Bienzedi 13:5 - MUKANDA WA MYIDI MUKULU

⁵ Kufikabu mu Salamine. Kulongeshabu muaku wa Mvidi Mukulu mu nzubu ya kutendelela ya bena Yuda. Yowanane Marke uvua nabu, ubambuluisha.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hakadibo mu Salami, bakambila bantu dî dia Nzambi mu nsunagoga ya Bena Yuda. Bakadi ne Yone bu mubakuatshishi.

Bienzedi 13:5 교차 참조

1 Bakalenga 19:21

Elisha kupingana ku budimi buende. Muaba awu, kuangataye ngombe yende ibidi, ivuaye ukuata nayi mudimu, kuyilambulaye. Kuangataye ditempu, kukuatshisha nadi kapia bua kulamba munyinyi. Bantu bavua muaba awu, kubapeshaye munyinyi awu, kudiabu. Pashishe, Elisha kulonda Eliya, kushala muena mudimu wende.

1 Bakalenga 19:3

Muambi Eliya kumvua bowa, kunyema ne muena mudimu wende bua kushala ne muoyi. Kuyaye ku Bersheba mu ditunga dia bena Yuda. Kushiyaye muena mudimu wende mu ditunga adi.

2 Bakalenga 3:11

Kadi, Yosafate kukonka ne: — Muaba ewu, kakuena muambi udi mua kutuebejila malu kudi Maweja-Nangila anyi? Mulombodi wa bena mvita ba mukalenga wa bena Izrayele kuandamuna ne: — Tudi ne Elisha, muana wa Shafate. Yeye uvua wambuluisha muambi Eliya bikole.

Ekesode 24:13

Moshe kujuka ne Yoshuwa uvua umuambuluisha, kuambilaye bakulu ne:

Matayi 20:26

Kadi munkatshi muenu kabiena mua kuenzeka nanku to. Wa kunudi udi musue kuikala ne muanzu, ikala muena mudimu wenu.

Bienzedi 12:12

Petro mumane kujingulula malu onsu avua mamuenzekele, kuyaye kua Mariya, mamuende wa Yowanane, udi dina dikuabu ne: Marke. Bantu bavule bavua basangilaku, batendelela.

Bienzedi 12:25

Barnabase ne Shawule bamane kukumbaja mudimu wabu mu Yerushalayime, kupinganabu mu Antiyokiya, pamue ne Yowanane, uvua dina dikuabu ne: Marke.

Bienzedi 13:14

Polu ne binende kutungunuka ne luendu, kumuka mu Perje, kufika mu Antiyokiya wa mu Pisidiya. Dituku dia Dikisha, kubuelabu mu nzubu wa kutendelela wa bena Yuda, kusombabu.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.

Bienzedi 14:1

Mu Ikoniyume Polu ne Barnabase kubuela kabidi mu nzubu wa kutendelela wa bena Yuda. Bu muvuabu balongesha bimpe, bena Yuda bavule, ne bantu ba bisamba bikuabu, kubuela mu Tshisumbu tshia bena ditaba.

Bienzedi 15:37

Barnabase uvua musue kuya ne Yowanane, uvuabu binyika kabidi ne: Marke.

Bienzedi 17:17

Mu nzubu wabu wa kutendelela uvua uyukila ne bena Yuda, kabidi ne bantu ba bisamba bikuabu bavua bamane kubuela mu tshisumbu tshia bena ditaba ba bena Yuda. Kabidi dituku dionsu, muaba uvua bantu bonsu basangile, uvua uyukila ne bantu bakuabu bavua bafika muaba awu.

Bienzedi 18:4

Dituku dionsu dia Dikisha, Polu uvua ulongesha mu nzubu wa kutendelela, usonsola bena Yuda ne bena Ngreke, bua bitabe Mvidi Mukulu.

Bienzedi 19:22

Kutumaye bamuambuluishi bende babidi, Timote ne Eraste, mu Masedoniya. Kadi yeye uvua muanji kushala kabidi amue matuku mu Aziya.

Bienzedi 19:29

Tshimyundu kutampakana mu tshimenga tshijima. Bantu kukuata Ngayuse ne Aristarke, bena Masedoniya babidi bavua mu luendu ne Polu. Kubapulumunabu, kuya nabu mu lupangu lua manaya, muvua bantu bonsu bafuilakana bua kubuela.

Bienzedi 19:8

Polu kuya mu nzubu wa kutendelela. Ngondu isatu uvua uyukila ne dikima ne bena Yuda. Uvua ubalongesha malu adi atangila Bukalenga bua Mvidi Mukulu, ukeba kuitabijija.

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

Kolose 4:10

Aristarke, utudi nende mu lukanu, ne Marke, muanabu ne Barnabase, badi banuela muoyi. (Bakadi bamane kunuambila munudi ne bua kuakidila Marke bimpe, padiye ufika kuenu.)

2 Timote 4:11

Anu Luke ke utudi nende. Wangate Marke, nufike nende, bualu udi mua kungambuluisha.