Bienzedi 1:11 - MUKANDA WA MYIDI MUKULU

¹¹ kubakonka ne: — Bena Ngalileya, munudi bimane apa batangile mulu nanku mbishi? Yezu ewu, udibu bumushe kunudi, bambule mu diulu, neapingane kabidi, mushindu unudi bamumone ubandamu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne bakamba ne, Nuenu Bena Galela, nudi bimane nutangidila mu diulu tshinyi? Yesu eu wakadi nʼenu wakubandishibua mu diulu, nealue kabidi bu munuakumumona ubanda mu diulu.

Bienzedi 1:11 교차 참조

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Matayi 16:28

Bulelela, ndi nnuambilamu ne: bamue batudi nabu apa, kabakufua kabayi bamona Muana wa muntu ufika mu Bukalenga buende.

Matayi 24:30

Tshimanyinu tshia Muana wa muntu netshimueneke mulu. Bisamba bionsu bia pa buloba nebidile miadi. Nebimone Muana wa muntu utuluka mu mavuba, ne bukole bua bungi, kabidi ne butumbi buonsu.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Marke 13:26

Diba adi nebamone Muana wa muntu uluila mu mavuba, pamue ne bukole bua bungi ne butumbi.

Marke 14:70

Kadi Petro kumuyila tshiakabidi. Katupa kapite, bantu bavua muaba awu kuambabu kabidi Petro ne: — Bushuwa, udi wa ku bobu, bualu kabidi udi muena Ngalileya.

Marke 16:19

Mfumu Yezu mumane kuyukila ne balongi bende nanku, kumuambulabu mu diulu, kusombaye ku dia balume dia Mvidi Mukulu.

Luke 21:27

Diba adi bantu nebamone Muana wa muntu ufika mu divuba, uleja bukole buende ne butumbi.

Luke 24:5

Bakaji abu kutshina, binama panshi. Ke bantu babidi abu kubakonka ne: — Muntu udi ne muoyi, nudi numukeba munkatshi mua bantu bafile bua tshinyi?

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Bienzedi 1:2

too ne ku dituku divuabu bamuambule mu diulu. Bangabanga ne kubandamu, uvua mumanyishe bapostolu, bavuaye musungule ku bukole bua Mueyelu wa Tshijila, bivuabu ne bua kuenza.

Bienzedi 1:9

Yezu mumane kuamba nanku, kubandaye mu diulu, bobu batangile. Ke divuba kujika Yezu, kabayi bamumone kabidi to.

Bienzedi 13:31

Matuku mavule Yezu kumuenekela bavuaye mufume nabu ku Ngalileya, muye nabu ku Yerushalayime. Bobu abu ke badi bajadikila bena Izrayele mpindiewu malu ende.

Bienzedi 2:7

Bavua bakatshila bikole, bamba ne: — Badi bakula bonsu aba ki mbena Ngalileya anyi?

Bienzedi 3:12

Petro umona nanku, kuambilaye bantu ne: — Nuenu bena Izrayele, nudi nukema padi muntu ewu wenda bimpe bua tshinyi? Tshinudi nututangidila ntshinyi? Bienza bu tuetu badi bendesha muntu ewu ku bukole buetu tuetu, nansha bualu tudi bantu badi bitaba Mvidi Mukulu!

Bienzedi 3:21

Mpindiewu Yezu udi ne bua kushala mu diulu, too ne ku tshikondu tshidi Mvidi Mukulu ne bua kuakajilula bionsu, bu muvuaye muambe kale kudi bambi bende ba tshijila.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

1 Tesalonike 4:16

Diba diatuma Mvidi Mukulu diyi, diela mutumibue wa mulongu mubandile lubila, muadi wa mpungi neumvuike. Mfumu neatuluke mu diulu. Nanku bantu bafue batekemene Kristu, nebadianjile kubiika ku bafue.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.