Agayi 2:9 - MUKANDA WA MYIDI MUKULU

⁹ Nanku nzubu mupiamupia wanyi ewu, neikale muimpe mupite wa kale. Kabidi nempeshe bantu banyi ditalala mu nzubu ewu. Meme Maweja-Nangila wa bukole buonsu, ndi ngamba nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wa misumba udi wamba ne, Butumbi bua nsubu eu bua matuku alualua nebuhite butumbi buandi bua diambedi bunene; mu muaba eu nempeshe bantu ditalala.

Agayi 2:9 교차 참조

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Yeshaya 66:12

Maweja-Nangila udi wamba ne: “Ndi ntuma musulu wa diakalenga ku Yerushalayime, ne biuma bia matunga makuabu bungi bu musulu udi mupasalale mu tshisuku. Nenkukube mudi mamu wamusha muanende, umutuala ku lubese, umukongololuela pa bibelu biende.

Yezekiyele 43:5

Mueyelu wa Mvidi Mukulu kungambula pa buloba, kunteka mu lubanza lua munda mua nzubu wa Mvidi Mukulu. Meme kumona butumbi bua Maweja-Nangila buvua tente mu nzubu amu.

Mika 5:5

Nebadie bumfumu mu buloba bua bena Ashure. Nebakuate ditunga dia Nemrode, ne bia mvita ku bianza. Mukalenga wetu neatusungidile kudi bena Ashure, padibu basambuka mikalu, babuela mu ditunga dietu.

Agayi 1:8

Pashishe, nuye ku mikuna, nutape mitshi, nuibakulule nzubu wanyi. Nanku, nengikale ne disanka, bualu bantu nebantumbishemu. Meme Maweja-Nangila, ndi ngamba nanku.

Agayi 2:3

— Nganyi wa munkatshi muenu uvua mumone buimpe buvua nabu nzubu wa Mvidi Mukulu wa kale, pavuabu kabayi banji kumunyanga? Kadi tshinudi bamone lelu ntshinyi? Nzubu kena kabidi ne lumu nansha kakese.

Zekâya 2:5

Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 14:27

Ndi nnushila ditalala. Ndi nnupesha ditalala dianyi. Tshiena nnupeshadi bu mudi ba pa buloba badipeshangana. Kanupampakanyi. Kanutshinyi.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Yakobe 2:1

Bana hetu, nuenu badi bitaba Yezu Kristu, Mfumu wetu wa butumbi, kanuena mua kusungulujangana.