Bienzedi 10:11 - MUKANDA WA MYIDI MUKULU

¹¹ Kumonaye diulu diunzuluka, kabidi tshintu bu tshilamba tshinene tshia pa mesa, batshikuata ku nsongu inayi, tshienda tshipueka panshi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ wakamona diulu dibuluke ne tshintu bu tshilulu tshinene tshihueka hanshi tshikuata ku nzemba yatshi inai;

Bienzedi 10:11 교차 참조

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Yeshaya 43:6

Nengambile badi ku mutu ne: ‘Nubalekele, bapingane kuabu.’ Nengambile badi kuinshi ne: ‘Kanukandamanyi nabu to.’ Nufike ne bana banyi ba balume, badi ku mutu kuaka. Nufike ne bana banyi ba bakaji, badi ku ndekelu kua buloba.

Yeshaya 56:8

Maweja-Nangila uvua mupingaje bena Izrayele bavuaye mumuangalaje kuabu, udi wamba kabidi ne: “Nkadi mumane kusangisha bantu, kadi ntshidi nsangisha ne bakuabu bua nuenze nabu tshintu tshimue.”

Yezekiyele 1:1

Mu matuku atanu a ngondu muinayi wa tshidimu tshianyi tshia makumi asatu, meme Yezekiyele, muana wa mutuangaji Buzi, mvua musombe munkatshi mua bena tshimuangi ba bena Yuda, batata ku muelelu wa musulu wa Kebare. Meme kumona diulu diunzuluka, Maweja-Nangila undeja malu.

Matayi 8:11

Ndi nnujadikila ne: bantu bavule nebafume luseke ludi diba dipatukila, ne ludidi dibuelela, basombe ne Abrahame, Izake, ne Yakobe mu Bukalenga bua mu diulu.

Luke 3:21

Yowanane mumane kutua bantu bonsu mu mayi, kushisha kutuaye ne Yezu kabidi. Diba divua Yezu utendelela, diulu kubululuka,

Yowanane 1:51

Yezu kuamba kabidi ne: — Ndi nnuambila bulelela ne: nenumone diulu diunzuluke, batumibue ba Mvidi Mukulu babanda bapueka kulu kua Muana wa muntu.

Yowanane 11:52

kadi kavua ne bua kutuila amu tshisamba etshi nkayatshi, kadi mmufue kabidi bua kusangisha mu bobumue bantu bonsu ba Mvidi Mukulu bavuabu batangalaje.)

Yowanane 12:32

Kadi meme, pangelabu kulu, nenkoke bantu bonsu kundi.

Bienzedi 10:12

Munda muatshi muvua nyama ya mishindu yonsu: ya mikonu inayi, bilandadi, ne nyunyi ya kulu.

Bienzedi 11:5

— Mvua mu tshimenga tshia Yope, ntendelela. Mvidi Mukulu kundeja malu. Meme kumona tshintu bu tshilamba tshinene tshia pa mesa, batshikuata ku nsongu inayi, tshienda tshipueka mu diulu, tshitangila kundi.

Bienzedi 7:56

Kuambaye ne: — Telejayi: ndi mmona diulu diunzuluke. Ndi mmona Muana wa muntu, muimane ku dia bukole dia Mvidi Mukulu.

Rome 1:16

Nanku tshiena ne bowa pandi ndongesha Lumu lua Disanka. Bualu ludi bukole budi Mvidi Mukulu ukuata nabu mudimu, bua kusungidila bantu bonsu badi bitaba, kutuadija ne bena Yuda, pashishe ne bantu ba bisamba bikuabu.

Rome 9:4

Badi bena tshisamba tshia Izrayele. Mvidi Mukulu mmubenze bana bende. mMumueneke munkatshi muabu ne butumbi buende. mMutue nabu ndondu yende, mubapeshe kabidi mikenji yende. Uvua mubaleje muyuabu mua kutendelela. mMubalaye ne malaya.

Ngalate 2:15

Tuetu mene mbatulele bena Yuda. Katuena benji ba malu mabi ba mu bisamba bikuabu.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Efeze 1:10

Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Didimanyisha 4:1

Pashishe Mvidi Mukulu kundeja malu makuabu. Meme kumona tshiibi tshiunzuluka mu diulu. Diyi dimvua mumvue diela tshiona bu mpungi, dingambila bualu bangabanga adi, kumvuika, kungambila ne: — Banda apa. Nenkuleje malu adi ne bua kuenzeka pashishe.