3 Yone 1:6 - MUKANDA WA MYIDI MUKULU

⁶ Bavua bamanyishe Tshisumbu tshietu tshia bena ditaba, muudi unanga bana hetu. Nanku ndi nkulonda ne: ubambuluishe, bua bamone mua kutungunuka ne luendu luabu, mushindu udi mua kusankisha Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ bobo badi bamanyishi ba dinanga diebe ku mpala kua ekelesia; bua bualu buabo newenze bimpe biwabatuma ku mpala ku luendu luabo biakanangane ne Nzambi.

3 Yone 1:6 교차 참조

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

Tite 3:13

Ambuluisha Zenase, mulumbuluidi wa bantu, ne Apolose, bua bapete bionsu bidibu bakengela bua luendu luabu.

Bienzedi 15:3

Tshisumbu tshia bena ditaba kubambuluisha bua kuya ku luendu alu. Bavua bapitshila mu Fenisiya ne mu Samariya, balondela bena matunga aa, muvua bantu ba mu bisamba bikuabu bitabe Mvidi Mukulu. Bualu abu buvua busankisha bena ditaba bonsu bikole.

1 Petro 2:20

Kadi paudi umvua ne lutuulu mituutu idibu bakutuuta, bualu uvua muenze bibi, udi mua kupeta lumu anyi? Nanku paudi ukenga, ulama lutuulu, bualu uvua muenze bimpe, Mvidi Mukulu neakuele lupemba.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

Filipe 4:14

Kadi panuvua bangambuluishe mu dikenga dianyi, nuvua benze kabidi amu bimpe.

2 Korente 1:16

Mvua muele meji a kupitshila kuenu aku, pandi nya ku Masedoniya, pashishe a kumonangana nenu mu dipingana dianyi kabidi. Diba adi nuvua mua kungambuluisha bua meme kufika ku Yudeya.

Rome 15:24

Mvua musue kupitshila kuenu, pakumbana luendu luanyi lua kuya ku Espanye. Bualu ndi ntekemena kufika kuenu mu luendu alu bua kumonangana nenu. Ndi musue kushala nenu amue matuku, njinga kabidi bua nungambuluishe, bua mmone mua kufika ku ditunga dia Espanye.

Bienzedi 21:5

Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

3 Yone 1:12

Bonsu badi banyisha Demetriyose. Bulelela mene budi bumubingisha Tuetu kabidi tudi tujadika buimpe bua malu ende. Wewe kabidi udi mumanye ne: bitudi tujadika mbilelela

Bienzedi 15:29

kanudi minyinyi ya nyama ivuabu balambule nwidie. Kanudi mashi, nansha minyinyi ya nyama mishipa, kayiyi mipatule mashi. Nulekele buendenda. Nuenu bakumbaje mikenji eyi, nudi nuenza biakane. Kolayi!”

Yona 4:4

Maweja-Nangila kukonka Yona ne: — Udi ufika munda pa bualu anyi?

Genese 4:7

Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.