Balombodi 4:3 - MUKANDA WA MYIDI MUKULU

³ Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

³ Bena Isalele bakadila kudi Yehowa, bualu bua yeye wakadi ne makalu a biamu nkama tshitema, yeye wakatamba kukengesha Bena Isalele bidimu makumi abidi.

Balombodi 4:3 교차 참조

Misambu 106:42

Baluishi babu kubakengesha, kubafuisha bundu.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 78:34

Bamane kupunga ne lufu, kutangilabu kabidi kudi Mvidi Mukulu, kupinganabu kudiye bakeba diambuluisha diende.

Ekesode 2:23

Kupita matuku a bungi, mukalenga wa bena Ejipitu kufua. Bena Izrayele ba-tshivua badila muadi, bela mbila, bua dikenga divuabu nadi. Kadi miadi yabu ya mu bupika buabu kufika kudi Mvidi Mukulu.

Dielulula 28:29

Nenuendakane munda munya, nubabata bintu bu mpofu. Midimu yenu kayakutungunuka to. Bantu nebanukengeshe bikole, nebanyenge bintu bionsu binudi nabi, muntu nansha umue kayi mua kunuakuila.

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Yoshua 17:16

Ndelanganyi ya Yozefe kubenga, bamba ne: — Bushuwa, mikuna kayena mikumbane to. Kadi bena Kenaane badi basa mu mpata, nansha bena Bete-Sheyane, ne bena misoku idi nabu mutumba, nansha badi basomba mu tshibandabanda tshia Yizreyele, badi bonsu ne matempu a mvita a biamu.

Balombodi 1:19

Maweja-Nangila nkayende uvua muambuluishe bena Yuda. Ke pavuabu bakuata miaba ya pa mikuna. Kadi kupangilabu mua kuipata bantu bavua base mu mpata, bualu bobu aba bavua ne matempu a mvita a biamu.

Balombodi 10:10

Kubikilabu Maweja-Nangila bua abambuluishe, bamuambila ne: — Tudi bakuenzele bibi. Bualu tudi bakulekele wewe Mvidi Mukulu wetu, bua kutendelela mvidie Baale.

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.

Balombodi 3:15

Ke bena Izrayele kudila, kubikila Maweja-Nangila bua abambuluishe. Maweja-Nangila kubatumina musungidi. Ke Ekude, muana wa Ngera, wa mu tshisamba tshia Binyamine, uvua ne luboku. Bena Izrayele kutuma Ekude kudi Eglone, mukalenga wa bena Mowabe, bua afile milambu yabu kudiye.

Balombodi 3:9

Bena Izrayele kudila, kubikila Maweja-Nangila bua abambuluishe. Maweja-Nangila kubatumina Otniyele, muana wa Kenaze (Kenaze mmuakunyi wa Kalebe), bua abasungidile.

Balombodi 4:13

Kusangishaye matempu ende a mvita a biamu nkama tshitema, ne bantu bende bonsu ku Aroshete-Ngoyime. Kumukabu muaba awu, bua kuya ku musulu wa Kishone.

Balombodi 4:4

Tshikondu atshi Debora, mukaji wa Lapidote, uvua muambi wa bena Izrayele, ukosa nsambu ya bantu.

Balombodi 5:8

Bantu bavua basungula mvidie mipiamipia. Katupa kiipi, mvita kutuadija. Kadi bivua bikole bua kupeta ngabu wa mvita, nansha difuma, bua bena Izrayele binunu makumi anayi.

Balombodi 6:6

Bena Madiyane kukengesha bena Izrayele bikole. Bena Izrayele kubikila Maweja-Nangila bua abambuluishe.

1 Samuele 7:8

Kuambilabu Samuwele ne: — Kutulekedi to! Wikale utulombola kudi Maweja-Nangila Mvidi Mukulu wetu, bua kutusungidilaye ku bumfumu bua bena Peleshete.