Agayi 1:1 - MUKANDA WA MYIDI MUKULU

¹ Dituku dimue dia ngondu muisambombu wa tshidimu tshibidi tshia bukalenga bua Daryaveshe, Maweja-Nangila kuyukila ne muambi Agayi. Kumutumaye kudi mulombodi wa buloba bua bena Yuda, diende Zerubabele, muana wa Sheyaltiyele, ne kudi mutuangaji munene Yeshuwa, muana wa Yoshadake,

Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshibidi tshia mukelenge Dayawesha, mu ngondo muisambombo, mu dituku dia kumudidi dia ngondo, dî dia Yehowa diakalua mukana mua muprofete Hagai kudi Zelubabela, muana wa Shalatiele, gouverneur wa mu Yuda, ne kudi Yoshua, muana wa Yehosadaka, muakuidi wa ha mutu ha bakuabo,

Agayi 1:1 교차 참조

1 Bakalenga 10:15

Tusakidile milambu ivuabu bapeta ku bintu bia ku matunga makuabu bivua bangenda mushinga babueje mu ditunga, ku bungenda mushinga bukuabu, ne ku bitadi bivuabu balambula kudi bakalenga ba bisamba bikuabu, nansha bivuabu bapeta kudi balongolodi ba maloba a mu ditunga.

1 Bakalenga 14:18

Kumujiikabu. Bena Izrayele bonsu kuenza madilu a muana awu, bu muvua Akiya muambe mu dina dia Maweja-Nangila.

2 Bakalenga 14:25

Yerobowame kukuata kabidi maloba onsu avua a bena Izrayele, biangatshile ku tshimenga tshia Lebo-Amate ku mutu mu ditunga, too ne ku Mayi manene a luepu, kuinshi mu ditunga, anu bu muvua muambi Yonase, muana wa Amitayi, wa mu musoku wa Ngate-Efere, muambe mu dina dia Maweja-Nangila Mvidi Mukulu wa bena Izrayele.

1 Kulondolola 3:17

Bana ba balume ba Yekoniya uvuabu baye nende ku bupika mu Babilone badi nenku: Sheyaltiyele,

1 Kulondolola 3:19

Bana ba balume ba Pedaya badi: Zerubabele ne Shimeyi. Zerubabele uvua mulele bana ba balume babidi: ke Meshulame ne Ananiya, ne wa bakaji umue, dina diende Shelomite.

Ezela 1:8

Bilondeshile muvuabu bambe kudi mukalenga munene, Mitredate, mutangidi wa biuma bia mukalenga, kubadika bintu abi, kubifila kudi Sheshebashare, mulombodi wa bena Yuda.

Ezela 10:18

Ke mena a batuangaji bavua basele bakaji benyi: Masheya, Eliyezere, Yaribe ne Ngedaliya, ba ku ndelanganyi ya Yeshuwa ne ya bana babu, bana ba Yoshadake;

Ezela 2:2

Bavua babalombola kudi Zerubabele, Yeshuwa, Nehemya, Seraya, Relaya, Mordekayi, Bilshane, Mispare, Bigvayi, Rekume ne Baana. Bungi bua bena Izrayele bavua bapingana, bilondeshile meku abu budi nenku:

Ezela 2:63

Mulombodi wa ditunga mene, kubakandika bua kabadi bintu bia tshijila menemene, too ne pikala mutuangaji mujadike bualu ebu ku Urime ne Tumime.

Ezela 3:2

Mutuangaji Yeshuwa, muana wa Yoshadake, pamue ne batuangaji bakuabu, bana babu, kabidi ne Zerubabele, muana wa Sheyaltiyele, ne bana babu, kutuadijabu kuibakulula tshilambuilu tshia Mvidi Mukulu wa bena Izrayele, bua bamone mua kulambuilapu milambu ya kuosha, bu mudibu balombe mu mikenji ya Moshe, muntu wa Mvidi Mukulu.

