Bienzedi 10:1 - MUKANDA WA MYIDI MUKULU

¹ Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu Kaisalia muakadi muntu, dina diandi Kônelio, yeye wakadi kapitene ka tshisumbu tshia masalayi lukama, tshiakadibo babikila ne, Tshia Bena Italia.

Bienzedi 10:1 교차 참조

Matayi 27:27

Basolayi ba Pilate kuya ne Yezu mu lubanza lua mulombodi wa ditunga. Kunguilabu bonsu muaba uvua Yezu.

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Marke 15:16

Basolayi kuyabu ne Yezu munda mua lubanza (mmomumue ne: mu lubanza lua nzubu wa mulombodi wa buloba). Kubikilabu basolayi bonsu.

Luke 7:2

Muaba awu muvua mfumu wa basolayi ba bena Rome, muikale ne muena mudimu wende uvuaye munange bikole. Muena mudimu awu uvua usama bikole, wamba kufua.

Yowanane 18:12

Diba adi tshisumbu tshia basolayi, mulombodi wabu, kabidi ne balami ba bena Yuda kukuatabu Yezu, kumusuika mionji.

Yowanane 18:3

Yudase kuya mu lupangu alu ne tshisumbu tshia basolayi, kabidi ne tshia balami ba mu nzubu wa Mvidi Mukulu bavua bamfumu ba batuangaji ne Baparushe batume. Bantu abu bavua ne bia myita, bikale kabidi ne bimunyi bia kapia.

Bienzedi 10:24

Petro kufika mu Kezareya dituku divua dilonda. Korneliyuse uvua mumuindile, pamue ne bena diku diende, kabidi ne balunda bende ba pa muoyi, bavuaye mubikile.

Bienzedi 21:31

Bavua bakeba kushipa Polu. Kadi bantu bakavua bamanyishe mulombodi wa tshisumbu tshia basolayi ba bena Rome ne: Yerushalayime mujima mmutomboke!

Bienzedi 21:8

Butshia tuetu kutungunuka ne luendu, kuyila njila wa ku makasa, kufika mu Kezareya. Tuetu kuya kua Filipe, mulongeshi wa Lumu lua Disanka, kulala kuende. Filipe uvua wa ku bantu muanda mutekete, bavuabu basunguile ku Yerushalayime, bua kuambuluisha bapostolu.

Bienzedi 22:25

Kadi basolayi bamane kumusuika, ke Polu kuebeja tshindonda tshia mulombodi wabu tshivua muaba awu ne: — Nudi mua kukumisha muntu muena Rome mikaba, kabayi nansha banji kumulumbuluisha anyi?

Bienzedi 23:23

Ke mulombodi kubikila bindonda biende bibidi, ubiambila ne: — Sangishayi basolayi, nkama ibidi badi ne bia mvita biabu bionsu, bakuabu makumi muanda mutekete babandi ba pa tubalu, banga nkama ibidi badi bambula amu mafuma. Nudilongolole bua kuya ku Kezareya bufuku, diba dia tshitema.

Bienzedi 23:33

Bafika mu Kezareya, diakamue bena tubalu kupa mulombodi wa ditunga mukanda, kumushila kabidi ne Polu.

Bienzedi 25:1

Bamane kubanjija Festuse mu bulombodi bua ditunga, kupita matuku asatu, kumbukaye mu Kezareya, bua kuya ku Yerushalayime.

Bienzedi 25:13

Kupita matuku, mukalenga Agripa, ne muanabu wa bakaji Berenike, kufikabu mu Kezareya, bua kuela Festuse muoyi.

Bienzedi 27:1

Dituku dituvua ne bua kubuela mu majuwa bua kuya ku Italiya, kufilabu Polu, ne bamue bena lukanu bakuabu, kudi Yuliyuse, mulombodi wa tshisumbu tshia basolayi ba bena Rome, tshiyuabu binyika ne: “Ntshia Kezare,” bua tshibalame bimpe mu njila.

Bienzedi 27:31

Ke Polu kuambila mulombodi ne basolayi ne: — Pikala bantu aba kabayi bashala mu majuwa, kanuena nupanda to.

Bienzedi 27:43

Kadi bu muvua mulombodi wabu musue kupandisha Polu, kuambilaye basolayi bende ne: “Kanuenji nanku to!” Kutumaye kabidi diyi, bua bavua bamanye kuowela, badianjile kudiela mu mayi, baye ku mukuna.

Bienzedi 8:40

Filipe kudimona ne: nkadi mu Azote. Kutungunukaye ne luendu too ne ku tshimenga tshia Kezareya. Mu njila uvua wenda ulongesha Lumu lua Disanka mu bimenga bionsu.