Bienzedi 17:1 - MUKANDA WA MYIDI MUKULU

¹ Polu ne Silase kupitshila mu Amfipolise, ne mu Apoloniya, kufika mu Tesalonike. Mu tshimenga atshi muvua nzubu wa kutendelela wa bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahitshilabo mu Amfipoli ne Apolonia, bakafika ku Tesalonike, kuakadi nsunagoga wa Bena Yuda.

Bienzedi 17:1 교차 참조

Bienzedi 14:1

Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Bienzedi 15:21

Bualu kuonsu kuaka, bantu badi balongesha mikenji ya Moshe mu tshimenga tshionsu; kabidi badi babala mikenji eyi mu nzubu ya kutendelela matuku onsu a Dikisha.

Bienzedi 16:13

Dituku dia Dikisha, tuetu kupatuka mu tshimenga, kuya ku muelelu wa musulu, kutuvua bela meji ne: netupete muaba uvua bena Yuda batendelela. Tuetu kusomba muaba awu, kuyukilangana ne bakaji bavua basangilamu.

Bienzedi 17:10

Bufuku buila, bena ditaba kutuma Polu ne Silase mu Bereya. Bafika muaba awu, kuyabu mu nzubu wa kutendelela wa bena Yuda.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

Bienzedi 17:13

Kadi bena Yuda ba mu Tesalonike, bumvua ne: Polu udi ulongesha muaku wa Mvidi Mukulu mu Bereya kabidi, kufikabu mu tshimenga atshi, bua kusonsola bantu, bua bajule mutoyi.

Bienzedi 20:4

Bavua bamushindikija kudi Sopatere, muana wa Piruse, wa mu tshimenga tshia Bereya, kabidi ne kudi Aristarke ne Sekunduse ba mu Tesalonike, Ngayuse wa mu Derbe, Tishike ne Trofime ba mu Aziya, kabidi ne kudi Timote.

Bienzedi 27:2

Nanku tuetu kubuela mu majuwa a ku Adramite. Majuwa aa avua aya ku bisabu bia mu buloba bua Aziya. Tuvua ne Aristarke, muena Masedoniya, wa mu tshimenga tshia Tesalonike.

Filipe 4:16

Nukavua bantumine misangu mikuabu bintu bimvua nabi dijinga, pamvua mu Tesalonike.

1 Tesalonike 1:1

Tuetu bonsu, Polu, Silase, ne Timote, tudi tunufundila mukanda ewu, nuenu bena ditaba ba mu Tesalonike, bantu ba Mvidi Mukulu Tatu, ne ba Mfumu Yezu Kristu. Dinanga ne bupole bishindame munda muenu.

1 Tesalonike 2:2

Nudi bamanye kabidi ne: katuyi banji kufika kuenu, bavua batupende, batukengeshe mene mu Filipe. Kadi Mvidi Mukulu uvua mutupe bukitu bua kunumanyisha Lumu lua Disanka lua kudiye, nansha muvua bantu bavule batuluisha.

2 Tesalonike 1:1

Tuetu bonsu, Polu, Silase, ne Timote, tudi mfundila Tshisumbu tshia bena ditaba ba mu Tesalonike mukanda ewu, badi bantu ba Mvidi Mukulu Tatu wetu, ne ba Mfumu wetu Yezu Kristu.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.