Bienzedi 10:4 - MUKANDA WA MYIDI MUKULU

⁴ Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Hakamujosheye, wakatshina, wakakonka ne, Mukelenge, ntshinyi? Wakamukudimuna ne, Mitendelelu yebe ne bintu biebe bia luse Mutu wahangana diakabanda ku mesu kua Nzambi bu tshivulukidi.

Bienzedi 10:4 교차 참조

2 Kulondolola 32:24

Tshikondu atshi, mukalenga Izkiya kupeta disama dia lufu. Kutendelelaye Maweja-Nangila. Awu kumujadikila ne: kuena ufua to.

2 Kulondolola 6:33

wewe Maweja-Nangila udi musombe mu diulu, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye. Nebalonge mudibu mua kukunemeka, mudi bantu bebe bena Izrayele bakunemeka. Nebajadike ne: nzubu ewu undi muibake, ke muaba udibu ne bua kukutendelela.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Misambu 20:3

Akuambuluishe mu nzubu muende mudiye, akukuatshishe biangatshile mu Siyone!

Yeshaya 43:26

Tuye nebe ku kabadi bonsu babidi. Umfunde bua tshilema tshindi muenze. Umvuije tshilumbu tshijima, uleje muudi mubinge.

Yeshaya 45:19

Meme tshiena muakule mu musokoku. Muaku wanyi kawena ufuma mu miidima. Tshiena mutumine ndelanganyi ya Yakobe diyi, bua inkebele muaba udi mutupu. Meme Maweja-Nangila ndi ngamba malu amu patoke. Malu onsu andi mmanyisha mmalelela. Ndi ngakumbaja.”

Danyele 10:11

Muntu awu kungambila ne: ‘Daniyele, wewe udi Mvidi Mukulu unanga, udibambe bua kujingulula miaku indi nkuambila. Imana kulu, bualu mbantume kuudi mpindiewu.’ Ngumvua nanku, meme kuimana kulu, nzakala.

Lewitiki 2:2

Aye nabi kudi batuangaji, bana ba Arone. Mutuangaji ambule dianza dia bukula budi ne mafuta, ambule kabidi musenga wa kamonya onsu. Abioshe bionsu pa tshilambuilu. Bualu bidi mulambu wa tshivulukilu, udi ne dipembu dimpe didi disankisha Maweja-Nangila.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Matayi 26:13

Ndi nnujadikila bulelela ne: pa buloba bujima, miaba yonsu yalongeshabu Lumu lua Disanka elu, nebalondele bantu bivua mukaji ewu muenze. Nanku bantu nebamuvuluke.

Luke 1:29

Mariya umvua miaku ayi, kupapukaye bikole, udikonka tshivuabu bamuelele muoyi wa mushindu ewu.

Luke 24:5

Bakaji abu kutshina, binama panshi. Ke bantu babidi abu kubakonka ne: — Muntu udi ne muoyi, nudi numukeba munkatshi mua bantu bafile bua tshinyi?

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Bienzedi 14:9

Uvua muteleje muvua Polu wakula. Polu kumujooja, kumona ne: uvua ne ditaba, utekemena kuenda.

Bienzedi 22:10

Ke meme kukonka ne: “Mukalenga, ngenze tshinyi?” Ke Mfumu kungandamuna ne: “Juka panshi, uye mu Damase. Momu amu nebakuambile bionsu bidi Mvidi Mukulu mukufundile bua wewe kuenza.”

Bienzedi 3:4

Petro ne Yowanane kumutangila talalaa. Ke Petro kumuamba ne: — Banduluka tumone, ututangile!

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Ebrewu 13:16

Kanupu muoyi bua kuenza malu mimpe, kabidi bua kuambuishangana, bualu milambu ya nenku ke idi isankisha Mvidi Mukulu.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Didimanyisha 8:4

Muinshi wa manananshi, pamue ne ditendelela dia bantu ba Mvidi Mukulu, bivua bibandila mu tshianza tshia mutumibue kumpala kua Mvidi Mukulu.

1 Samuele 3:10

Maweja-Nangila kufika, kuimana kabidi muaba awu bu misangu mikuabu. Kubikilaye ne: “Samuwele, Samuwele”! Muana kuitaba ne: — Ke meme muntu webe ewu ndi muteleja, ngambilaku.