Amosa 3:2 - MUKANDA WA MYIDI MUKULU

² “Ku bisamba bionsu bidi pa buloba, ndi munusungule amu nuenu. Ke mundi nnulumbuluisha, nnunyoka, bua malu mabi onsu anuvua benze.”

Mukanda wa Nzambi Dihungila Dikulukulu ne Dihungila Dihia-dihia 2003

² Nuenu nkayenu mbanakumanya munkatshi mua bisamba bionso bia hanshi ha buloba; nunku nennukengeshe bua malu mabi enu onso.

Amosa 3:2 교차 참조

Genese 10:32

Ebi ke bisamba bionsu bidi bitumbisha Nowa biamba ne: Udi nkambua wetu, bilondeshile ku meku abu ne ku bisamba biabu. Bisamba bionsu bivua bimuangalaka pa buloba, mayi a tshipupu mamane kukama, mbifume anu kudi Nowa.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Misambu 147:19

Udi umanyisha tshisa tshiende diyi diende, ufundila Izrayele mikenji ya muoyi.

Ekesode 32:34

Wewe ndaku, ufikishe bantu muaba umvua mukuambile, mutumibue wanyi neakulombole. Kadi diba dingafika, ndi ne bua kubanyoka bikole bua tshilema tshidibu benza etshi.

Yeshaya 63:19

Kukadi bidimu bivule, tudi amu bamueneke bu bantu baudi kuyi uludika, baudi kuyi muinyike dina diebe. Eyi! Bu wewe mua kupanda diulu, bu wewe mua kupueka panuapa! Mikuna ivua mua kuzakala kumpala kuebe.

Yirmeya 1:15

Teleja tshindi ngamba: Nembikile bantu bonsu ba mu makalenga a ku mutu kua ditunga. Bamfumu babu nebafike, nebateke nkuasa yabu kumpala kua biibi bia Yerushalayime. Bimana bia Yerushalayime, ne bimenga bionsu bia bena Yuda, nebabinyungulukile bua kubikuata.

Yirmeya 10:25

Tshiji tshiebe utshitekele bantu ba bisamba bikuabu abu, badi kabayi basue kukumanya, badi kabayi bakutendelela. Bualu badi biba bintu bia bantu bebe, badi bapawula bintu bietu bionsu, banyanga ditunga dietu dijima.

Yirmeya 11:22

Nanku, Maweja-Nangila udi wandamuna ne: “Nennunyoke. Bansongalume benu nebafue mu mvita. Tshiyole tshia nzala netshishipe bana benu ba balume ne ba bakaji.

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

Yirmeya 14:10

Maweja-Nangila udi wamba ne: “Eyowa, bantu abu mbasue kuendakana miaba yonsu, banshiya meme.” Kadi ebi kabiena bisankisha Maweja-Nangila. Nenku tshiena mua kupua malu mabi abu muoyi. Nembanyoke.

Yirmeya 9:25

ke bena Ejipitu, bena Yuda, bena Edome, bena Amone, bena Mowabe, ne bantu bonsu badi basombe mu tshipela badi badibeya nsuki. Bualu bantu aba bonsu, ne bena Izrayele mene, badi bu bantu badibu kabayi banji kuteka panshi, bualu kabena balama ndondu yanyi.

Yezekiyele 5:9

Nennunyoke mushindu undi tshiyi muanji kunyoka bantu, tshiyi mua kubanyoka kabidi musangu mukuabu. Bualu binuvua benze bivua bibi bipite.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Danyele 9:12

Wewe udi muenze tshiuvua muambe bualu buetu ne bua bamfumu badi batuludika: udi mututumine mu Yerushalayime makenga makole adi kaayi manji kukuata bantu bakuabu pa buloba.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Osheya 5:3

Ndi mumanye bena Efrayime. Ndi mumanye bionsu bidi bena Izrayele benza. Nuenu bena Izrayele ke badi baleja bena Efrayime mua kuenda tshiendenda. Mpindiewu, bena Izrayele bonsu badi anu bena tshiendenda.”

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Osheya 9:9

Nudi benza buenzayi bapitshishe, anu bu munuvua benze ku Ngibeya. Kadi, Maweja-Nangila kena mupue buenzayi buenu muoyi, neanunyoke bua malu mabi anuvua benze.

Amosa 2:4

Teleja tshidi Maweja-Nangila wamba ne: “Ndi ndumbuluisha bena Yuda, mbapisha bua malu mabi mavule, kadi nangananga, bualu mbalengulule malu onsu amvua mubamanyishe. Mbadiate mikenji yanyi ku makasa. Bavua bapambuka mu njila, batendelela mvidie, ivua bankambua babu mene bakukuila. Nanku tshiena mua kubafuila luse! Nenkumbaje bindi mujadike ne:

Amosa 3:3

Bantu babidi badi mua kuenda pamue mu njila umue, kabayi badianza kumvuangana bua luendu anyi?

Amosa 6:1

Diakabi ndienu, nuenu bonsu, badi basomba talala pa mukuna wa Siyone, nuenu bonsu badi pa mukuna wa Samariya, bela meji ne: ke patuasomba ku matshi talalaa. Badi banuamba ne: nudi bamfumu ba tshisamba tshidi tshipite bikuabu bionsu bia pa buloba. Bena Izrayele badi banuvuila bua kulomba meji ne lungenyi. Kadi kanudidingi nansha.

Mika 2:3

Ke padi Maweja-Nangila wamba ne: “Ndi nnulongoluela dikenga dinene. Kanuena mua kudipanduka, kanuena mua kuditambisha kabidi, bualu diba dia dikenga dikadi difika.”

Nahume 3:4

Wewe Ninive uvua bu mukaji muena tshiendenda, ulobesha bantu ne buimpe buebe, kabidi ne majimbu ebe. Uvua mukuate bisamba ne matunga ku bupika, mubitekeshe ku buendenda ne majimbu biebe.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Rome 2:9

Makenga ne ntatu nebikuate bonsu badi benza bibi, bangabanga bena Yuda, pashishe bantu ba bisamba bikuabu kabidi.

1 Korente 8:3

Amu muntu udi unanga Mvidi Mukulu, ke udi Mvidi Mukulu mumanye.

Dielulula 10:15

Kale Maweja-Nangila uvua umvuangana amu ne bankambua benu, mubanange anu bobu. Kadi mpindiewu, mmunusungule nuenu, ndelanganyi yabu, munkatshi mua bisamba bionsu, munudi bamone emu.

Dielulula 26:18

Nuenu kabidi nuvua bamulaye bua kuikala tshisamba tshiende, tshia bantu badiye mupite kunanga, badi bakumbaja meyi ende ne mikenji yende.

Dielulula 32:9

Udi mudisunguile bena Izrayele, muenze ndelanganyi ya Yakobe bantu bende.

Dielulula 4:32

Mpindiewu nudikonke bua malu onsu avua menzeke kale, kabayi banji kunulela, katshia Mvidi Mukulu wafuka bantu pa buloba. Nuele meji ku bionsu bivua bienzeka pa buloba bujima. Malu makole a mushindu ewu akavua menzeke anyi? Bantu bakavua bumvua lumu lua malu a nunku anyi?

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

1 Petro 4:17

Tshikondu ntshifike tshidi Mvidi Mukulu utuadija kulumbuluisha bantu. Neadianze kulumbuluisha bantu bende. Kadi padiye ubanga kutulumbuluisha tuetu nanku, ku ndekelu badi babenga kuitaba Lumu lua Disanka neabenzele tshinyi?