Agayi 2:7 - MUKANDA WA MYIDI MUKULU

⁷ Nenkuatshishe bantu ba bisamba bikuabu bowa. Nanku, nebafike ne bubanji buabu buonsu munemu. Nendengeje nzubu ewu muende mua kale ne bubanji abu. Meme Maweja-Nangila, ndi ngamba nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yehowa wa misumba udi wamba ne, Nenzakashe bisamba bionso, ne meme nengûshe nsubu eu ne butumbi tente. Yehowa wa misumba udi wamba dî edi.

Agayi 2:7 교차 참조

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

1 Bakalenga 8:10

Pavua batuangaji bapatuka mu muaba wa tshijila, divuba divua diuwula mu nzubu wa Maweja-Nangila.

1 Bakalenga 8:11

Batuangaji kabawa ne mushindu wa kuenza mudimu to, bualu bua divuba adi, butumbi bua Maweja-Nangila ke buvua buwule mu nzubu.

2 Kulondolola 5:14

Batuangaji kabavua ne mushindu wa kutungunuka ne mudimu wabu to, bualu bua divuba adi, bualu butumbi bua Maweja-Nangila buvua buwula mu nzubu wende.

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

Misambu 85:9

Ndi musue kuteleja tshidi Mvidi Mukulu wamba. Maweja-Nangila udi wamba bua ditalala, dia bantu bende, badi bamulamate, ne badi batekemena kudiye.

Yeshaya 2:19

Bantu nebabuele mu mbuebue, nebabuele muinshi mua buloba. Nebatshine tshiji tshia Maweja-Nangila, tshidi tshibakuata bowa. Nealeje bunene buende, ne butumbi. Neazakeje buloba bikole.

Yeshaya 60:4

Kenzakana ku nseke yebe yonsu, umone mudi bana bebe bonsu bafika. Badi badisangisha pabuipi nebe. Bana bebe ba balume badi bafume kule. Bantu badi bakupingajila bana bebe ba bakaji, babambula mu maboku.

Yeshaya 60:7

Nyama ya bena Kedare, neisangile kumpala kuebe. Mikoku ya bimpanga ya bena Nebayote neikale yebe. Nebaye nayi pa tshilambuilu tshia Maweja-Nangila. Neikale milambu idi ilengelela Maweja-Nangila. Mvidi Mukulu neavudije lumu lua nzubu wende bikole.

Yezekiyele 21:27

Mukete udi uleja Yerushalayime, udi mu tshianza tshiende tshia balume. Nanku mukalenga neatume diyi bua bena mvita baye ku Yerushalayime, benda bela bibingu bia mvita. Neateke biamu binene bia mvita, bua binyange biibi bia tshimenga. Neele mishiki ya buloba, neumbule mikidi.

Yezekiyele 31:16

Pamvua ngupula mutshi ewu bua uye kumonangana ne bakadi bafue, bantu bonsu bavua bumvue pavuawu mupuke, kuzakalabu ne bowa. Mu dijimba dia bafue, mitshi yonsu ya mu Edene, mitshi mipite buimpe ya mu Lebanone ivua mipete mayi a bungi, kusanka.

Yezekiyele 38:19

Ndi nditshipa ne: dituku dindi mfika munda, buloba nebuzakale bikole. Nennyungishe ditunga dijima dia bena Izrayele.

Yezekiyele 44:4

Pashishe muntu kupitshila nanyi ku tshiibi tshia ku mutu wa nzubu, bua kufika kumpala kua nzubu wa Mvidi Mukulu. Meme kumona mutata butumbi bua Maweja-Nangila buwule nzubu wende tente. Meme kutua mpala panshi.

Agayi 1:8

Pashishe, nuye ku mikuna, nutape mitshi, nuibakulule nzubu wanyi. Nanku, nengikale ne disanka, bualu bantu nebantumbishemu. Meme Maweja-Nangila, ndi ngamba nanku.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Luke 19:47

Matuku onsu Yezu uvua ulongesha mu nzubu wa Mvidi Mukulu. Bamfumu ba batuangaji, balongeshi ba mikenji, ne bakulu ba mu tshisamba, bavua bakeba muvuabu mua kumushipesha.

Luke 2:27

Nanku Mueyelu kulombola Shimeyone, kumufikisha mu nzubu wa Mvidi Mukulu. Pavua baledi ba Yezu bafike nende mu nzubu amu, bua kumuenzela bitua mikenji miambe,

Luke 2:46

Dituku disatu kumusanganabu mu nzubu wa Mvidi Mukulu. Uvua musombe munkatshi mua balongeshi ba bena Yuda, ubateleja, ubela ne nkonku.

Luke 20:1

Dituku dikuabu Yezu uvua ulongesha bantu mu nzubu wa Mvidi Mukulu, ubamanyisha Lumu lua Disanka. Bamfumu ba batuangaji, balongeshi ba mikenji, ne bakulu, kufika kudiye.

Luke 21:38

Dinda dionsu bantu bonsu bavua bafika mu nzubu wa Mvidi Mukulu bua kumuteleja.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Ngalate 3:8

Mikanda ya tshijila ivua midianze kumanyisha muvua Mvidi Mukulu ne bua kuhingisha bantu ba bisamba bikuabu, anu bua ditaba diabu. Ke mutudi tubalamu Lumu lua Disanka elu luwabu bambile Abrahame ne: “Mvidi Mukulu neele bisamba bionsu bia pa buloba lupemba bualu buebe.”

Kolose 2:9

Bualu Mvidi Mukulu udi mujima munda mua Kristu mu bumuntu buende.