Bienzedi 14:1 - MUKANDA WA MYIDI MUKULU

¹ Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu Ikonio bakabuela diakamue mu nsunagoga wa Bena Yuda, bakambila bantu dî diakitabushisha ba bungi, Bena Yuda ne Bena Gelika.

Bienzedi 14:1 교차 참조

Marke 7:26

Mukaji awu uvua muenyi, bavua bamulelela mu Fenisiya wa mu Arame. Kusengelelaye Yezu bua kuipataye mukishi mubi munda mua muanende wa bakaji.

Yowanane 12:20

Bamue bena Ngreke bavua munkatshi mua bantu bavua baye kutendelela ku Yerushalayime mu tshibilu.

Yowanane 7:35

Bena Yuda kukonkangana ne: — Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?

Bienzedi 11:21

Mfumu uvua ubambuluisha ne bukole buende. Bantu bavule kuitaba Mfumu, kudilengeja.

Bienzedi 13:43

Ditendelela dimane kujika, bena Yuda bavule, ne bantu ba bisamba bikuabu bavua bamane kubuela mu Tshisumbu tshia bena ditaba ba bena Yuda, kulondabu Polu ne Barnabase. Bobu abu bavua bayukila nabu, babakolesha ku muoyi, bua bashindame mu ditaba divuabu bapete kudi Mvidi Mukulu.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 13:5

Kufikabu mu Salamine. Kulongeshabu muaku wa Mvidi Mukulu mu nzubu ya kutendelela ya bena Yuda. Yowanane Marke uvua nabu, ubambuluisha.

Bienzedi 13:51

Polu ne Barnabase kubatutuila lupuishi lua ku makasa, kuya mu Ikoniyume.

Bienzedi 14:19

Bena Yuda ba mu Antiyokiya wa mu Pisidiya, ne ba mu Ikoniyume, kufika. Kuenzejabu bantu, bua batue ku tshiabu. Nanku bantu kuasa Polu mabue, kukeba kumushipa. Pashishe kumupulumunabu, kupatuka nende mu tshimenga, bamanye ne: mmufue.

Bienzedi 14:2

Kadi bena Yuda bakuabu bavua babenga kuitaba, kusonsolabu bantu ba bisamba bikuabu, bua baluishe bana betu abu.

Bienzedi 14:21

Polu ne Barnabase kulongesha Lumu lua Disanka mu tshimenga tshia Derbe. Kupetabu bena ditaba bavule muaba awu. Pashishe kupitshilabu mu Listra, ne mu Ikoniyume, bua kupingana mu Antiyokiya wa mu Pisidiya.

Bienzedi 16:1

Polu kufika mu Derbe, pashishe mu Listra. Muine amu muvua muena ditaba, dina diende Timote. Mamuende uvua muena Yuda mumane kubuela mu Tshisumbu tshia bena Kristu. Tatuende uvua muena Ngreke.

Bienzedi 16:2

Bena ditaba ba mu Listra, ne ba mu Ikoniyume, bavua banyishe Timote bikole.

Bienzedi 17:12

Bantu bavule ba kudibu kuitaba. Bena Ngreke bavule kabidi kuitaba. Munkatshi muabu muvua bakaji baneme ba bungi, kabidi ne bantu balume tshisumbu.

Bienzedi 17:17

Mu nzubu wabu wa kutendelela uvua uyukila ne bena Yuda, kabidi ne bantu ba bisamba bikuabu bavua bamane kubuela mu tshisumbu tshia bena ditaba ba bena Yuda. Kabidi dituku dionsu, muaba uvua bantu bonsu basangile, uvua uyukila ne bantu bakuabu bavua bafika muaba awu.

Bienzedi 17:4

Bamue bena Yuda kuitaba bivua Polu ne Silase bambe, kudisangisha nabu. Ke muvua kabidi bena Ngreke ba bungi, bavua bamane kubuela mu tshisumbu tshia bena ditaba ba bena Yuda, ne bakaji bavule bamanyike, benze.

Bienzedi 18:4

Dituku dionsu dia Dikisha, Polu uvua ulongesha mu nzubu wa kutendelela, usonsola bena Yuda ne bena Ngreke, bua bitabe Mvidi Mukulu.

Bienzedi 18:8

Krispuse, mulombodi wa nzubu wa kutendelela, ne bena nzubu wende bonsu, kuitaba Mfumu. Bena Korente ba bungi bumvua bivua Polu ulongesha, kuitababu. Kubatuabu mu mayi.

Bienzedi 19:10

Kuenzaye nanku bidimu bibidi. Nenku bena Yuda ne bena Ngreke bonsu bavua mu buloba bua Aziya abu kumvuabu muaku wa Mfumu.

Bienzedi 19:17

Bena mu Efeze bonsu, bena Yuda ne bena Ngreke, kumanyabu bualu abu. Kukuatshikabu buowa, kutumbisha dina dia Mfumu Yezu.

Bienzedi 19:8

Polu kuya mu nzubu wa kutendelela. Ngondu isatu uvua uyukila ne dikima ne bena Yuda. Uvua ubalongesha malu adi atangila Bukalenga bua Mvidi Mukulu, ukeba kuitabijija.

Bienzedi 2:47

Bavua batumbisha Mvidi Mukulu. Bantu bonsu bavua babanyisha. Dituku dionsu Mfumu uvua usakidila ku tshisumbu tshiabu bantu bavuaye musungile.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Ngalate 2:3

Nanku Tite, utudi tukuata nende mudimu, nansha yeye muena Ngreke, ki mbambe bua bamuteke panshi.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

2 Timote 3:11

Tuvua nebe diba dimvua nsama, diba divuabu bankengesha. Udi mumanye bionsu bivua bingenzekele mu Antiyokiya, mu Ikoniyume, ne mu Listra. Bavua bankengeshe bikole, kadi Mfumu uvua munsungidile ku bionsu.