Agayi 1:4 - MUKANDA WA MYIDI MUKULU

⁴ Panudi nuenu basombe mu nzubu yenu milengeja bimpe, wanyi meme munyanguke, nudi nuenza bimpe anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Etshi ntshikondo tshia nuenu bine kushikama mu nsuhu yenu idi ne mabaya malamike munda muai, hatshidi nsubu eu ushala munyanguke, anyi?

Agayi 1:4 교차 참조

2 Samuele 7:2

Dituku dikuabu, mukalenga Davide kuambila muambi Natane ne: — Meme Davide ndi musombe mu nzubu muasa ne mitshi ya sedre, kadi mushete wa Maweja-Nangila wa tshijila udi anu mu ntenta wa bilamba. Udi wela meji kaayi?

2 Bakalenga 5:26

Muambi Elisha kumukonka kabidi ne: — Kuena mumanye ne: mu lungenyi luanyi mvua mumone muntu utuluka mu ditempu lukasa bua kusambakena nebe anyi? Tshikondu katshiena tshikumbane bua wewe kuangata bilamba bimpe, ne nkanu mitoke ya mushinga mukole bua kusumba nayi mitshi ya olive, madimi a mvinyo, bimuna binene ne bikese, nansha bena mudimu balume ne bakaji.

Misambu 102:14

Wewe neujuke, neufuile Siyone luse, bualu diba dia kumuambuluisha ndimane kukumbana. Eyowa, diba diuvua muambe ndimane kufika.

Misambu 74:7

Bavua bosha nzubu webe wa tshijila, bamupula panshi, bamupisha mikiya.

Muambi 3:3

Tshikondu tshia kushipa ne tshikondu tshia kuondapa mputa, tshikondu tshia kubutula ne tshikondu tshia kuibaka.

Yirmeya 22:14

Udi wamba ne: “Ndi musue kuibaka nzubu munene wa bukalenga, muikale ne nzubu mialabale ya bilala kulu.” Udi uyibaka ne madidishi ku bimana. Udi ulamika mabaya a mitshi ya sedre ku bimana. Udi ulaba mukubu mukunze pa nzubu mujima.

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yirmeya 33:10

Maweja-Nangila udi wamba ne: Nuenu bena Yuda, nudi nuamba misangu yonsu ne: ditunga edi didi dinyanguke. Kanuena mua kumonamu muntu nansha nyama. Bulelela, bimenga bia mu ditunga dia Yuda, ne misesu ya mu Yerushalayime, bidi lelu munda mutupu. Kanuena mua kumona muntu nansha nyama. Kadi mu ditunga edi nebumvue kabidi

Yirmeya 33:12

Maweja-Nangila wa bukole buonsu udi wamba kabidi ne: Mu ditunga edi didi dinyanguke, kamuyi muntu nansha nyama, mu bimenga biadi bionsu nemuikale kabidi balami ba mikoku, badi bakuba mbuji yabu ne mikoku butuku.

Yirmeya 52:13

Uvua muoshe nzubu wa Mvidi Mukulu, nzubu wa mukalenga, ne nzubu ya mu tshimenga, nangananga nzubu yonsu ya bantu banene ba mu Yerushalayime.

Muadi 2:7

Maweja-Nangila mmubenge tshilambuilu tshiende; mmulekele muaba wende wa tshijila; mmufile nzubu mimpe ya Siyone mu bianza bia baluishi. Bobu kuenza mutoyi mu nzubu wa Mvidi Mukulu, mutoyi mukole bu dituku dia bisangilu binene.

Muadi 4:1

Tshiamu tshia mpawungi etshi tshivua tshimpe, tshiengelela bikole, muditshi tshibuitshidile nunku mmunyi? Mmunyi mudi mabue a tshijila matangalake ku mielelu yonsu ya njila?

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Lewitiki 19:25

Kadi biangatshile mu tshidimu tshitanu, nudi mua kutuadija kudia bimuma. Nuenu benze nanku, biakudia bienu nebivulangane. Bualu meme ndi Maweja-Nangila Mvidi Mukulu wenu.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Agayi 1:5

Meme Maweja-Nangila wa bukole buonsu, ndi nnuambila ne: Dikonkayi pa malu adi anuenzekela.

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Filipe 2:21

Bantu bakuabu bonsu badi batata anu bua bidi bibalengelela bobu nkayabu. Kabena bakeba bidi bilengelela Kristu.