Amosa 7:5 - MUKANDA WA MYIDI MUKULU

⁵ Ke meme kuamba ne: “Maweja-Nangila Mvidi Mukulu, ndi nkutendakena ne: lekela kuenza nanku. Tshianana, bantu bebe nebashale ne muoyi bishi? Badi anu bakese, batekete kabidi!”

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe, nakamba ne, Mukelenge Yehowa, ndi nkutendekena ne, Wanji kulekela. Yakoba neashindame munyi? Bualu bua yeye udi mushale anu mubalê.

Amosa 7:5 교차 참조

Misambu 85:4

Udi mulekele tshiji tshiebe, kuena musue kubafikila munda.

Yeshaya 1:9

Kadi bu Maweja-Nangila muena bukole buonsu, kayi mupandishe kasumbu kakese ka bantu, tuvua mua kubutuka bu tshimenga tshia Sodome, tuvua mua kujimina bu tshimenga tshia Ngomore.

Yeshaya 10:25

Bualu panenga tshitupa, tshiji tshimvua natshi bualu buenu netshituye. Nenkudimukile bena Ashure bua meme kubanyoka.”

Yirmeya 30:19

Bantu badi basombamu nebimbe misambu, nebele mbila ya disanka. Nuenu ndelanganyi ya Yakobe nemwulangane. Kanuakukepela kabidi to. Bonsu nebanunemeke.

Yezekiyele 9:8

Diba divuabu benda bashipa bantu, meme kushala nkayanyi mutue mpala panshi, ngamba ne: — Eyi! Maweja-Nangila Mvidi Mukulu, paudi mufikile bena Yerushalayime munda, ubashipa nanku, udi musue kubutula bena Izrayele bonsu batshidi bashale ne muoyi anyi?

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Dibadika 14:19

Nanku, ndi nkusengelela ne: fuila bena Izrayele luse bu muuvua mubenzele pavuabu bapatuke mu Ejipitu.