2 Timote 4:3 - MUKANDA WA MYIDI MUKULU

³ Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua tshikondo netshilue hikalabo kabai bunvua diyisha dilenge ne lutulu; kadi bualu bua matshu abo adi asasakana, bobo nebadikebele bayishi ba bungi bu mudi disamina dibi dia mitshima yabo;

2 Timote 4:3 교차 참조

1 Bakalenga 18:22

Ke Eliya kubambila kabidi ne: — Meme ndi mushale muambi wa Maweja-Nangila anu nkayanyi. Kadi, bambi ba Baale badi nkama inayi ne makumi atanu.

1 Bakalenga 22:18

Akabe mukalenga wa bena Izrayele, kuambila Yosafate ne: — Mvua mumane kukuambila! Mika udi ungambila anu malu mabi misangu yonsu. Katshia kena muanji kungambila bualu buimpe to!

1 Bakalenga 22:8

Akabe, mukalenga wa bena Izrayele, kuandamuna ne: — Muambi mukuabu umue udi munemu. Dina diende Mika, muana wa Imla. Kadi tshiena mumunange to. Bualu misangu yonsu udi ummanyisha amu malu mabi. Katshia, kena muanji kungambilaku bualu buimpe to. Mukalenga Yosafate kukema ne: — Kuangatshi muambi bibi nanku to!

Ekesode 32:33

Maweja-Nangila kuambila Moshe ne: — Anu badi benza tshilema abu ke bandi nkupula mena abu mu mukanda wa muoyi.

Yeshaya 28:12

Maweja-Nangila uvua mumane kunuambila ne: “Nunteleje, bua nupete dikisha. Bantu bakadi bapungile, nuanyishe bua bikishe. Kundi meme ke kudi bupole.” Kadi kanuvua basue kunteleja nansha.

Yeshaya 30:10

Badi bambila bambi ne: “Kanututatshishi ne malu adibu banuleja!” Kabena basue bua bambi babambile malu a bulelela. Badi bajinga bua babambile amu malu adi abasankisha. Badi basue bua babalaye amu diakalenga, nansha diodi dia dishima.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 27:9

Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Yirmeya 29:8

“Maweja-Nangila wa bukole buonsu, Mvidi Mukulu wa Izrayele, udi wamba kabidi ne: Kanuitabi malu a dishima adi bambi ba munkatshi muenu bamba, nansha malu adibu banuambila kudi bantu bua matuku atshidi kumpala. Kanuitabi badi banumvuija ndota yenu.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Luke 6:26

“Padi bantu bonsu banutumbisha, nudi bena diakabi, bualu ke muvua bankambua babu benzela bambi ba dishima nanku!”

Yowanane 8:45

Kadi meme ndi ngamba malu malelela. Ke panudi kanuyi nungitaba.

Bienzedi 17:21

(Bualu bena Atene bonsu, ne bantu ba bisamba bikuabu bavua basomba mu tshimenga atshi, bavua basombela amu bua kuamba, nansha bua kuteleja malu mapiamapia!)

1 Korente 2:1

Bana hetu, tshikondu tshimvua mufike kuenu aku musangu wanyi wa kumpala, bua kunulongesha bualu bulelela busokome bua Mvidi Mukulu, tshivua muakule miaku mikole, nansha ya lungenyi lutue to.

1 Korente 2:4

Bimvua muambe, bimvua munulongeshe, kabivua binutuila bualu mvua ngakula ne miaku ya lubombu, nansha ne meji matue a bantu; kadi amu bualu bukole bua Mueyelu wa Mvidi Mukulu buvua budileja munda muanyi.

Ngalate 4:16

Lelu nkadi muena lukuna wenu, bualu ndi muambila malu amu mudiwu anyi?

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

2 Timote 1:13

Miaku milelela imvua mukuambile ikuleje muudi ne bua kuakula. Unanukile bimpe mu ditaba ne mu dinanga, bitudi nabi patudi tudisanga ne Yezu Kristu.

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.