Bienzedi 11:8 - MUKANDA WA MYIDI MUKULU

⁸ Meme kuandamuna ne: “Mfumu, tshiena mua kuenza nanku. Bualu katshia tshiena muanji kudia tshintu tshidi Mvidi Mukulu mukandike, nansha tshia mikiya.”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi nakuamba ne, Nasha, Mukelenge; tshintu tshia tshianana anyi tshia tshijila katshiena tshianze kubuela mukana muanyi.

Bienzedi 11:8 교차 참조

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Lewitiki 10:10

Kanunu kabidi maluvu makole, panudi nusunguluja bintu bidi bia tshijila, ne bidi kabiyi bia tshijila, bidi ne mikiya, ne bidi kabiyi ne mikiya.

Lewitiki 11:47

Mikenji eyi idi bua nuenu kumanya bintu bidi ne mikiya ne bidi kabiyi ne mikiya. Kadi mbua numanye binudi mua kudia ne binudi kanuyi mua kudia.

Marke 7:2

Kumonabu bamue ba ku balongi bende badia biakudia kabayi bowa bianza, bu muvuabu bafunde mu mikenji ya Mvidi Mukulu.

Bienzedi 11:7

Ke meme kumvua diyi, dingamba ne: “Petro, juka, ushipe, udie!”

Bienzedi 11:9

Meme kumvua tshiakabidi diyi difuma mu diulu ne: “Tshidi Mvidi Mukulu muambe ne: katshiena ne mikiya, wewe kuena mua kutshiamba ne: tshidi ne mikiya!”

Rome 14:14

Ndi mumanye, mushindike menemene ne: patudi bamane kudisanga ne Mfumu Yezu, kakuena tshintu tshidi tshibi tshiotshi nkayatshi. Kadi amu padi muntu wela meji ne: tshintu etshi ntshibi, nanku tshidi tshibi kudiye.

1 Korente 7:14

Bualu mulume udi kayi muena ditaba, Mvidi Mukulu udi umuanyisha, bua padiye udisanga ne mukajende muena ditaba. Kabidi mukaji udi kayi muena ditaba, Mvidi Mukulu udi umuanyisha, bua padiye udisanga ne bayende muena ditaba. Bu biobi kabiyi nanku, bana badibu balela bavua mua kuikala ne mikiya, baledi kabayi mua kumonangana nabu. Kadi bana babu badi bantu ba tshijila, badi Mvidi Mukulu wanyisha.