Bienzedi 10:2 - MUKANDA WA MYIDI MUKULU

² Uvua muntu wa Mvidi Mukulu, umutendelela pamue ne nzubu wende mujima. Uvua wambuluisha bakengi ba bena Yuda ne bintu bivule, utendelela Mvidi Mukulu misangu ne misangu.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakadi mutendeledi muakane, wakadi utshina Nzambi ne ba mu nsubu wandi bonso, wakadi uha bantu bintu bia luse bia bungi, wakadi utendelela Nzambi matuku onso.

Bienzedi 10:2 교차 참조

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

2 Kulondolola 6:33

wewe Maweja-Nangila udi musombe mu diulu, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye. Nebalonge mudibu mua kukunemeka, mudi bantu bebe bena Izrayele bakunemeka. Nebajadike ne: nzubu ewu undi muibake, ke muaba udibu ne bua kukutendelela.

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Misambu 102:15

Tuetu bantu bebe tudi banange mabue ende, tudi tumvua luse bua nzubu yende idi mishale bibuwa.

Misambu 119:2

Bantu badi balonda mikenji yende, bamutumikila ne muoyi wabu mujima, badi ne disanka!

Misambu 25:5

Undongeshe, undudike bua nkulamate. Wewe ke Mvidi Mukulu udi umpandisha. Matuku onsu ndi ntekemena kuudi.

Misambu 41:1

Musambu wa mu mukanda wa mulombodi wabena misambu. Wamu mukanda wa misambu ya Davide.

Misambu 55:17

Meme ndi mbikila Mvidi Mukulu, bua angambuluishe. Nanku Maweja-Nangila neampandishe.

Misambu 86:3

Maweja-Nangila, ndi nkubikila matuku anyi onsu, ungambuluishe.

Misambu 88:1

Musambu wa mu mukanda wa misambu ya bena Kora. Wa mu mukanda wa mulombodi wa bena misambu. Wa kuimba mu dibungama. Kasala ka musambu kela kudi Emane, muena muabu.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Yeshaya 59:19

Nenku bantu nebatshine Maweja-Nangila. Nebanemeke butumbi buende, bituadije luseke ludi diba dipatukila, too ne luseke ludidi dibuelela. Neafike lubilu, bu musulu wa muenji mukole, udibu basakila kudi tshipepela.

Danyele 6:10

Ke mukalenga wa bakalenga Daryaveshe kufunda dina diende pa mukanda, uvua ne mukenji awu.

Danyele 6:16

Kadi baluishi ba Daniyele kupingana lukasa kudi mukalenga wa bakalenga, kumuambila ne: — Mukalenga wa bakalenga, udi mumanye bimpe ne: bilondeshile meyi a bena Madayi ne a bena Persa, mukenji muela kudi mukalenga munene kabena mua kushintulula to.

Danyele 6:20

Patshiatshia, pakavua panshi patoke, mukalenga wa bakalenga kujuka, kuya lukasa ku buina bua nyama ya ntambue.

Danyele 6:26

Matuku apita, mukalenga wa bakalenga kutumina bantu ba matunga onsu, ba bisamba bionsu, ba miakulu yonsu, badi basomba pa buloba bujima, mukanda ubambila ne: “Ndi nnujingila ditalala dijima!

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 2:25

Diba adi mu Yerushalayime muvua muntu, dina diende Shimeyone. Uvua unemeka Mvidi Mukulu, ukumbaja bivuaye musue. Uvua muindile muntu uvua ne bua kusungidila bena Izrayele. Mueyelu wa Tshijila kabidi uvua nende.

Bienzedi 10:22

Bantu kuandamuna ne: — Korneliyuse, mulombodi wa tshisumbu tshia basolayi, mmututume. Udi muntu muimpe, muitabi wa Mvidi Mukulu. Bena Yuda bonsu badi bamuanyisha. Mutumibue wa Mvidi Mukulu mmumulombe, bua akubikidishe kuende, umvue malu audi mua kumuambila.

Bienzedi 10:31

Kungambilaye ne: “Korneliyuse, Mvidi Mukulu mmumvue muudi umutendelela, kabidi mmuvuluke muudi wambuluisha bapele.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.

Bienzedi 10:4

Korneliyuse kutangila mutumibue wa Mvidi Mukulu ne bowa, kumuebeja ne: — Mukalenga, udi wamba bishi? Mutumibue kuandamuna ne: — Mvidi Mukulu udi ukuvuluka, ukuanyisha bua dimutendelela diebe, kabidi ne bua bintu biudi upesha bapele.

Bienzedi 10:7

Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu.

Bienzedi 11:14

Neukumanyishe malu adi mua kukusungidila, wewe ne nzubu webe mujima.”

Bienzedi 13:16

Polu kujuka, kupuwisha bantu ne tshianza, wamba ne: — Nuenu bena Izrayele, nuenu kabidi bena bisamba bikuabu badi batendelela Mvidi Mukulu, ntelejayi:

Bienzedi 13:26

Bana betu, nuenu ndelanganyi ya Abrahame, kabidi ne nuenu bena bisamba bikuabu bitabi ba Mvidi Mukulu, mbatutumine tuetu bonsu mukenji wa lupandu ewu.

Bienzedi 13:50

Kadi bena Yuda kusonsola bakaji ba baneme bavua bamane kubuela mu Tshisumbu tshia bena ditaba ba bena Yuda, ne balombodi ba tshimenga, bua bakebele Polu ne Barnabase mvita. Nanku kubipatabu mu ditunga diabu.

Bienzedi 18:8

Krispuse, mulombodi wa nzubu wa kutendelela, ne bena nzubu wende bonsu, kuitaba Mfumu. Bena Korente ba bungi bumvua bivua Polu ulongesha, kuitababu. Kubatuabu mu mayi.

Bienzedi 2:5

Mu Yerushalayime amu muvua bena ditaba ba bena Yuda, bafume ku matunga onsu a pa buloba bujima.

Bienzedi 22:12

Momu amu muvua muntu, diende Ananiyase, munangi wa Mvidi Mukulu, uvua ukumbaja bimpe mikenji yetu. Bena Yuda bonsu ba mu tshimenga atshi bavua bamuanyisha.

Bienzedi 8:2

Bantu balamatshi ba Mvidi Mukulu kujika Stefane. Kudilabu bikole bua lufu luende.

Bienzedi 9:11

Mfumu kumuambila ne: — Juka, uye lukasa mu musesu Mululame. Ukonke ku nzubu kua Yudase. Kudi muntu wa mu Tarse, dina diende Shawule. Udi utendelela mpindiewu.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Bienzedi 9:36

Mu Yope muvua mukaji muena ditaba, dina diende Tabita (ke “Dorkase” mu buena ngreke, mmomumue ne “ngulungu.”) Uvua wenza malu mempe a bungi, wambuluisha kabidi bapele.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

1 Tesalonike 5:17

Nutendelele, kanuyi nupungila.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”