Bienzedi 13:3 - MUKANDA WA MYIDI MUKULU

³ Bena ditaba kujila kabidi biakudia matuku makuabu, kutendelela Mvidi Mukulu. Pashishe kutentekabu Barnabase ne Shawule bianza, kubatuma ku mudimu wabu awu.

Mukanda wa Nzambi Dihungila Dikulukulu ne Dihungila Dihia-dihia 2003

³ Hakajilabo bia kudia, hakatendelelabo Nzambi, hakabatentekeshabo bianza ha mitu habo, bakabatuma.

Bienzedi 13:3 교차 참조

Dibadika 27:23

Kutentekaye Yoshuwa bianza, bua ikale mupinganyi wende, bu muvua Maweja-Nangila mumuambile.

Luke 2:37

Pashishe kushalaye mukamba. Tshikondu atshi uvua mukumbaje bidimu makumi muanda mukulu ne binayi. Uvua ukuatshila Mvidi mukulu mudimu bufuku ne munya, kayi umuka mu nzubu wende. Uvua ujila biakudia, utendelela Mvidi Mukulu.

Bienzedi 1:24

Ke bonsu pamue kutendelela, bamba ne: — Mfumu, wewe udi mumanye muoyi wa muntu yonsu. Nanku ku babidi aba utuleje uudi musungule.

Bienzedi 13:2

Dituku dikuabu, bobu bamane kujila biakudia amue matuku, pavuabu batendelela Mfumu, Mueyelu wa Tshijila kubambila ne: — Kanupeshi Barnabase ne Shawule mudimu mukuabu to. Baye amu kuenza mudimu undi mubabikidile.

Bienzedi 13:4

Nanku Mueyelu wa Tshijila kutuma Barnabase ne Shawule ku mudimu. Kufikabu mu Selekiya. Muaba awu kubuelabu mu majuwa, batangile ku tshidila tshia Shipre.

Bienzedi 14:23

Bavua bateka bakulu mu Tshisumbu tshionsu tshia bena ditaba. Bamane kujila biakudia, kutendelelabu Mvidi Mukulu amue matuku. Pashishe kubatekabu mu bianza bia Mfumu, uvuabu bitabe.

Bienzedi 14:26

Bumuka mu Ataliya, kuyabu ne majuwa mu Antiyokiya. Ke muaba uvua bena ditaba badianze kubateka mu bianza bia Mvidi Mukulu, muena dinanga, bua mudimu uvuabu bakumbaje mpindiewu.

Bienzedi 15:40

Polu kusungula Silase. Bena ditaba bamane kubateka mu bianza bia Mvidi Mukulu, ke bobu kuya.

Bienzedi 6:6

Pashishe kubalejabu kudi bapostolu. Abu kutendelela Mvidi Mukulu, kubatenteka bianza.

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.

2 Timote 1:6

Ke pandi nkuvuluija ne: usonsole dipa divua Mvidi Mukulu mukupeshe, pamvua mukutenteke bianza.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

3 Yone 1:6

Bavua bamanyishe Tshisumbu tshietu tshia bena ditaba, muudi unanga bana hetu. Nanku ndi nkulonda ne: ubambuluishe, bua bamone mua kutungunuka ne luendu luabu, mushindu udi mua kusankisha Mvidi Mukulu.

3 Yone 1:8

Nunku tuetu, bena ditaba, tudi ne bua kuambuluisha bantu ba mushindu ewu, bua tudisange nabu mu mudimu wabu wa kumanyisha bantu bulelela.