Bienzedi 12:6 - MUKANDA WA MYIDI MUKULU

⁶ Dia muladilu wa dituku divua Erode musue kumulumbuluisha ku mesu a bantu, Petro uvua mulale munkatshi mua basolayi babidi. Bavua bamusuike ne nkanu ibidi. Basolayi bakuabu bavua balama tshiibi tshia ku nzubu wa lukanu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakadi Helode wamba kulua nʼandi, butuku abu mene Petelo wakadi mulale hankatshi ha masalayi abidi, musuika ne nkanu ibidi; ku tshibi kuakadi balami balama nsubu wa lukanu.

Bienzedi 12:6 교차 참조

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

Misambu 4:8

Kadi meme, Maweja-Nangila mmumpeshe disanka, dipite dia bantu badi banowa ntete ya kuenza bukula, nansha badi bapola tumuma tua kukama maluvu.

Yirmeya 40:1

Nebuzaradane, mfumu wa bena mvita balami ba mukalenga, mumane kuanyisha bua Yirmeya umuka ku Rama, Maweja-Nangila kuyukila ne Yirmeya. Yirmeya musuike ne nkanu, uvua usomba munkatshi muabena Yerushalayime ne bena Yuda bavuabu bakuate bua kuya nabu mu Babilone. Muine muaba awu ke kuvua mfumu wa bena mvita balami mumushe Yirmeya ku tshisumbu tshia bantu bavuabu ne bua kuya nabu.

Yirmeya 40:4

Nanku, lelu ndi nkusulula nkanu ivuabu bakusuike ku bianza. Paudi musue kuya nanyi ku Babilone mbimpe tuye. Nenkulame. Kadi paudi kuyi musue, bidi anu bimpe. Udi mua kuya kusomba mu ditunga, muaba onsu uudi musue.

Matayi 28:4

Basolayi bavua balama lukita, kukuatshikabu bowa, kuzakala, kufua tshipuka.

Bienzedi 12:5

Pavua Petro mu lukanu, bena ditaba bavua batendelela Mvidi Mukulu muabu muonsu, bamuakuila.

Bienzedi 21:33

Ke mulombodi wa basolayi kusemena kudi Polu, kutuma diyi, bua bamukuate, bamusuike nkanu ibidi. Pashishe kuebejaye ne: nnganyi ewu? Tshivuaye muenze ntshinyi?

Bienzedi 28:20

Ke pandi mulombe bua kumonangana nenu apa. mBansuike lukanu elu, bualu bua muntu ewu udi bena Izrayele bonsu batekemena.

Bienzedi 5:23

— Tudi basangane nzubu wa lukanu mukanga bimpe, basolayi pa miaba yabu ku biibi. Kadi tukangula nzubu, katuena basanganemu muntu nansha umue to.

Efeze 6:20

Nansha mundi mu lukanu amu mpindiewu, mbantume amu bua kumanyisha Lumu lua Disanka alu. Nanku lombayi bua ndongeshe Lumu elu ne muoyi umue, amu mudibu bamfundile bua kuenza.

Dielulula 32:26

“Mvua musue kubutula bena Izrayele bonsu, kabayi mua kubatela kabidi pa buloba.

2 Timote 1:16

Mfumu asankishe bena diku dia Onesifore, bualu uvua munsambe misangu ya bungi. Kavua mumvue bundu bua pamvua mu lukanu.

Ebrewu 13:6

Ke patudi tujadika ne muoyi mushindame ne: “Maweja-Nangila udi ungambuluisha, tshiena ntshina tshintu nansha tshimue. Tshidi muntu mua kungenzela ntshinyi?”