Bienzedi 1:13 - MUKANDA WA MYIDI MUKULU

¹³ Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakahinganabo, bakabanda mu nsubu wa mulu, muakadi muikale Petelo ne Yone ne Yakobo ne Andele ne Filipo ne Toma ne Bâtolomayo ne Matayo ne Yakobo muana wa Alafayo ne Simona muena Lukunukunu ne Yuda wa Yakobo.

Bienzedi 1:13 교차 참조

Matayi 9:9

Yezu kumuka muaba awu, kumona muntu musombe ku nzubu kuvuabu balambuila bitadi. Dina dia muntu awu mMatayi. Yezu kumuambila ne: — Undonde! Nanku Matayi kujuka, kumulonda.

Marke 14:15

Yeye neanuleje kulu kua nzubu, tshibambalu tshinene, tshimane kulongolola ne bintu biamu bionsu. Ke muaba unuatulongoluela didia awu.

Marke 14:33

Kuangataye Petro, Yakobe ne Yowanane. Kubangaye kumvua buowa ne dipampakana dikole,

Marke 2:14

Pavuaye upita, kumonaye Levi muana wa Alfayi musombe mu nzubu uvuaye ulambuishila bitadi. Yezu kumuamba ne: — Ntua mu nyima! Levi kujuka, kumutua mu nyima.

Marke 5:37

Yezu kavua muanyishe bua muntu mukuabu amufile nansha, kadi amu Petro ne Yakobe ne muanabu Yowanane.

Marke 9:2

Matuku apita asambombu, Yezu kuangata Petro, Yakobe ne Yowanane, kuyaye nabu nkayabu pa mukuna mutumbuke. Kukudimukaye mpala bobu batangila.

Luke 22:12

Nanku yeye neanuleje kulu nzubu munene udi ne bintu bionsu. Muine amu ke munualongoluela didia.

Yowanane 11:16

Kadi Tomase udibu binyika ne: Dipasa, kuambilaye balongi bakuabu ne: — Tuyayi bonsu ne Mulongeshi, batushipe nende!

Yowanane 14:22

Yuda (ki nYudase Iskariyote to) kumukonka ne: — Mfumu, mmunyi muudi mua kudileja kutudi, kuyi udileja kudi ba pa buloba?

Yowanane 18:17

Mukaji mulami wa tshiibi kukonka Petro ne: — Wewe kabidi, kuena wa ku balongi ba muntu ewu anyi? Petro kuandamuna ne: — Tshiena wa ku balongi bende nansha.

Yowanane 21:2

Simone Petro, Tomase (udibu binyika ne: wa Dipasa), Natanayele (uvua wa mu Kana mu Ngalileya), bana ba Zebede ne balongi bakuabu babidi ba Yezu bavua pamue.

Bienzedi 12:17

Ke Petro kupuwisha bantu ne tshianza, kubalondela muvua Mfumu mumupatule mu nzubu wa lukanu. Kuambaye kabidi ne: — Numanyishe Yakobe, ne bana betu bakuabu, bionsu ebi. Pashishe kupatukaye, kuya muaba mukuabu.

Bienzedi 15:13

Bajikija diakula, Yakobe kuamba pende ne: — Bana betu, ntelejayi!

Bienzedi 2:14

Ke Petro kujuka kulu, pamue ne bapostolu bakuabu dikumi ne umue, kuambilaye bantu ne diyi dikole ne: — Nuenu bena Yuda, nuenu bonsu kabidi badi basomba mu Yerushalayime, ntelejayi bimpe, bua nnumvuije bidi bienzeka ebi.

Bienzedi 2:38

Ke Petro kubandamuna ne: — Nudilengeje. Batue yonsu wa kunudi mu mayi mu dina dia Yezu Kristu, bua Mvidi Mukulu anujimijile mibi yenu. Nanku nenupete dipa dia kudi Mvidi Mukulu, ke Mueyelu wa Tshijila.

Bienzedi 20:8

Mu nzubu mu tshibambalu tshia kulu mutuvua basangile, bavua batemeshe miendu ya bungi.

Bienzedi 4:13

Bena Tshipangu tshikulu bavua bakema bikole, pavuabu bumvua Petro ne Yowanane badilumbuluila bimpe, bashindika bivuabu bamba. Bualu bavua bamanye ne: bantu aba mbantu bashadile, kabayi balonge mikanda. Bavua bajadike kabidi ne: ke bantu bavua bendakana ne Yezu.

Bienzedi 4:19

Ke Petro ne Yowanane kubandamuna ne: — Tshidi tshimpe ku mesu a Mvidi Mukulu ntshinyi? nKunuitaba nuenu anyi, nkumuitaba Yeye? Nudiambile nuenu nkayenu!

1 Korente 15:7

Pashishe kumuenekelaye Yakobe, ku ndekelu, mmudileje kudi bapostolu bonsu.

Ngalate 1:19

Kadi tshivua mumone mupostolu mukuabu nansha umue, pa kumusha Yakobe, muanabu ne Mfumu.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Yakobe 1:1

Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

2 Yone 1:1

Meme Mukulu, ndi mfundila Mukaji musungula kudi Mvidi Mukulu, kabidi ne bana bende, mukanda ewu. Ndi mupite kununanga. Tshiena mununange amu meme nkayanyi to. Banunange kabidi kudi bonsu badi bamanye bulelela.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.