Bienzedi 15:7 - MUKANDA WA MYIDI MUKULU

⁷ Bamane kuelangana meji mukungulu mule, Petro kujuka, kubambila ne: — Bana betu, nudi bamanye ne: kukadi matuku a bungi, Mvidi Mukulu mmunsungule munkatshi muenu, bua meme kumanyisha bantu ba bisamba bikuabu Lumu lua Disanka, bua balumvue, bitabe Yezu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Hakadibo ne mpata ya bungi, Petelo wakabika, wakabambila ne, Bana betu, nudi bamanye ne, Mu matuku a kai e Nzambi wakasungula munkatshi muenu bua bisamba bia bende biunvue dî dia lumu luimpe mukana muanyi, bitabushe.

Bienzedi 15:7 교차 참조

Ekesode 4:12

Nanku, kuajiki! Ndaku. Nenkuambuluishe bua wakule bimpe. Nenkumanyishe malu a wewe kubambila.

Yirmeya 1:9

Pashishe kuololaye tshianza kundengaye mukana, ungambila ne: — Wewe, newambile bantu miaku yanyi.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 3:27

Yowanane kubandamuna ne: — Muntu kena mua kudipetela tshintu padi Mvidi Mukulu kayi mumupeshetshi.

Bienzedi 1:16

— Bana betu, miaku idibu bafunde mu Mikanda ya tshijila ivua ne bua kukumbana. Mueyelu wa Tshijila uvua mudianjile kumanyisha mukana mua Davide malu a Yudase, muludiki wa bantu bavua bakuate Yezu.

Bienzedi 1:24

Ke bonsu pamue kutendelela, bamba ne: — Mfumu, wewe udi mumanye muoyi wa muntu yonsu. Nanku ku babidi aba utuleje uudi musungule.

Bienzedi 10:19

Petro utshivua amu ukeba kumvua malu avua Mvidi Mukulu mumuleje. Ke Mueyelu wa Mvidi Mukulu kumuambila ne: — Kudi bantu basatu badi bakukeba.

Bienzedi 10:20

Juka, tuluka panshi. Kuelakanyi to. Uye nabu. Meme ngudi mubatume.

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Bienzedi 15:14

Simone mmutulondele muvua Mvidi Mukulu mene mudianze kukuata mudimu, bua kusungula munkatshi mua bantu ba bisamba bikuabu bantu bende, badi banemeka dina diende.

Bienzedi 15:2

Kadi Polu ne Barnabase kubenga bivuabu balongesha abi, kuelangana nabu mpata bikole pa bualu abu. Ke bena ditaba kushindika ne: tutume Polu ne Barnabase, ne bantu bakuabu ba mu Antiyokiya, ku Yerushalayime, kudi bapostolu ne bakulu, bua batangile tshilumbu etshi.

Bienzedi 15:39

Polu ne Barnabase kutandangana bikole, kushiyangana. Barnabase kuangata Marke, kubuela nende mu majuwa, kuya ku Shipre.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Bienzedi 21:16

Bena ditaba ba mu Kezareya kutushindikija. Kutufdabu kua Mnasone, bua tuetu kulala kuende. Uvua muntu wa mu Shipre, umue wa ku bena ditaba ba kumpala.

Bienzedi 3:18

Mvidi Mukulu mmukumbaje bivuaye mudianze kumanyisha ku kale kudi bambi bonsu ne: Kristu wende uvua ne bua kukenga.

Bienzedi 4:25

Wewe ke uvua muambe ku bukole bua Mueyelu wa Tshijila, kabidi mukana mua nkambua wetu Davide muntu webe, ne: “Bisamba bidi biditambisha, bitomboka bua tshinyi? Bena matunga badi bela bifufu bia tshianana bualu kaayi?

Bienzedi 9:15

Ke Mfumu kumuandamuna ne: — Uye. Bualu muntu awu ke tshiamu tshia mudimu tshindi musungule, bua kumanyishaye bisamba bikuabu, bakalenga ba matunga, ne bena Izrayele, dina dianyi.

Filipe 2:14

Enzayi bionsu, kanuyi nudiabakena, kanuyi nutontolola.