Bienzedi 11:16 - MUKANDA WA MYIDI MUKULU

¹⁶ Meme kuvuluka muvua Mfumu muambe ne: “Yowanane uvua mutue bantu mu mayi. Kadi nuenu nebanutue munda mua Mueyelu wa Tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nakuvuluka dî dia Mukelenge diakambeye ne, Bulelela, Yone wakabatiza bantu ne mai, kadi nuenu nenubatijibue mu Nyuma Muimpe.

Bienzedi 11:16 교차 참조

Nsumuinu 1:23

Londayi mundi nnulongesha. Nanku mibelu yanyi neinuludike. Ne tuabanyangane nenu lungenyi lundi nalu.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Matayi 3:6

Bantu abu bavua batonda mibi yabu, bantu bonsu bumvue. Nanku Yowanane uvua ubatua mu mayi a Yardene.

Marke 1:8

Meme ndi nnutua mu mayi. Kadi yeye neanutue mu Mueyelu wa Tshijila.

Luke 24:8

Ke bakaji abu kutuluka miaku ya Yezu.

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Yowanane 1:26

Yowanane kubandamuna ne: — Meme ndi nnutua mu mayi. Kadi munkatshi muenu mudi muntu unudi kanuyi bamanye.

Yowanane 1:33

Tshivua nansha muanji kumumanya. Kadi Mvidi Mukulu uvua muntume bua kutua bantu mu mayi, uvua mungambile ne: “Muntu uwamona Mueyelu wa Tshijila upueka, umuikila, Yeye awu ke udi utua bantu mu Mueyelu wa Tshijila.”

Yowanane 14:26

Udi ne bua kunuambuluisha, Mueyelu wa Tshijila watumabu kudi Tatu mu dina dianyi, neunulongeshe bionsu. Neunuvuluije bionsu bimvua munuambile.

Yowanane 16:4

Kadi ndi nnuambila malu aa bua padi tshikondu tshifika tshidibu benza nanku, mwuluke ne: mvua mumane kunuambila. — Tshivua munuambile malu aa ku tshibangidilu, bualu ntshivua nenu.

Bienzedi 1:5

Yowanane uvua utua bantu mu mayi. Kadi matuku makese aa, nebanutue nuenu munda mua Mueyelu wa Tshijila.

Bienzedi 20:35

Mvua munuleje misangu yonsu ne: ke munudi ne bua kukuata mudimu bikole bua kuambuluisha bakengi. Nuvuluke miaku ivua Mfumu Yezu muambe ne: “Disanka dia kupa ndipite dia kupeta.”

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

2 Petro 3:1

Bana hetu basuibue, ke mukanda muibidi undi nnufundila ewu. Mu mikanda yonsu ibidi, mvua musue kunutabuluja, bua nupete meji makane ku malongesha andi nnuvuluija.