Bienzedi 12:3 - MUKANDA WA MYIDI MUKULU

³ Bu muvuaye mumone ne: bimvua ngenza ebi bidi bisankisha bena Yuda, kukuatshishaye kabidi ne Petro. (Bivua mu tshikondu tshia tshibilu tshia Mampa kaayi mela buanga.)

Mukanda wa Nzambi Dihungila Dikulukulu ne Dihungila Dihia-dihia 2003

³ Hakamoneye ne, Bualu ebu budi busankisha Bena Yuda, wakakuata Petelo kabidi. Matuku au akadi a bidia bidi kabi biela luevene.

Bienzedi 12:3 교차 참조

Misambu 76:10

paudi ujuka bua kumanyisha dipangadika diebe, dia kusungidila bantu bapuekele ba pa buloba.

Ekesode 23:15

Tshibilu tshia kumpala tshikale tshia mampa adi kaayi mela buanga. Nutshienze mu ngondu wa Abibe matuku malondangane muanda mutekete. Nudie mampa awu, anu mushindu umvua munuambile. Bualu ngondu awu ke unuvua bapatuke mu Ejipitu. Kanufiki kundi kanuyi ne milambu to.

Matayi 26:17

Dituku dia kumpala mu tshibilu tshia Mampa kaayi mela buanga, balongi kufika kudi Yezu, bamukonka ne: — Udi musue tukulongoluele didia dia Dipita dia Maweja-Nangila penyi?

Yowanane 12:43

Bavua basue nangananga bua bantu babanyishe, pa mutu pa kukeba bua Mvidi Mukulu abanyishe.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Yowanane 21:18

Ndi nkujadikila ne: pautshivua nsongalume, uvua udisuika mukaba wewe nkayebe, uya kuuvua musue, kadi pawashala mukulakaje, newolole maboku, mukuabu neakusuike mukaba webe, neakufile kuudi kuyi musue kuya.

Bienzedi 12:4

Bamane kukuata Petro, Erode kumuelesha mu lukanu. Kutekaye basolayi bisumbu binayi, basolayi banayi banayi ku tshisumbu, bua bamulame, bakombolangana. Uvua musue kumulumbuluisha ku mesu a bantu, pajika tshibilu tshia Dipita dia Maweja-Nangila.

Bienzedi 2:14

Ke Petro kujuka kulu, pamue ne bapostolu bakuabu dikumi ne umue, kuambilaye bantu ne diyi dikole ne: — Nuenu bena Yuda, nuenu bonsu kabidi badi basomba mu Yerushalayime, ntelejayi bimpe, bua nnumvuije bidi bienzeka ebi.

Bienzedi 20:6

Kunyima kua tshibilu tshia Mampa kaayi mela buanga, tuetu kumuka ne majuwa mu Filipe, kuenda matuku atanu, kusangana bena ditaba netu aba mu Trowase. Tuetu kushalamu lumingu lujima.

Bienzedi 24:27

Kupita bidimu bibidi, Porsiyuse Festuse kupingana Felikse mu bulombodi bua ditunga. Kadi bu muvua Felikse musue kusankisha bena Yuda, ki mmupatule Polu mu lukanu nansha.

Bienzedi 25:9

Bua kusankisha bena Yuda, Festuse kuebeja Polu ne: — Udi musue tuye kukulumbuluisha mu Yerushalayime anyi?

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Ngalate 1:10

Nudi nuela meji ne: ndi nkeba bua bantu banganyishe anyi? Nansha! Ndi musue amu bua Mvidi Mukulu anganyishe! Ndi nkeba kusankisha bantu anyi? Bu meme nkeba kusankisha bantu, tshi vua mua kuikala muena mudimu wa Kristu to.

1 Tesalonike 2:4

Kadi tuvua bakule diba dionsu muvua Mvidi Mukulu musue. Bualu Yeye uvua muanyishe bituvua benze, mutufundile kabidi mudimu wa kumanyisha Lumu lua Disanka. Nanku katuena bakebe kusankisha bantu, kadi amu Mvidi Mukulu udi ujingulula meji adi munda muetu.