Bienzedi 12:4 - MUKANDA WA MYIDI MUKULU

⁴ Bamane kukuata Petro, Erode kumuelesha mu lukanu. Kutekaye basolayi bisumbu binayi, basolayi banayi banayi ku tshisumbu, bua bamulame, bakombolangana. Uvua musue kumulumbuluisha ku mesu a bantu, pajika tshibilu tshia Dipita dia Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakamukuateye, wakamuela mu nsubu wa lukanu, wakamufila mu bianza bia masalayi dikumi ne asambombo, bua kumulamau; wakasua kulua nʼandi ku mesu kua bantu hashika Kuhita kua Yehowa.

Bienzedi 12:4 교차 참조

Estere 3:13

Pashishe kutumabu bantu bua bafile mikanda ayi mu ditunga dionsu dia mu bukalenga. Mu mikanda eyi bavua bela diyi dia kushipa ne kubutula bena Yuda bonsu, kakuyi luse nansha lukese: bansongalume, bantu bakole, bakaji ne bana. Bavua mua kupawula kabidi bintu biabu bionsu. Bavua ne bua kushipa bantu dituku anu dimue, mu ngondu wa dikumi ne muibidi, dituku dia dikumi ne disatu dia ngondu awu.

Ekesode 12:1

Pavua Moshe ne Arone mu ditunga dia Ejipitu, Maweja-Nangila kubambila ne:

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Matayi 24:9

Nanku bantu nebanukuate, nebanufile bua banukengeshe. Nebanushipe. Bisamba bionsu nebinukine, bualu nudi nungitaba.

Matayi 26:5

Bavua bamba ne: — Katuena mua kumukuata matuku a tshibilu nansha. Bualu bantu badi mua kujula tshimvundu.

Marke 14:1

Kutshivua kushala matuku abidi bua tshibilu tshia Dipita dia Maweja-Nangila ne tshia mampa kaayi mela buanga kuenzekatshi. Bamfumu ba batuangaji ne balongeshi ba mikenji bavua bakebela pa kukuatshila Yezu mu musokoku ne kumushipa.

Luke 21:12

Kadi bionsu ebi kabiyi bianji kuenzeka, bantu nebanukuate, banukengesha. Nebanufile mu tshilumbuluilu mu nzubu ya ditendelela. Nebanuele mu nzubu wa lukanu. Nebaye nenu kumpala kua bakalenga ne kua balombodi ba ditunga, bualu nudi bangitaba.

Luke 22:33

Ke Petro kumuandamuna ne: — Mfumu, meme ndi musue kuya nebe mu nzubu wa lukanu, nansha bua kufua nebe nemfue!

Yowanane 19:23

Basolayi bamane kupopela Yezu ku mutshi mutshiamakane, kuangatabu bilamba biende. Kubitapululabu mu bitupa binayi, bua musolayi angate tshiende, musolayi tshiende. Kuangatabu kabidi muntumpu wende uvua kauyi ne mutelu, baukume nanku mujima kulu too ne panshi.

Yowanane 21:18

Ndi nkujadikila ne: pautshivua nsongalume, uvua udisuika mukaba wewe nkayebe, uya kuuvua musue, kadi pawashala mukulakaje, newolole maboku, mukuabu neakusuike mukaba webe, neakufile kuudi kuyi musue kuya.

Bienzedi 12:3

Bu muvuaye mumone ne: bimvua ngenza ebi bidi bisankisha bena Yuda, kukuatshishaye kabidi ne Petro. (Bivua mu tshikondu tshia tshibilu tshia Mampa kaayi mela buanga.)

Bienzedi 12:5

Pavua Petro mu lukanu, bena ditaba bavua batendelela Mvidi Mukulu muabu muonsu, bamuakuila.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Bienzedi 4:3

Kukuatabu Petro ne Yowanane, kubela mu nzubu wa lukanu, bualu butuku bukavua buila. Kubalamamu too ne ku dinda.

Bienzedi 5:18

Ke kukuatabu bapostolu, kubela mu nzubu wa lukanu.

Bienzedi 8:3

Shawule uvua wenza muende muonsu bua kubutula Tshisumbu tshia bena ditaba. Uvua upita ku nzubu ku nzubu, ukuata balume, ukuata bakaji, ubela mu lukanu.