Ezela 3:8

Bobu bamane kupingana mu Yerushalayime, tshimenga tshivua ne nzubu wa Mvidi Mukulu, tshidimu tshijima tshimane kupita, mu ngondu muibidi kutuadijabu mudimu kudi Zerubabele, muana wa Sheyaltiyele, Yeshuwa, muana wa Yoshadake, bana babu batuangaji bakuabu, bena Levi, ne bonsu bavua bafume ku bupika. Kutekabu bena Levi bavua ne bidimu bituadije ku makumi abidi ne pa mutu, bua kulombola midimu ya kuibaka nzubu wa Maweja-Nangila.

Ezela 4:2

Kufikabu bua kumonangana ne Zerubabele, kabidi ne bamfumu ba meku, bua kubambila ne: — Tudi basue kunuambuluisha bua kuibaka nzubu wa Mvidi Mukulu ewu. Bualu tudi tutendelela nenu Mvidi Mukulu umue, tumulambula milambu, katshia mukalenga wa bena Ashure, Asharadone watutuma munemu.

Ezela 4:24

Bavua balekela midimu ya kuasulula nzubu wa Mvidi Mukulu mu Yerushalayime, too ne mu tshidimu tshibidi tshia bukalenga bua Daryaveshe, mukalenga munene wa bena Persa?

Ezela 5:1

Kadi dituku dikuabu, muambi Agayi ne muambi Zekarya, muana wa Ido, kumanyishabu bena Yuda ba mu Yerushalayime, ne ba mu ditunga dia Yuda, tshivua Mvidi Mukulu wa bena Izrayele, Mvidi Mukulu wabu, mubambile.

Ezela 5:3

Diakamue, Tatenayi, mulombodi wa buloba buvua luseke ludi diba dibuelela lua musulu wa Perate, Shetare-Boznayi, ne balombodi nabu, kuya kuebeja bavua bibaka nzubu wa Mvidi Mukulu ne: — Udi munutumine diyi dia kuibakulula nzubu wa Mvidi Mukulu, ne kubandisha bimana biende nnganyi?

Ezela 6:14

Malu avua muambi Agayi ne muambi Zekarya, muana wa Ido, bambe, kukolesha balombodi ba bena Yuda ku muoyi. Nanku, kutungunukabu amu bimpe ne mudimu wabu wa kuenzulula nzubu wa Mvidi Mukulu. Kujikijabu kuibakulula nzubu awu, bilondeshile muvua Mvidi Mukulu wa Izrayele muambe, ne muvuabu bafunde kudi bakalenga banene ba bena Persa, Koreshe, Daryaveshe ne Artashasta.

Nehemya 12:1

Ke mena a batuangaji ne a bena Levi bavua bafume mu bupika pamue ne Zerubabele, muana wa Sheyaltiyele, kabidi pamue ne Yeshuwa: Zeraya, Irmeya, Ezra,

Nehemya 12:10

Yeshuwa uvua tatuende wa Yoyakime. Yoyakime kulela Eliyashibe, Eliyashibe kulela Yoyada,

Nehemya 5:14

Biangatshile dituku divuabu bansungule mulombodi wa buloba bua bena Yuda, mmumue ne munkatshi mua bidimu dikumi ne bibidi, biangatshile ku tshidimu tshia makumi abidi too ne ku tshidimu tshia makumi asatu ne tshibidi tshia bukalenga bua Artashasta, meme ne balombodi banyi ba mu bukalenga, katuena balombe tshintu ku bitadi biwabu balambula mulombodi wa buloba to.

Nehemya 7:7

Bavua babalombola kudi: Zerubabele, Yeshuwa, Nehemya, Azariya, Ramya, Nakamani, Mordekayi, Bilshane, Misperete, Bigvayi, Nekume ne Baana. Ke mena a bena Izrayele bavua bafume mu bupika, bafike mu Yerushalayime, bilondeshile mena a biota biabu:

Nehemya 8:9

Bantu bonsu kudila muadi pa kumvua mikenji eyi. Nanku Nehemya mulombodi wa buloba abu, Ezra, mutuangaji mumanyi mupiluke wa mikenji, ne bena Levi bavua bumvuija mikenji, bavua babambila ne: — Lelu ndituku dia tshijila dia Maweja-Nangila Mvidi Mukulu wenu. Kanuena mua kubungama, nansha kudila to.

