ne dikima mu nzubu wa kutendelela. Pavua Priskila ne Akuila bamumvua ulongesha, kuyabu nende kuabu. Kumumvuijabu malu a njila wa Mvidi Mukulu avuaye kayi muanji kumanya.

Bienzedi 18:4

Dituku dionsu dia Dikisha, Polu uvua ulongesha mu nzubu wa kutendelela, usonsola bena Yuda ne bena Ngreke, bua bitabe Mvidi Mukulu.

Bienzedi 19:10

Kuenzaye nanku bidimu bibidi. Nenku bena Yuda ne bena Ngreke bonsu bavua mu buloba bua Aziya abu kumvuabu muaku wa Mfumu.

Bienzedi 19:7

Bantu abu bavua bu dikumi ne babidi.

Bienzedi 19:9

Kadi bamue ba kudibu bavua ne muoyi mupape, babenga kuitaba, bakula ne kapeja bua njila wa Mfumu, bantu bonsu bumvue. Nanku Polu kubashiya, kupatuka mu nzubu amu pamue ne bena ditaba. Kutuadija dituku adi, uvua ubalongesha mu tshilongelu tshia Tiranuse ku dituku ku dituku.

Bienzedi 20:31

Nanku nuikale batabale. Nuvuluke ne: bidimu bisatu butuku ne munya, mvua mbela yonsu wa kunudi, nansha ne binsonji ku mesu.

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.