Abakuke 3:6 - MUKANDA WA MYIDI MUKULU

⁶ Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Wakimana, wakatangila buloba; wakamona, wakakankisha bisamba bia bantu. Mikuna yakadiku ku tshibangidilu yakahandika; mikuna mikese yakadiku kale yakabatalala; bienzedi biandi bidi bu muakadibi kale.

Abakuke 3:6 교차 참조

Genese 49:26

Tatuebe udi ukuela lupemba, lupite ne luvua baledi banyi bangele meme. Neupete bintu bimpe, bidi pa mikuna ya kale. Lupemba lua kudi tatuende lupueke mu mutu mua Yozefe, bualu Yozefe udi mfumu wa bana babu.

Yobe 21:18

Badi baya nabu bu mudi lupepele luambula bisosa anyi? Peshi bu mudi mvunde ujula lupuishi anyi?

Yobe 9:5

Udi mua kutula mikuna, kuyiteka muaba mukuabu kayi umanyisha muntu. Yeye ne tshiji, udi uyibondakaja.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Misambu 104:32

Paudi utangila buloba, budi buzakala, paudi utua mikuna munu, idi ifuima muinshi.

Misambu 35:5

Mutumibue wa Maweja-Nangila neabatangalaje bu bisoosa biambula kudi lupepele.

Misambu 68:16

Mukuna wa Bashane nngua tshijila, mukuna wa Bashane udi ne nsongu ya bungi.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Misambu 97:5

Mikuna minene idi yenguluka bu manyi kumpala kua mukalenga wa buloba bujima.

Ekesode 15:14

Bantu kumvua lumu alu, kuzakala! Bena Peleshete kukuatshika bowa.

Ekesode 15:15

Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Ekesode 15:17

Maweja-Nangila, wewe kubafikisha, kubasombesha, pa mukuna uudi mudisunguile, pa muaba uudi musue kusomba, mu nzubu wa tshijila uudi mudiashile.

Ekesode 19:18

Mukuna wa Sinayi uvua mufikisha kudi muinshi, bualu Maweja-Nangila uvua mupueke pa mukuna munkatshi mua muinshi wa kapia. Muinshi uvua ubanda bu tshikutu tshia kapia. Mukuna mujima kunyunga bikole.

Ekesode 21:31

Pikala ngombe mutue nsongalume nansha nsongakaji nsengu mumushipe, muena ngombe neapete dinyoka dia momumue.

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Yeshaya 51:8

Bualu nebasunsuke, bu tshilamba tshidibu badia kudi musuasua. Kadi lupandu lundi mfika nalu, nelushale matuku onsu. Bumfumu buanyi nebutungunuke ku ndelanganyi ne ku ndelanganyi ya bantu.”

Mika 5:8

“Eyowa, luisha baluishi bebe, ubashipe, ubasunsule!

Nahume 1:5

Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Abakuke 1:12

Wewe udi Maweja-Nangila wa kale ne kale. Udi Mvidi Mukulu wanyi wa tshijila, wa kashidi ne kashidi. Maweja-Nangila, muena bukole utudi tutekemena, Wewe kusungula bena Babilone, kukolesha baluishi betu, bua bamfuishe, batunyoke.

Abakuke 3:10

Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Luke 1:50

Ku ndelanganyi ne ndelanganyi muoyi wende mulenga udi kudi bonsu badi bamunemeka.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Dielulula 33:15

Ditunga diabu didi ne mikuna minene ne mikese, idi ipatula biakudia, ku kale ne ku lelu.

Ebrewu 13:8

Yezu Kristu udi momumue makelela, lelu ne tshiendelele.

Yoshua 10:42

Kukuataye matunga aa. Kutshimunaye bakalenga abu anu musangu umue. Bualu Maweja-Nangila Mvidi Mukulu wa bena Izrayele nkayende ke uvua uluila bena Izrayele mvita.

Balombodi 5:5

Mikuna minene kuzakala kumpala kuebe wewe, Maweja-Nangila wa ku mukuna wa Sinayi, Mvidi Mukulu wa Izrayele.