Ekesode 4:13

Moshe kubenga, wamba ne: — Ndi nkusengelela ne: utume muntu mukuabu.

Agayi 1:12

Zerubabele, muana wa Sheyaltiyele, ne mutuangaji munene Yeshuwa, muana wa Yoshadake, ne bantu bonsu bavua bumuke mu bupika, kuitababu bionsu bivua muambi Agayi mubambile mu dina dia Maweja-Nangila Mvidi Mukulu wabu. Ke muvua muambi Agayi mukumbaje mudimu uvua Maweja-Nangila mumupeshe. Nanku bantu bonsu kunemeka Maweja-Nangila.

Agayi 1:14

Zerubabele, mulombodi wa buloba bua bena Yuda, ne Yeshuwa, mutuangaji munene, ne bantu bonsu bavua bumuke mu bupika, Maweja-Nangila kubapa muoyi wa kuenza mudimu ne disuminyina. Nanku, kutuadijabu kuibakulula nzubu wa Maweja-Nangila wa bukole buonsu, Mvidi Mukulu wabu,

Agayi 1:15

dituku dia makumi abidi ne dinayi dia ngondu muisambombu, wa tshidimu atshi.

Agayi 1:2

bua kubamanyisha mu dina dia Maweja-Nangila ne: — Maweja-Nangila wa bukole buonsu udi wamba ne: “Bantu ba mu tshisamba etshi badi bamba ne: tshikondu tshia kuibakulula nzubu wanyi, ki ntshianji kukumbana!

Agayi 2:10

Mu matuku makumi abidi ne anayi a ngondu wa tshitema, wa tshidimu tshibidi tshia bukalenga bua Daryaveshe, Maweja-Nangila wa bukole buonsu kuambila muambi Agayi tshiakabidi ne:

Agayi 2:20

Amu dituku adi dia makumi abidi ne anayi a ngondu wa tshitema, Maweja-Nangila kuyukila ne Agayi tshiakabidi.

Agayi 2:21

Kumutumaye kudi mulombodi wa buloba bua bena Yuda, diende Zerubabele, muana wa Sheyaltiyele, bua kumuambila ne: — Meme Maweja-Nangila wa bukole buonsu, nenzakeje diulu ne buloba.

Agayi 2:4

Meme Maweja-Nangila ndi nnuambila ne: Wewe Zerubabele, wewe Yeshuwa mutuangaji munene, muana wa Yoshadake, ne nuenu bena ditunga bonsu, koleshayi muoyi, tuadijayi mudimu. Meme Maweja-Nangila wa bukole buonsu, ndi nnulaya ne: nengikale nenu.

Zekâya 1:1

Mu ngondu wa muanda mukulu wa tshidimu tshibidi tshia bukalenga bua Daryaveshe, Maweja-Nangila kuambila muambi Zekarya, muana wa Berekiya, ne muikulu wa Ido, ne:

Zekâya 3:1

Maweja-Nangila kundeja Yeshuwa, mutuangaji munene, muimane kumpala kua mutumibue wa Maweja-Nangila. Satane uvua muimane ku dia balume dia Yeshuwa bua kumufunda ku tshilumbu.

Malaki 1:8

Panudi nundambula nyama mufofame mesu, utebuka, nansha usama, nudi nuenza bimpe anyi? Meme Maweja-Nangila wa bukole buonsu ndi nnukonka ne: Nuenu balambule mulombodi wa buloba nyama wa mushindu ewu, udi mua kusanka anyi? Neanusankishe pende anyi?

Luke 3:27

Yowanane, Resa, Zerubabele, Sheyaltiyele, Neri,