Amosa 1:3 - MUKANDA WA MYIDI MUKULU

³ Teleja tshidi Maweja-Nangila wamba ne: “Ndi ndumbuluisha bena Arame ba mu Damase, mbapisha bua malu mabi mavule, kadi nangananga, bualu mbakengeshe ne lonji lukole, bantu badi basomba mu ditunga dia Ngilaade. Nanku tshiena mua kubafuila luse. Nenkumbaje bindi mujadike ne:

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa udi wamba ne, Bua malu mabi asatu a Bena Damaseke, nansha bua anai, tshiena nkudimuna dikenga dindualua kubakengesha nʼadi, bualu bua bakushihula Gilada ne bishihuidi bia biamu.

Amosa 1:3 교차 참조

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

2 Bakalenga 13:3

Nanku, Maweja-Nangila kufikila bena Izrayele munda. Kubafilaye mu bianza bia Azayele, mukalenga wa bena Siriya, ne mu bianza bia Benadade, muana wa Azayele, matuku onsu avua bantu abu mu bukalenga.

2 Bakalenga 13:7

Ku ndekelu, bena mvita ba mukalenga Yowakaze bavua babande pa nyama ya tubalu, bavua bashale anu makumi atanu, matempu a mvita anu dikumi. Bena mvita bavua benda ku makasa bavua bashale anu binunu dikumi. Bualu mukalenga wa bena Siriya uvua mushipe bena mvita ba mukalenga Yowakaze bapite bungi. Uvua mubabutule bonsu, bu mudibu badiata lupuishi mu njila.

2 Bakalenga 16:9

Mukalenga wa bena Ashure kukumbaja bionsu bivua Akaze mulombe. Kuyaye kuluisha tshimenga tshia Damase, kutshikuata, kuya ne benatshi mu bupika ku Kire. Kadi, kushipeshaye Reshine, mukalenga wa bena Arame.

2 Bakalenga 8:12

Azayele kumukonka ne: — Muambi udi udila bua tshinyi? Muambi Elisha kuandamuna ne: — Ndi ndila bualu nkadi mumanye ne: neukengeshe bena Izrayele bikole. Newoshe bimenga biabu bidi bibaka ne bimana bikole. Neukose nsongalume yonsu muminu, uzaza bana bakese, upanda mafu a bakaji badi bimite.

Yobe 19:3

Nukadi bamane kumpenda misangu nansha dikumi. Kanuena numvua bundu, ke panudi nuntatshisha nanku anyi?

Yobe 5:19

Mvidi Mukulu neansungidile mu njiwu, too ne ku diba didi dikenga kadiyi mua kukukuata kabidi to.

Nsumuinu 6:16

Kudi malu asambombu adi Maweja-Nangila ubenga, adiye udiwula kashidi:

Muambi 11:2

Teka mpetu yebe miaba mishilangane, bualu kuena mumanye diakabi didi mua kukukuata pa buloba.

Yeshaya 28:27

Bua kushipula ntete udi wangata amu tshiamu, nansha mutshi udi mukumbanyine ntete ayi.

Yeshaya 41:15

Ndi nkuenza, bu tshiamu tshipiatshipia tshitue tshia kubundulula natshi buloba. Wewe neubundulule natshi mikuna minene, uyilandakaje. Neuboze natshi mikuna mikese, mudibu baboza bisosa.

Yeshaya 7:16

Bangabanga ne muana ewu kusunguluja bualu buimpe ne bubi, buloba bua bakalenga babidi baudi utshina, nebushale munda mutupu, kamuyi bantu.

Yeshaya 7:8

Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yeshaya 8:4

Bualu muana ewu kayi muanji kumanya mua kubikila “Tatu,” nansha “Mamu,” nebatuadile mukalenga wa bena Ashure bintu bisuabu bapawule mu Damase, ne bisuabu biibe mu Samariya.

Amosa 1:11

Teleja tshidi Maweja-Nangila wamba ne: “Ndi ndumbuluisha bena Edome, mbapisha bua malu mabi mavule, kadi nangananga, bualu bavua balondakaja, ne muele wa mvita mu bianza, bana babu bena Izrayele. Kabavua ne luse nansha lua kana. Bavua balamina bana babu lukuna kashidi, babafikila munda, bakeba kubabutula. Nanku tshiena mua kubafuila luse! Nenkumbaje bindi mujadike ne:

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Amosa 1:6

Teleja tshidi Maweja-Nangila wamba ne: “Ndi ndumbuluisha bena Peleshete ba mu Ngaza, mbapishe bua malu mabi mavule, kadi nangananga, bualu mbakuate bantu bonsu mu misoku mivule, baye nabu, babasumbishe mu bupika kudi bena Edome. Nanku tshiena mua kubafuila luse! Nenkumbaje bindi mujadike ne:

Amosa 1:9

Telejayi tshidi Maweja-Nangila wamba ne: “Ndi ndumbuluisha bena Fenisiya ba mu Tire, mbapisha bua malu mabi mavule, kadi nangananga, bualu kabavua bavuluka ndondu uvuabu batue ne bena Izrayele. Mu misoku mivule mbakuate bantu bonsu, baye nabu, babasumbishe kudi bena Edome. Nanku tshiena mua kubafuila luse! Nenkumbaje bindi mujadike ne:

Amosa 2:1

Teleja tshidi Maweja-Nangila wamba ne: “Ndi ndumbuluisha bena Mowabe, mbapisha bua malu mabi mavule, kadi nangananga, bualu bakosha mifuba ya mukalenga wa bena Edome, bua kuenza nayi lupemba. Nanku tshiena mua kubafuila luse! Nenkumbaje bindi mujadike ne:

Amosa 2:4

Teleja tshidi Maweja-Nangila wamba ne: “Ndi ndumbuluisha bena Yuda, mbapisha bua malu mabi mavule, kadi nangananga, bualu mbalengulule malu onsu amvua mubamanyishe. Mbadiate mikenji yanyi ku makasa. Bavua bapambuka mu njila, batendelela mvidie, ivua bankambua babu mene bakukuila. Nanku tshiena mua kubafuila luse! Nenkumbaje bindi mujadike ne:

Amosa 2:6

Teleja tshidi Maweja-Nangila wamba ne: “Ndi ndumbuluisha bena Izrayele, mbapisha bua malu mabi mavule. Nanku tshiena mbafuila luse. Nenkumbaje bindi mujadike. Ndi mbapisha, nangananga bualu mbasumbishe mu bupika muntu uvua kayi ne bualu, bua bamone mua kufuta mabanza. Mbapane mupele, uvua kayi mua kufuta dibanza diende, amu dia mukolu wa bisabata.

Zekâya 9:1

Maweja-Nangila mmutume mukenji. Diyi diende ndifike mu ditunga dia Adrake, ndishikidile mu tshimenga tshia Damase. Bualu Maweja-Nangila kena umona amu meku a bena Izrayele, kadi udi utangila bantu bonsu.

Zekâya 9:2

Diyi diende ndifike mu tshimenga tshia Amate, tshidi pabuipi ne tshimenga tshia Damase, ne mu tshimenga tshia Tire ne tshia Sidone, bimenga bidi ne bantu ba meji.