Balombodi 1:3 - MUKANDA WA MYIDI MUKULU

³ Ke bantu ba mu tshisamba tshia Yuda kuambila ndelanganyi ya Shimeyone, muanabu ne Yuda, ne: — Nuye netu bua tukuate buloba buvuabu bamane kutuabanyina. Tuyayi bonsu kuluisha bena Kenaane. Pashishe netuye nenu bua tukuate buenu buloba. Nanku bena tshisamba tshia Shimeyone kudisangisha ne bena tshisamba tshia Yuda.

Mukanda wa Nzambi Dihungila Dikulukulu ne Dihungila Dihia-dihia 2003

³ Bena Yuda bakambila bana babo ba balume Bena Shimeona ne, Nuye nʼetu ku buhianyi buetu bua tuetu tuluangane ne Bena Kanâna; ne tuetu kabidi netuye nʼenu ku buhianyi buenu. Bena Shimeona bakaya nʼabo.

Balombodi 1:3 교차 참조

Genese 29:33

Leya kuimita difu dikuabu, kulela muana wa balume. Kuinyikaye muana awu dina ne: Shimeyone. Kuambaye ne: — Maweja-Nangila mmumpeshe kabidi muana ewu, bualu mmumanye ne: bayanyi mmumbenge.

2 Samuele 10:11

Yowabe kuambila muanabu Abishayi ne: — Pikala bena Siriya bampite bukole, wewe neungambuluishe. Kadi pikala bena Amone bakupite bukole, meme nenkuambuluishe.

Yoshua 19:1

Buloba buibidi buvua Yoshuwa mutshinke, uvua mubupeshe bena tshisamba tshia Shimeyone, bilondeshile muvua meku abu. Buloba ebu bavua babunyungulukila kudi buloba bua tshisamba tshia Yuda.

Didimanyisha 7:7

tshia Shimeyone, tshia Levi, tshia Ishakare,

Balombodi 1:17

Bena Yuda, ne ndelanganyi ya Shimeyone wa ba Yuda, kuyabu kuluisha bena Kenaane bavua base mu Sefate, kubatshimunabu. Kunyangakajabu tshimenga etshi tshijima tshia Sefate, tshivuabu binyika, biangatshile ku diba adi, Orma, mmumue ne: Kabutu.

Balombodi 1:2

Maweja-Nangila kubandamuna ne: — Bantu ba mu tshisamba tshia Yuda, ke badi mua kudianjila kuluisha bena Kenaane, bualu ndi mbapesha ditunga adi.

Balombodi 1:4

Kuyabu kuluisha bena Kenaane. Maweja-Nangila kubambuluisha, bua batshimune bena Kenaane ne bena Perizi. Kushipabu bantu balume binunu dikumi mu Bezeke.