2 Timote 4:8 - MUKANDA WA MYIDI MUKULU

⁸ Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

Mukanda wa Nzambi Dihungila Dikulukulu ne Dihungila Dihia-dihia 2003

⁸ tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

2 Timote 4:8 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Misambu 31:19

Bena dishima aba bashale tumama. Badi baditambisha, bapepeja bantu badi kabayi ne bualu, babafunda.

Misambu 7:11

Mvidi Mukulu udi ngabu wanyi, udi upandisha bantu badi bamuitaba.

Nsumuinu 4:9

Neakulengeje, mudi nsala wa kalumbandi ulengeja mutu wa muntu.”

Malaki 3:17

Pashishe Maweja-Nangila wa bukole buonsu kuamba ne: — Dituku dindi ndeja bukole buanyi, bantu aba nebikale bantu banyi. Nembafuile luse, bu mudi tatu ufuila muanende udi umuenzela mudimu luse.

Matayi 24:36

— Kadi dituku adi, nansha diba adi, muntu nansha umue kena mubimanye, nansha batumibue ba mu diulu, nansha Muana. Anu Tatu nkayende ke udi mubimanye.

Matayi 7:22

Pafika dituku dia tshilumbuluilu, ba bungi nebangambe ne: “Mfumu, Mfumu, tuvua bamanyishe bantu malu a Mvidi Mukulu mu dina diebe, tuvua bipate mikishi mibi mu dina diebe, kabidi tuvua benze bishima bia bungi mu dina diebe!”

Luke 10:12

Ndi nnujadikila ne: dituku didi Mvidi Mukulu ukosa nsambu, kakunyoka bena Sodome, mudiye ne bua kunyoka bena tshimenga atshi nansha.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Rome 8:23

Kadi bifukibua kabiena bitua mikemu nkayabi nansha. Tuetu kabidi, bakadi bamane kupeta Mueyelu wa Tshijila bu dipa dia ntuadijilu dia Mvidi Mukulu, tudi tutua mikemu mundamunda, bindile ne: Mvidi Mukulu atuenze bana bende bua kashidi, atupikule mu bujima buetu.

1 Korente 2:9

Mukanda wa tshijila udi wamba ne: “Bidi muntu nansha umue kayi muanji kumona nansha kumvua, bidi kabiyi bianji kubuela mu meji a muntu, ke bidi Mvidi Mukulu mulongoluele badiye unanga.”

1 Korente 3:13

Kadi mushinga wa mudimu wa muntu yonsu neumueneke dituku dia Tshilumbuluilu, bualu dituku adi kapia nekateme. Kapia aka nekatete mudimu wa muntu yonsu, bua kuleja mushinga wawu.

1 Korente 9:25

Bonsu badi banaya nanku, badi badikengesha, bajila bintu bivule. Badi benza nanku bua kupeta nsala wa kalumbandi wa matuku makese. Kadi tuetu tudi tunyema bua kupeta nsala wa kalumbandi udi ushala kashidi.

2 Korente 5:2

Patutshidi panu, tudi tutua mikemu mpindiewu, tujinga bua batubuikile ne nzubu wetu wa mu diulu.

Filipe 3:11

ntekemena ne: Mvidi Mukulu neambishe meme kabidi ku lufu.

Kolose 1:5

Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

1 Tesalonike 5:4

Kadi nuenu, bana hetu, kanuena mu midima nansha. Nanku dituku adi kadiena mua kunujikila bu muivi to.

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

1 Timote 6:19

Ke mudibu bakungija biuma bidi bishala mu tshibutshilu tshimpe ne tshikole bua matuku adi kumpala. Diba adi nebapete muoyi udi mulelela.

2 Timote 1:10

Kadi mpindiewu mmutuleje dinanga diende patoke, padi Musungidi wetu Yezu Kristu mumueneke. Bualu Yezu Kristu mmushipe bukole bua lufu, mutumanyishe Lumu lua Disanka lua muoyi wa kashidi.

2 Timote 1:12

Ke pandi ne bua kukenga nanku. Kadi tshiena nteketa mu maboku, bualu ndi mumanye undi mutekemene. Ndi mushindike ne: udi ne bukole bua kulama bimpe bivuaye mumpeshe, too ne ku dituku dia Tshilumbuluilu.

2 Timote 1:18

Mfumu anuambuluishe, bua dituku dia Tshilumbuluilu Mvidi Mukulu amufuile luse. Wewe kabidi udi mumanye bimpe bungi bua midimu ivuaye mungenzele mu Efeze.

2 Timote 2:5

Muntu udi ubuela mu manaya a kunyema lubilu, udi mua kupeta nsala wa lumu, amu padiye ukumbaja mikenji ya manaya.

2 Timote 4:1

Ndi nkusengelela kumpala kua Mvidi Mukulu ne kua Yezu Kristu, walumbuluisha ba muoyi ne bafue, ndi nkulomba mu dina dia difika dia Yezu Kristu, ne dia Bukalenga buende, ne:

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Ebrewu 12:11

Diba didibu batunyoka, tudi dibungama, katuena tusanka to. Kadi kunyima, bavuabu banyoka balengeja nanku, badi bakuama bimuma bia ditalala, ne bia malu mimpe.

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 1:4

kusanka bua bilenga bidi Mvidi Mukulu mulamine bantu bende. Bilenga abi kabiena bibola, kabiena binyanguka, kabiena bifubidila. Mvidi Mukulu mmunulaminebi mu diulu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.

Didimanyisha 19:11

Pashishe meme kumona diulu diunzuluka, kabalu katoke kamuenekamu. Udi mubandepu badi bamuinyika: Wa diyi dimue, Wa malu malelela; udi ukosa nsambu pa yoyi, uluangana mvita amu pa bualu.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

Didimanyisha 22:20

Udi ujadika bulelela bua malu onsu aa, udi wamba ne: “Bushuwa, nkadi mu njila!” Eyo! Bikale nanku! Mfumu Yezu, vuaku!

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.