2 Timote 4:10 - MUKANDA WA MYIDI MUKULU

¹⁰ Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ bualu bua Dema wakandekela mumane kusua malu a ha buloba, wakaya ku Tesalonike; Kulesekene wakaya ku Galatia; Tito wakaya ku Dalamatia.

2 Timote 4:10 교차 참조

Matayi 12:32

Muntu udi upenda Muana wa muntu, nebajimije mibi yende. Kadi udi wamba Mueyelu wa Tshijila bibi, kabena mua kujimija mibi yende, nansha panu, nansha matuku atshidi kumpala.

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Luke 14:33

Nanku ndi nnuambila ne: muntu nansha umue wa kunudi, kena mua kuikala mulongi wanyi, padiye kayi mubenge bionsu bidiye nabi.

Luke 16:13

Muena mudimu nansha umue kena mua kuenzela bamfumu babidi mudimu. Bualu neakine ewu, anange wawa. Neajinge ewu, apepeje wawa. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Luke 17:32

Vulukayi mukaji wa Lote!

Bienzedi 13:13

Polu ne binende kubuela mu majuwa mu Pafose, kuya mu Perje wa mu Pamfiliya. Yowanane Marke kubashiya muaba awu, kupingana ku Yerushalayime.

Bienzedi 15:38

Kadi Polu kavua musue kuya nende to. Bualu Yowanane Marke uvua mubashiye mu Pamfiliya, mubenge kuenza nabu mudimu.

Bienzedi 16:6

Mueyelu wa Tshijila uvua mukandike Polu, ne bavuaye nabu, bua kabalongeshi muaku mu buloba bua Aziya. Ke bobu kupitshila mu buloba bua Frijiya ne bua Ngalate.

Bienzedi 17:1

Polu ne Silase kupitshila mu Amfipolise, ne mu Apoloniya, kufika mu Tesalonike. Mu tshimenga atshi muvua nzubu wa kutendelela wa bena Yuda.

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.

Bienzedi 17:13

Kadi bena Yuda ba mu Tesalonike, bumvua ne: Polu udi ulongesha muaku wa Mvidi Mukulu mu Bereya kabidi, kufikabu mu tshimenga atshi, bua kusonsola bantu, bua bajule mutoyi.

Bienzedi 18:23

Usombamu amue matuku, kumukaye tshiakabidi. Kupitshilaye mu buloba bua Ngalate ne bua Frijiya, wenda ukolesha balongi bonsu mu ditaba.

2 Korente 2:13

Kadi mvua mupampakane bikole, bualu tshivua musangane muanetu Tite. Ke mumvua mulayangane ne bena mu Trowase, bua kuya ku Masedoniya.

2 Korente 7:6

Kadi Mvidi Mukulu udi usamba badi batekete mu maboku, kutukolesha ku muoyi diba divua Tite mufike.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!

2 Korente 8:23

Tite ke utudi tuendakana nende, tukuata kabidi nende mudimu bua kunuambuluisha. Bana hetu bakuabu badi bamufila ku luendu badi bamienampala ba Bisumbu bia bena ditaba. Badi bakuata mudimu amu bua lumu lua Kristu.

2 Korente 8:6

Ke patuvua basengelele Tite, bua apingane kuenu aku, atungunuke ne mudimu uvuaye mushile mu njila, bua nujikije mudimu ewu ne muoyi wa kalolu.

Ngalate 1:2

Meme ne bana hetu bonsu badi kunu, tudi tunuela muoyi, nuenu badi mu Bisumbu bia bena ditaba bia mu Ngalate, tunujingila ne:

Filipe 2:21

Bantu bakuabu bonsu badi batata anu bua bidi bibalengelela bobu nkayabu. Kabena bakeba bidi bilengelela Kristu.

1 Timote 6:10

Bualu lukuka lua biuma mmuji wa malu mabi a mishindu yonsu. Banga bantu badi ne lukuka alu, mbapambuke mu njila wa ditaba, mbadikebele makenga mavule.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

2 Timote 1:15

Bu muudi mumanye, bantu bonsu ba mu buloba bua Aziya mbandekele, Fijele ne Ermojene kabidi.

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!

Tite 1:4

Wewe Tite udi muananyi mulelela mu ditaba didi didisanga nebe. Ndi nkufundila mukanda ewu, nkujingila ne: dinanga ne bupole bia kudi Mvidi Mukulu Tatu ne Yezu Kristu, Musungidi wetu, bishindame munda muebe.

Filemone 1:24

Marke, Aristarke, Demase ne Luke, badi bakuata nanyi mudimu, badi banuela kabidi muoyi.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.