2 Timote 4:16 - MUKANDA WA MYIDI MUKULU

¹⁶ Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Ku kudividila kuanyi kua kumudilu kakuakadi muntu wakimana nʼanyi hamue, kadi bonso bakandekela; bualu ebu kabubadibu kudibo.

2 Timote 4:16 교차 참조

Marke 14:50

Ke balongi bonsu kumushiya nkayende, kunyemabu.

Luke 12:11

“Panufilabu mu nzubu ya ditendelela ya bena Yuda, nansha kumpala kua balombodi ne bamfumu, bua banulumbuluishe, kanupampakanyi bua mushindu unudi mua kudilumbuluila, nansha bua binudi ne bua kuamba.

Yowanane 16:32

Kadi tshikondu netshifike, — ntshimane kufika mene — tshianutangalajabu bonsu buenu, muntu yonsu ku nzubu kuende. Nenunshiye nkayanyi. Kadi tshiena nkayanyi to, bualu Tatu udi nanyi.

Bienzedi 22:1

— Batatu ne bana betu, ntelejayi. Bualu ndi musue kudilumbuluila mpindiewu kumpala kuenu.

Bienzedi 25:16

Mvua mubandamune ne: bena Rome kabena ne tshibidilu tshia kubindila muntu tshibawu, kayi muanji kutuilangana ne badi bamufunde, kayi mupete pa kudilumbuluila.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

1 Korente 13:5

Kena upanga kanemu, kena ukeba kudisankisha, kena ufika munda, kena ne njiya.

1 Korente 9:3

Umvuayi mundi ndilumbuluila, mpisha badi banjana:

2 Korente 7:11

Monayi muvua Mvidi Mukulu mukuate mudimu ne dibungama dinuvua nadi! Mpindiewu nukadi nutua tshilumbu atshi tshiadi. Nukadi nukeba kuleja munudi babinge! Nudi bafikile muena tshibawu munda. Nudi nutshina tshiji tshianyi, nujinga kumonangana nanyi! Nudi ne disuminyina, nukeba kunyoka badi benza bibi! Ke munudi baleje muenu muonsu munudi babinge mu tshilumbu atshi.

Filipe 1:17

Bakuabu badi balongesha ne muoyi wa kunduisha, kabidi wa kudinga bantu. Badi bakeba kumvudijila makenga pandi mu lukanu apa.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

2 Timote 4:15

Wewe kabidi umudimukile, bualu uvua mubenge bikole bionsu bituvua balongeshe.

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.