Bienzedi 13:11 - MUKANDA WA MYIDI MUKULU

¹¹ Mpindiewu, teleja: Mfumu neakunyoke. Neushale mpofu, kuyi umona diba amue matuku. Diakamue mesu a Elimase kufofama. Ukadi udimona butuku, unyunguluka nseke yonsu, ukeba muntu udi mua kumulombola, mumukuate ku tshianza.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Katataka mona, tshianza tshia Mukelenge tshidi hamʼbidi hebe, newikale mufofo tshituha, kui mumanye mua kutangila diba. Tshibungibungi ne mîdima biakamuhonena lukasa, wakendakana ukeba muntu wa kumulombola ku tshianza.

Bienzedi 13:11 교차 참조

Genese 19:11

Pashishe kufofomijabu mesu a bonsu bavua ku tshiibi, bansongalume ne bantu bakole, bua bapange kumona tshiibi.

2 Bakalenga 6:8

Tshikondu tshivua mukalenga wa bena Siriya uluisha bena Izrayele, kuyukilaye ne balombodi ba bena mvita bende. Kubambilaye muaba uvuaye musue bua bena mvita bende kuasa mitanda yabu.

Yobe 19:21

Nudi balunda banyi. Nanku nungumvuile luse. Tshianza tshia Mvidi Mukulu ke tshidi tshintuta nenku.

Misambu 32:4

Bualu dituku dijima, tshianza tshiebe wewe, Maweja-Nangila, tshivua tshinkengesha, tshindamina panshi. Bu mudi mutshi wa matuku a minanga, tshitshivua ne bukole.

Misambu 38:2

Maweja-Nangila, kuena mua kumpisha, nansha wewe ne tshiji, kuena mua kunnyoka, nansha wewe mumfikile munda.

Ekesode 9:3

nenkunyoke bikole, mbutule bimuna biebe bionsu ne disama dikole dia tshiambu. Mpunde, tubalu, tumelu, ngombe, mikoku ne mbuji, bionsu nebibutuke.

Yeshaya 29:10

Bualu Maweja-Nangila neanuladike tulu tukole. Uvua munusuike tshilamba pa mesu. — Mesu enu ke bambi benu. — Mmunubuikile tshilamba mu mitu yenu. — Mitu yenu ke badi bamona malu. —

Yowanane 9:39

Ke Yezu kuamba ne: — Ndi mulue pa buloba ebu bua balumbuluishe bantu: bua bampofu bamone, kabidi bua badi bamona bashale bampofu.

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Ebrewu 10:31

Kupona mu bianza bia Mvidi Mukulu wa muoyi, mbualu budi bukuatshisha bowa!

2 Petro 2:17

Bantu aba badi bu mpokolu mimane kuuma, nansha bu mavuba adi lupepele lusakila, kaayi alokesha mvula. Mvidi Mukulu mmubalamine muaba mu miidima mikole ya mu kandondu.

1 Samuele 5:11

Pashishe, bobu kabidi kubikidisha bamfumu ba bena Peleshete, kubambila ne: — Pingajayi mushete wa Mvidi Mukulu wa bena Izrayele anu mu ditunga diawu, tshianana nebibutuke bonsu. Bantu kupapukabu bikole mu tshimenga atshi. Bualu Maweja-Nangila uvua mubaleje kabidi bukole buende.

1 Samuele 5:9

Kadi, amu mushete ufika mu Ngate, Maweja-Nangila kuleja bena mu tshimenga atshi bukole buende. Kupapukabu bikole. Bena tshimenga atshi bonsu, bantu bakole ne bana batekete, kupetabu disama dia mulaka.