Bienzedi 15:9 - MUKANDA WA MYIDI MUKULU

⁹ mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ kakatahulula hankatshi hetu nʼabo, wakuvua mitshima yabo ku ditabusha.

Bienzedi 15:9 교차 참조

Misambu 51:10

Ungambile muudi mumfuile luse, bua ngende kabidi ne musangelu. Nansha wewe mumane kunzaza, nensanguluke.

Yezekiyele 47:22

Nutshinke tshitupa tshionsu, nutshiabanyangane munkatshi muenu. Nuvuluke benyi badi munkatshi muenu, bakadi bamane kulelela bana mu ditunga. Bantu aba badi amu bu bena Izrayele. Mubenzele bionsu bidibu ne bua kuenzela bena Izrayele. Nanku, nebapete yabu miaba, munkatshi mua bisamba bia bena Izrayele.

Bienzedi 10:15

Kumvuaye tshiakabidi diyi, dimuandamuna ne: — Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!

Bienzedi 10:28

Kubambilaye ne: — Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende.

Bienzedi 10:34

Ke Petro kuambila bantu ne: — Mpindiewu ndi njadika ne: Mvidi Mukulu kena ne kansungasunga.

Bienzedi 11:12

Mueyelu wa Tshijila kungambila bua kuya nabu, tshiyi ngelakana. Bana betu basambombu, bandi mufike nabu apa, kuya kumfila mu Kezareya. Tufika, tuetu kubuela bonsu mu nzubu mua Korneliyuse.

Bienzedi 14:1

Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Rome 3:9

Kadi bualu ebu budi bishi? Tuetu bena Yuda tudi bapite bantu bakuabu anyi? Nansha kakese! Nkadi mumane kumvuija ne: bantu bonsu, ne bena Yuda, ne bantu ba bisamba bikuabu, badi ku bumfumu bua bubi.

Rome 9:24

Bualu tuetu ke bantu badiye mubikile. Ki mmutubikile amu munkatshi mua bena Yuda nkayabu nansha, kadi kabidi munkatshi mua bantu ba bisamba bikuabu.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

1 Korente 7:18

Pikalabu bamane kuteka muntu panshi, diba divua Mvidi Mukulu mumubikile, muntu awu kakebi mua kusokoka bualu abu nansha. Pikalabu kabayi bamane kuteka muntu panshi, diba divua Mvidi Mukulu mumubikile, kena ne bua kuditekeshisha panshi nansha.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.