Bienzedi 16:6 - MUKANDA WA MYIDI MUKULU

⁶ Mueyelu wa Tshijila uvua mukandike Polu, ne bavuaye nabu, bua kabalongeshi muaku mu buloba bua Aziya. Ke bobu kupitshila mu buloba bua Frijiya ne bua Ngalate.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakabakanda Nyuma Muimpe bua kuamba di dia Nzambi mu Asia, bakahitshila mu luseke lua Fugia ne Galatia.

Bienzedi 16:6 교차 참조

Yeshaya 30:21

Panuakeba kuya, ku dia balume nansha ku dia bakaji, nenumvue miaku eyi ifumina kunyima kuenu, yamba ne: “Ke njila unudi ne bua kulonda ewu.”

Luke 1:2

Bavua bamfundile malu anu muvuabu batulondelawu kudi bavua baamone bituadije ku ntuadijilu, kabidi kudi bavuabu bimikile bujitu bua kumanyisha muaku wa Mvidi Mukulu.

Bienzedi 10:19

Petro utshivua amu ukeba kumvua malu avua Mvidi Mukulu mumuleje. Ke Mueyelu wa Mvidi Mukulu kumuambila ne: — Kudi bantu basatu badi bakukeba.

Bienzedi 11:12

Mueyelu wa Tshijila kungambila bua kuya nabu, tshiyi ngelakana. Bana betu basambombu, bandi mufike nabu apa, kuya kumfila mu Kezareya. Tufika, tuetu kubuela bonsu mu nzubu mua Korneliyuse.

Bienzedi 16:7

Bafika ku mikalu ya Miziya, kukebabu kubuela mu buloba bua Bitiniya. Kadi Mueyelu wa Tshijila kubakandika.

Bienzedi 18:23

Usombamu amue matuku, kumukaye tshiakabidi. Kupitshilaye mu buloba bua Ngalate ne bua Frijiya, wenda ukolesha balongi bonsu mu ditaba.

Bienzedi 19:10

Kuenzaye nanku bidimu bibidi. Nenku bena Yuda ne bena Ngreke bonsu bavua mu buloba bua Aziya abu kumvuabu muaku wa Mfumu.

Bienzedi 20:16

Bualu Polu uvua musue kupita Efeze, kayi utulamu. Kavua musue kujingakana mu buloba bua Aziya. Uvua uya lukasa, bua kufika mu Yerushalayime dituku dia Pentekostese, bu biobi mua kuenzeka.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Bienzedi 20:4

Bavua bamushindikija kudi Sopatere, muana wa Piruse, wa mu tshimenga tshia Bereya, kabidi ne kudi Aristarke ne Sekunduse ba mu Tesalonike, Ngayuse wa mu Derbe, Tishike ne Trofime ba mu Aziya, kabidi ne kudi Timote.

Bienzedi 21:27

Lumingu lua kudikobolola lukavua pa kujika. Ke bena Yuda ba mu Aziya kumona Polu mu nzubu wa Mvidi Mukulu. Kusonsolabu bantu bonsu, kukuatabu Polu,

Bienzedi 6:9

Bantu bakuabu ba mu nzubu wa kutendelela wa bena Yuda, uvuabu binyika ne: “Ngwa Bapikula,” kudiwula Stefane. Bantu abu bavua bena Yuda ba mu musoku wa Sirene, ne ba mu tshimenga tshia Aleksandriya, kabidi ba mu buloba bua Silisiya ne Aziya. Kuelanganabu mpata ne Stefane.

Bienzedi 8:29

Ke Mueyelu wa Tshijila kuambila Filipe ne: — Ambuluja, upete ditempu diadia.

Rome 16:5

Elayi kabidi bena ditaba badi basangile kumbelu kuabu muoyi. Elayi Epayinete, mulunda wanyi musuibue, muoyi. Yeye ke muntu wa kumpala wa mu buloba bua Aziya uvua muitabe Kristu.

1 Korente 12:11

Amu Mueyelu umue wa momumue awu, ke udi ufila bionsu abi. Udi upesha muntu yonsu diende dipa dia pa buadi bu mudiwu musue.

1 Korente 16:1

Ndi ngandamuna kabidi ku nkonku inuvua bela pa bintu bidibu basangishila Tshisumbu tshia bena ditaba badi mu Yerushalayime. Nulonde mikenji imvua muelele Bisumbu bia bena ditaba ba mu Ngalatiya.

1 Korente 16:19

Bisumbu bia bena ditaba bidi mu Aziya bidi binuela muoyi. Akuila ne Priskila pamue ne Tshisumbu tshia bena ditaba tshidi tshidisangisha ku nzubu kuabu badi banuela mioyi mivule munda mua Mfumu udi utusanga.

2 Korente 1:8

Bana hetu, tudi basue bua numanye ne: makenga makole avua matukuate mu buloba bua Aziya. Avua matunemene bujitu. Bujitu abu buvua butupite bukole. Katutshivua batekemene kabidi ne: netushale ne muoyi.

Ngalate 1:2

Meme ne bana hetu bonsu badi kunu, tudi tunuela muoyi, nuenu badi mu Bisumbu bia bena ditaba bia mu Ngalate, tunujingila ne:

Ngalate 3:1

Nuenu bena Ngalate, nudi bantu batatakane! Uvua munulowe nnganyi? Tshivua munuleje patoke Yezu Kristu, uvuabu bapopele pa mutshi mutshiamakane anyi?

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

Ebrewu 11:8

Amu bua ditaba, Abrahame kutumikila Mvidi Mukulu uvua mumubikile. Kuyaye ku ditunga divua Mvidi Mukulu musue kumupesha bu bumpianyi. Kumukaye mu ditunga diabu, kayi mumanye kuvuaye ne bua kuya.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,