Bienzedi 1:6 - MUKANDA WA MYIDI MUKULU

⁶ Bantu bavua bunguile pavua Yezu, kumukonkabu ne: — Mfumu, newenzulule bukalenga bua Izrayele mpindiewu anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁶ Hakadisangishabo nunku, bakadi ukonka ne, Mukelenge, wewe neuhingishe Isalele bukelenge katataka, anyi?

Bienzedi 1:6 교차 참조

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Yeshaya 1:26

Nenkupingajile bandumbulula bimpe, amu muvua bebe ba ku tshibangidilu. Bafidi bebe ba ngenyi nebafile ngenyi mimpe, amu muvuabu benza ku kale. Nenku nebakuinyike ne: ‘Tshimenga tshia buakane,’ ‘Musoku udi bantu ne muoyi umue.’ ”

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Osheya 3:4

Nanku, bena Izrayele nebashale matuku a bungi kabayi ne mukalenga, kabayi ne bamfumu, kabayi ne milambu, nansha makunji a tshijila, kabayi kabidi ne binta bionsu bidi biambuluisha bua kumanya disua dia Mvidi Mukulu.

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 17:11

Yezu kuandamuna ne: — Bulelela, Eliya udi ne bua kufika bua kuakaja bionsu.

Matayi 20:21

Ke Yezu kumukonka ne: — Tshiudi ujinga ntshinyi? Mamu awu kumulomba ne: — Pawatuadija bukalenga buebe, anyisha bua bana banyi ba balume aba basombe ewu ku diebe dia balume, munga ku diebe dia bakaji.

Matayi 24:3

Yezu uvua musombe ku mukuna wa mitshi ya Olive. Ke balongi bende kusemena kudiye bobu nkayabu, bamukonka ne: — Utuambile: malu awu neenzeke diba kaayi? Nebimanye bishi ne: ukadi pa kufika, kabidi ne: ndekelu wa buloba ukadi ukumbana?

Marke 9:12

Yezu kubandamuna ne: — Bulelela, Eliya udi ne bua kudianjila kufika bua kulongolola malu onsu. Mudi Mukanda wa tshijila ujadika ne: nebakengeshe Muana wa muntu bikole, kabidi nebamupetule mbishi?

Luke 17:20

Baparushe bavua bakonka Yezu ne: — Bukalenga bua Mvidi Mukulu nebufike diba kaayi? Yezu kubandamuna ne: — Bukalenga bua Mvidi Mukulu kabuena bufika mushindu udi bantu mua kubumona bimpe to.

Luke 19:11

Yezu uvua welela kabidi bantu bavua bumvua bionsu abi lusumuinu lukuabu. Bu muvua Yezu pabuipi ne Yerushalayime, bantu bavua bela meji ne: Bukalenga bua Mvidi Mukulu bukadi pa kumueneka amu mpindiewu.

Luke 22:29

Nanku bu mutua Tatu wanyi mumpeshe Bukalenga, meme kabidi ndi nnupeshabu.

Yowanane 21:21

Petro umumona, kukonkaye Yezu ne: — Mfumu, kadi yeye tshidi mua kumuenzekela ntshinyi?