Bienzedi 13:1 - MUKANDA WA MYIDI MUKULU

¹ Mu Tshisumbu tshia bena ditaba ba mu Antiyokiya muvua bambi ne balongeshi. Mena abu adi nunku: Barnabase, Shimeyone (udibu binyika ne: Mufiike), Lusiyuse wa mu Sirene, Manayene (uvua mukole pamue ne Erode, mulombodi wa ditunga), ne Shawule.

Mukanda wa Nzambi Dihungila Dikulukulu ne Dihungila Dihia-dihia 2003

¹ Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Bienzedi 13:1 교차 참조

Matayi 27:32

Pavuabu bumuka mu tshimenga, kusangilabu ne muntu wa mu musoku wa Sirene. Dina diende nSimone. Basolayi kumukolela bua ambule mutshi mutshiamakane wa Yezu.

Luke 3:1

Tshidimu tshia dikumi ne tshitanu tshia bukalenga bua mukalenga wa bakalenga Tiberiyuse, Ponsiyo Pilate uvua mutangidi wa buloba bua Yudeya, Erode uvua mukalenga mu buloba bua Ngalileya, muanabu Filipe mu buloba bua Itureya ne bua Trakonitise, Lisaniyase uvua mukalenga mu buloba bua Abilene,

Bienzedi 11:30

Kuenzabu nanku. Kutumabu Barnabase ne Shawule ne bintu abi kudi bakulu ba mu Yudeya.

Bienzedi 12:25

Barnabase ne Shawule bamane kukumbaja mudimu wabu mu Yerushalayime, kupinganabu mu Antiyokiya, pamue ne Yowanane, uvua dina dikuabu ne: Marke.

Bienzedi 13:9

Ke Shawule, udibu binyika kabidi ne: Polu, muwule ne Mueyelu wa Tshijila, kumujooja,

Bienzedi 15:32

Yuda ne Silase bavua bambi. Nanku kuakulabu mukungulu mule, bua kukolesha bana betu ku muoyi, kubasamba kabidi.

Bienzedi 15:35

Polu ne Barnabase kushala matuku a bungi mu Antiyokiya. Pamue ne bantu bakuabu ba bungi bavua balongesha bena ditaba, babamanyisha muaku wa Mfumu.

Bienzedi 19:6

Polu kubatenteka bianza. Mueyelu wa Tshijila kubatulukila. Kutuadijabu kuakula miakulu ivuabu kabayi bamanye, bambila bantu malu avua Mvidi Mukulu mubamanyishe.

Bienzedi 21:9

Uvua ne bana bende ba bakaji banayi, kabayi basela. Bavua bambi, bamanyisha bantu bivua Mvidi Mukulu mubambile.

Bienzedi 4:36

Ke muvua muena Levi mukuabu, mulelela mu tshidila tshia Shipre, dina diende Yozefe, uvua bapostolu binyike ne: Bamabase (mmomumue ne: musambianganyi),

Bienzedi 9:1

Kadi Shawule utshivua amu ukanyina balongi ba Mfumu, ukeba kubashipa. Ke kuyaye kudi mutuangaji munene,

Rome 16:21

Timote, utudi tukuata nende mudimu, udi unuela muoyi, kabidi ne Lukiyuse, Yazone ne Sosipatere, bana hetu.

1 Korente 11:4

Pikala muntu mulume utendelela munkatshi mua bantu, ne tshifulu ku mutu, nansha ubamanyisha malu avua Mvidi Mukulu mumuambile, udi uluisha Kristu bundu.

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

1 Korente 13:8

Dinanga kashidi kadiena dijimina. Dituku dikuabu bambi kabakuakula kabidi to. Bantu kabakuakula kabidi miakulu idi bantu kabayi bamanye. Kumanya malu masokome a Mvidi Mukulu nekujike.

1 Korente 14:29

Bambi badi batumanyisha bivua Mvidi Mukulu mubambile, badi mua kuakula kabidi amu babidi nansha basatu. Kadi bambi bakuabu bakonkonona bidibu bamba.

1 Korente 14:32

Badi bamanyisha bantu malu adi Mvidi Mukulu mubaleje, badi ne bua kutabalela dipa didibu bapeta.

1 Korente 9:6

Nanku amu meme ne Barnabase, ke badi ne tshilumbu tshia kukuata mudimu ne bianza, bua kupeta tshiakudia tshietu anyi?

Ngalate 2:13

Bamue bena ditaba ba mu tshisamba tshia bena Yuda, bakavua baleja bukata, bidikija Petro. Bamabase mene ukavua ulonda tshilejilu tshiabu tshibi.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

Filipe 4:22

Bantu bonsu ba mu Tshisumbu tshia bena ditaba ba Mvidi Mukulu badi kunu, nangananga badi bakuata mudimu mu nzubu wa Kezare, badi banutumina muoyi.

1 Tesalonike 5:20

Kanupetudi malu adi bambi bamba.