Balombodi 3:3 - MUKANDA WA MYIDI MUKULU

³ Bantu bavua Maweja-Nangila mushiye mu ditunga, ke bena makalenga atanu a bena Peleshete, bena Kenaane bonsu, bena Sidone, ne bena Ivi bavua base mu mikuna ya Lebanone, biangatshile ku mukuna wa Baale-Ermone, too ne ku Lebo-Amate.

Mukanda wa Nzambi Dihungila Dikulukulu ne Dihungila Dihia-dihia 2003

³ â mmena abo: bakelenge batanu ba Bena Peleshete, ne Bena Kanâna bonso ne Bena Sidona, ne Bena Hiwi bakadi bashikama ku mukuna wa Lebanona, ku mukuna wa Bâla-hêmona tô ne ku mukalu wa Hamata.

Balombodi 3:3 교차 참조

Genese 49:13

Zebulone nease ku muelelu wa mayi manene, muaba udi majuwa a mayi imanyina. Ditunga diende nedikale dialabale toone ku Sidone.

2 Samuele 24:7

Kutungunukabu mu tshimenga tshia Tigre tshivuabu bakoleshe ne bimana, ne mu bimenga bionsu bivua bia bena Ivi, ne bena Kenaane, bua kufika ku Bersheba kuinshi mu ditunga, mu buloba bua bena Yuda.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

1 Bakalenga 9:20

bantu ba bisamba bia bende batshivua bashale mu ditunga amu, ke bena Amore, bena Iti, bena Perizi, bena Ivi ne bena Yebusa, mmumue ne: bantu bavua kabayi bena Izrayele to.

Yezekiyele 47:20

Ku luseke ludi diba dibuelela, mukalu udi amu Mayi manene a pankatshi pa matunga, biangatshile kuinshi kua ditunga too ne ku Lebo-Amate, ku mutu mu ditunga. Ke mukalu wa ku luseke ludi diba dibuelela.

Dibadika 13:29

Bena Amaleke mbase kuinshi kua ditunga. Bena Iti, bena Yebusa ne bena Amore mbase pa mikuna. Bena Kenaane mbase ku muelelu wa Mayi manene a pankatshi pa matunga, ne wa musulu wa Yardene.

Dibadika 34:8

Mukalu awu udi umuka ku mukuna wa Ore, upitshila ku Lebo-Amate ne ku Sedade.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Dielulula 3:9

(Mukuna ewu wa Ermone, bena Sidone badi baubikila ne: Sifiyone. Kadi bena Amore badi baubikila ne: Senire.)

Yoshua 11:19

Amu bena Ivi bavua basombe mu tshimenga tshia Ngibone, bavua batue ndondu ne bena Izrayele. Bena Izrayele bavua bakuata bimenga bikuabu bionsu anu ku mvita.

Yoshua 11:3

Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Yoshua 13:3

mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,

Yoshua 13:5

Nenukuate kabidi ditunga dia Ngebale, dia Lebanone didi luseke ludi diba dipatukila dia Baale-Ngade, kuinshi kua mukuna wa Ermone, too ne ku Lebo-Amate.

Yoshua 19:28

Abdone, Rekobe, Amone ne ku Kana, bua kushikidila pabuipi ne tshimenga tshinene tshia Sidone.

Yoshua 9:7

Bena Izrayele kubandamuna ne: — Misangu mikuabu nudi bena mutumba. Nanku katuena mua kutua nenu ndondu to.

Balombodi 10:12

bena Sidone, bena Amaleke ne bena Mayone, nuvua bambikile bua meme kunuambuluisha. Tshiena munumushe mu bianza biabu anyi?

Balombodi 10:7

Nanku Maweja-Nangila kufikila bena Izrayele munda. Kubafilaye mu bianza bia bena Peleshete ne bena Amone.

Balombodi 14:4

Baledi ba Shimeshone kabavua bamanye ne: Maweja-Nangila mene ke uvua mupeshe muanabu wa balume dijinga adi, bua apete mushindu wa kuluisha bena Peleshete. Bualu tshikondu atshi, bena Izrayele bavua ku bumfumu bua bena Peleshete.

Balombodi 18:7

Bantu batanu abu kutungunuka ne luendu, too ne ku Layishe. Kusanganabumu bantu bonsu basomba ne ditalala, anu bu bena Sidone. Kakuvua muntu nansha umue uvua mubenge mfumu wa buloba abu to. Bena Layishe bavua mutantshi mule ne bena Sidone. Kabavua ku diyi dia muntu mukuabu to.

Balombodi 3:2

Uvua musue bua ndelanganyi mipiamipia ya bena Izrayele, nangananga ivua kayiyi mianji kuluangana mvita, ilonge mua kuluangana.

Balombodi 4:2

Maweja-Nangila kubafila mu bianza bia Yabine, mukalenga wa bena Kenaane, uvua musombele mu tshimenga tshia Ashore. Dina dia mfumu wa tshiluilu tshia Yabine divua Sisra, uvua musombele mu Aroshete-Ngoyime.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

1 Samuele 29:2

Bamfumu ba bena Peleshete kuenda, balombola bisumbu bia bena mvita. Davide ne bantu bende bavuaye nabu, ne mukalenga Akishe, bavua balonda panyima.

1 Samuele 6:16

Bamfumu batanu ba bena Peleshete, bamane kumona bionsu abi, kupinganabu mu tshimenga tshia Ekrone, anu dituku adi kabidi.

1 Samuele 6:18

Kadi, mpuku ya tshiamu tshia mpawungi ivua bungi bupite, bilondeshile bungi bua bimenga bidi ku bumfumu bua bamfumu batanu ba bena Peleshete. — Nanku dibue dinene divu mu budimi bua Yoshuwa, muena mu Bete-Shemeshe, muaba uvuabu bateka mushete wa Maweja-Nangila, ditshidipu too ne mpindiewu, bua bantu bikale bavuluka bualu ebu.

1 Samuele 6:4

Bena Peleshete kukonka ne: — Kadi mulambu wa didia tshibalu utudi mua kulambula ngua mushindu kaayi? Batuangaji ne bena mbuku kuandamuna ne: — Bilondeshile bungi bua bamfumu ba bena Peleshete, nulambule Maweja-Nangila bintu bitanu bia tshiamu tshia mpawungi, bileja disama dia mulaka, kabidi ne mpuku itanu ya tshiamu tshia mpawungi. Bualu tshipupu tshidi tshinukuata nuenu ne bamfumu benu, tshidi anu tshimue, kabidi tshia mushindu umue.